Maono 12:9 - Ibibiliya mu Shimakonde Imbodi Yaambi na dimbande dya Imbodi Yakala

⁹ Napanelo lijoka likumene alilá lindíjalegwa pai. Aju ni jojo aijá nyoka wakala wavanshema Ndamoni kwali Shatwani ávaduwanga vanu mushilambo uti. Nae pamo na vanjelo vake vandijalegwa mushilambo shapai.

Maono 12:9 交叉引用

Lukashi 10:18

Yesu kushidoni, “Nangu ndimwona Shatwani agwa kuwa mwainaa yamoto.

Nshuwau 12:31

Wakati wakuukumigwa shilambo ashi undiwika. Ambi apa, andavingigwa nkútawala washilambo ashi.

Maono 20:10

Ndamoni áshivaduwanga, vaninjela mulitanda lyamoto likaléla na ipataki mo mwavele lidimu pamo namu nkúlava wakushang'apa. Amo vanavo vandapata mauvilo ngwengwe ngwengwe shilo na mui.

I Nshuwau 5:19

Wetu tundimanya kenga tuvake Nnungu kanji shilambo uti shivele mwina mwankalau.

II Vakolintu 4:4

Kwavanavo, nnungu wawakati au andivaputadya ding'anong'ano dyavakakulupila kwambangidya havanone lilangadyo lyantenga wambone walishangelo lyake Klistu ávele ing'ope yake Nnungu.

Maono 12:7

Napanelo kuwa indyúmilila ing'ondo: Migele pamo na vanjelo vake vandyúka nantenda ing'ondo aijá lijoka nanae lijoka na vanjelo vake kujang'ula moto.

Nshuwau 8:44

Mwenu tatagwenu Ndamoni na malotelo atatagwenu jo, ni amulota mutandedye. Nae tangu kala ni nkúbyaa, nkati muumwiu, hapali mwaa jojo jo umwiu pamili pake havenavo. Panatangola vyaushwang'a alilodya mavalelo ake mwaa nae ni nkúshang'apa na ni lipata lyaushwang'a.

Maono 20:8

na andauma kupita avaduwanga venentete vavéle mmatununa nsheshe ashilambo shapai, yani Gogi na Magogi kwambangidya avakumbulile kwing'ondo. Ishabu yave ni kenga dimbwe dyamwimanga.

Maono 12:3

Namomo ko kuwa ko kundyáneka shimanyikilo shinji: mwe! Lijoka likumene lyanauvi lyakuvanavo myuti saba na dimembe kumi, myuti mo kuvanavo madaka saba.

Maono 9:1

Njelo wamwanu andyómba lipalapanda kutwala nangu kwona inondo ikanywéke kuwa ìgwilidile pai. Inondo jo vandímupa mungulilo wannango wa ku Litavaleva.

Maono 2:24

“ ‘Kanji mwenu mmanji mma ku Tiyatila múkaodedya mapundisho alo na múkalipundishidye avilá vyavashema vipii vimwe Shatwani, ninkummanyiya doni, hanintika shinu ibasha inji;

Maono 2:13

“ ‘Ndimanya doni, paunama po ni pashiteng'u shimwe Shatwani. Ata ive davo mpaka ambi unkunamatila lina lyangu na haukanile likulupililo lyako kwangu, ata muwakati umwe Antipashi nshuda wangu wakukulupilika wavamyaile pakati penu, po panama Shatwani po.

I Patulu 5:8

Ava mevo na lilaledye: mmongo wenu mwenu Ndamoni ankudingukanga kenga ntumi akalamanga annambela wakwashi wakulota kummamane-uti.

II Vakolintu 11:14

Ashi hashinava shakutikinika mwaa jo mwene Shatwani, nae andálijaluwanga kuva njelo walilangadyo.

II Vakolintu 2:11

kwambangidya dashi, Shatwani hanatupate kwaujanja wake mwaa hatunatikinanga shinu milugu vyake.

Valoma 16:18

Mwaa vanu kenga ava havanantumika shinu Klistu Umu wetu kanji vatumika vitumbo vyave. Kwamalove ave akuutila na lutumbyango, vankuduwanga mitima vyavanu vákajavanianga.

Vitendo 26:18

kwambangidya dashi, uvaungule mevo vashiliuke kushii vauke kulilangadyo, vaume mumadalaka amwe Shatwani vauke kumwe Nnungu pakulota vapate kulivalivigwa kwamadambi na vapate lyutu mushipinga sha avalá vailimyangígwa kwaindila yakungukulupila nangu.’

Lukashi 22:31

Yesu kavili kushidoni, “Simoni, Simoni, ngwigwa. Shatwani andijugwa ampate mwenu pakulota ampete kenga ngano.

II Vakolintu 11:3

Kanji shangujopa ni ashi, kenga mo mwanduwangidídye nyoka Eva kwaujanja wake, ding'anong'ano dyenu inkuululika kumwashadyanga mukulipudya kwiu na kúkave ushapu kumwe Klistu.

Lukashi 22:3

Napanelo Shatwani andímwinjila Yudashi wavashinshema Shikaliyote munu wamushipinga shavakwoda vake Yesu kumi na mbili avalá.

Lukashi 8:12

igwilidíle ndila ailá inkwitika kuva vanu vaigwilíla lilove lya Nnungu kutwala Ndamoni kwida ndausha lilove alyo mmitima mwave pakulota havanakulupile na havanambwalegwe.

