Maono 16:21 - Ibibiliya mu Shimakonde Imbodi Yaambi na dimbande dya Imbodi Yakala

²¹ Kuwa ko, indívatanyela vanu imbula yadinyanga ding'umene, kula inyanga ishindaidopa dikilo kenga salasini na tano doni, vanavo vanínkupulu Nnungu kwamwaa waimbula ayo mwaa mauvilo lo, andímamodya.

Maono 16:21 交叉引用

Maono 11:19

Napanelo ing'ande yake Nnungu kuwa ko indíshimuka, nng'ande mo kutwala kwaneka lishanduku lyaimbodi yake Nnungu. Nadoni kundyúmilila kumeta, shilindimu, ding'uva, shindangenda na kutonya imbula ing'umene yadinyanga.

Maono 16:9

Vanu avo vandípya namene liduva; ata ive davo vanavo vandíkupulu lina lya Nnungu mwene lyululilo lyavyaushanga avyo na ata havalijugulénge na havampéle lishangelo Nnungu.

Maono 16:11

vashinankupulu Nnungu wakuwa kwamwaa wakupwateka na wamakana ave; ata ive davo, havalijugulénge vitendo vyave.

Maono 8:7

Njelo ntandi andyómba lipalapanda kutwala imbula yadinyanga na moto wanganikéne na myadi kujalegwa mushilambo. Imbandi yantatu yashilambo, imbandi yantatu yamilandi na uti udani umbii, vindítikinyuka.