15 Napanelo njelo kushidoni, “Medi augwene àikalidile lilaja lo, ni venentete, dimbumba, vilambo na dinangodi.
Napanelo njelo jumo pakati pavanjelo saba ve vavénavo midamu saba anínguvandika kutwa kushidoni, “Ida ndikulodye ukumu yalilaja nkumene áikele pashanya medi oe,
Vanji pakati pavenentete, makola, dinangodi na vilambo, vandalola mitui vyave mumaduva matatu na nushu; vanavo vandaleya pakulota mitui avyo vinashikigwe.
Napane vaníngwaulila doni, “Indikuvaikila ulave kavili kwamwaa wavenentete voe, vilambo, dinangodi pamo na vaumu.”
Vanavo vashindaimba lwimu lwaambi vaashidoni, “Wako ni úvaikidile kutwala shidingo na kunamatulanga dishelu dyake mwaa undibyaigwa na kwamyadi vyako uninshumila Nnungu vanu vakula likola, inangodi, venentete na shilambo.
