3 Njelo wambili andimiminila ndamu wake mwimanga kutwala yanavo kujalukanga kuva kenga myadi vyamunu wakupela na vinu uti vivénavo shingumi vipagwíte mwimanga, kuwanga.
Vanavo vandivanavo madalaka akushima kuwa kwambangidya imbula hainatonye muwakati wavalava. Namomo vandivanavo lilamulo lyakujalulanga medi kuva myadi na kubyaa shilambo kwakula inamuna yavyaushanga, myanda vyo vyavalota vene.
Nae mmakono mwake andínyukata shidingo shidikidiki shìdingukenge. Lidodo lyankanakono àlivete mwimanga na lyanshanda àlivete kumwangu
Napanelo ndímwona lidimu auma mwimanga ávenavo dimembe kumi, myuti saba na mudimembe mo kupagwa madaka kumi, mumyuti avyo vandyándika mena akukupulu.
Napanelo vanu avalá vapakadíle lilove lyake vandípata ubatisho; muliduva alyo vandílyunganianga kwavakwoda vanu vakuwikila shikonda shavanu dyalupu nnatu.
