Maono 18:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ vakugwa vaashidoni, “Apambale! Apambale njini ukumene, ágwete dinguvo dyakunamikanga, dyailangi yanshambalau na yanauvi wavannamidye na shaabu, majanga alimashi pamo na vyuma vyabei yoe!

Maono 18:16 交叉引用

Maono 17:4

Nkongwe jo agwete ligauni lyailangi yanshambalau na yanauvi; andílinemya na shaabu, majanga amali na vyuma vyabei yoe. Mmakono mwake andínyukata shikombe shashaabu shuumbéle vinu vyakudabukanga na vishapu vilódya vyakulauka kwake.

Maono 18:19

Vanavo vandítaa litutunga mmuti valila na vatangadikanga akuno vatangola pashanya po vaashidoni, “Apambale! Apambale njini ukumene! Njini wo wavatajilikidile vanu ve vavénavo dimeli mwimanga kwamwaa waditamaa dyake, kanji gwo, mwisaa imo tu nae anditimbikanga.

Maono 17:3

Napanelo njelo aníngutwala mu Imumu kunguukanavo kushimbweshe. Ako ndímwona nkongwe jumo àikele pashanya palidimu lyanauvi vàmwandikenge mena oe akukupulu, àvenavo myuti saba na dimembe kumi.

Maono 18:18

Pavalota kwona lyoi nae atikinyuka vandítangadikanga vaashidoni, “Nyani junji wakuva kenga njini au?”