Mateu 25:41

“Bai napanelo andavaulila avalá vavé kunshanda kwake kushidoni, ‘Tumukanga apa mwenu mmanu mmadilana! Kuka kushena, kumoto úkamalilika wavankandyangididye Ndamoni pamo na vanjelo vake.

Mateu 4:10

Yesu napane kushidoni, “Kuka apa Shatwani! Mwaa indyandikigwa doni, ‘Lipudye kumwe Umu Nnungu wako na untumikile jojo bai.’ ”

Mateu 4:8

Ndamoni kuntwala kavili Yesu kumuukanavo pashanya lishinga lyakulepa nannodya utawala uti wamushilambo shapai na kunnodya lishangelo lyake

Mateu 4:5

Ndamoni kuntwala Yesu kumuukanavo mpaka kunjini wakwilimyanga nammika panantutuvilo waing'ande ya Nnungu

Mateu 4:1

Napanelo Imumu aníntwala Yesu kumuukanavo kushimbweshe pakulota atubigwe namu Ndamoni.

Maono 19:20

Kanji lidimu aijá, vanínkamula pamo namu nkúlava wakushang'apa áshitenda vimanyikilo palina lyake avaduwanga vanu vapwashaladíle numalu umwe aijá lidimu na kulipudya kulishinamu lyake. Uti ava vavili vandíjalegwa mulitanda lyamoto likaléla na ipataki vàvele vangumi.

Maono 16:14

Adyo ni dimumu dyamajini ditenda vimanyikilo. Vovo vo vankuvaukila vaumu vammilambo uti kutwala kuvakumbulila pamo kwambangidya vatende ing'ondo muliduva likumene limwe Nnungu Wadimongo-uti.

Maono 13:14

Kwamwaa wavimanyikilo vyavampéle atende pamevo pamwe lidimu ntandi, nae andívaduwanga vanáma mushilambo. Andívalamulila vakandyange lishinamu kwakuntumbyanga lidimu aijá wavankang'éne lyambila kutwala kunama kavili.

Maono 9:20

Avalá vákapadile muvyaushanga avyo, havalijugulénge ata padyoko vela yakulipudya kwamajini na kwavinu vyavakandyenge vo vene yani mashinamu ashaabu, alyava, ankuva, amajanga pamo na amilandi, ákaulula kulola, kwigwa na ata kuwena.

Maono 3:9

Laledya shangulota kuvatenda avalá vamushitala shakulipudidya shimwe Shatwani, vo valivíka kuva vayuda kumbe vakavele vayuda vàvele vakushang'apa. Mwiu ndavatadya valipudye mmadodo mwako na vamanye do, nangu ndikunagwaledya.

Maono 2:9

“ ‘Nangu ndimanya mauvilo ako na ungave-pashinu wako kanji wako po, untajili. Namomo mwavamwabalangila mwenu avalá valivíka kuva vayuda vakavele, kumbe ni shitala shakulipudidya shimwe Shatwani.

Yudashi 1:9

Doni, ata jo Migele nang'olo wavanjelo pashitaukananga namu Ndamoni vapwatanila mili umwe Musha, nae halyalaveke kumya ukumu yakukupulu kanji atédoni, “Umu akushulange.”

Vabalaniya 2:14

Doni, pakuva vana ava vankuvanavo mavalelo ashimunu, nanae momo andíliinjidyanga mumavalelo ashimunu pakulota kwaindila yakupela, andime aijá ávenavo lyululilo lyakupedya yani Ndamoni;

II Timoti 3:13

Napane vanu vakalau na vakushang'apa vandauka mushu vamamodya kuvaashadyanga vanu na vo vene vaashalangigwa.

I Timoti 2:14

Namomo Adamu haukile ndaduwangiligwa ila nkongwe paduwangiligwe andigwa mulidambi.

II Vateshalonika 2:3

Hamunanneke munu anduwanga kwainamuna yoeyoe mwaa liduva alyo, haliwika shitandi kukanava kupagwa kumpinga Nnungu na ankwaneka munu waungave-lilamulo aijá mwana wakubamalegwa,

Vaepeshu 4:14

kwambangidya dashi, hatunave tuvadyoko túgang'alegwa na mawimbi na tuvambaluwigwa kwakula imepo yamapundisho kwaujanja wavanu vaodédya mukuduwanga milugu vyakushang'apa.

II Vakolintu 12:7

Napanelo kwamwaa waukumene wakupunda apo wamaono na pakulota nangu hangunalikwedye, vaningujaulila miva mumili mwangu, àvele múntenga wake Shatwani pakulota angutindinganiange kwambangidya dashi hangunalikwedye.

Valoma 16:20

Nnungu waamani anankandinneu Shatwani ambi apa mmadodo mwenu. Umonyo umwe Umu wetu Yesu upagwe namu mwenu.

Vitendo 5:3

Patulu kutwala kumudya, “Ananiya, mwaa shani uninneka Shatwani akuumbala muntima ata mpaka kunshang'apila Imumu Wanashwe na kutitikulila njuluku unji walishamba lyaushumididye?

Nshuwau 16:11

kwaukumu mwaa nkútawala washilambo ashi andyukumigwa.

Nshuwau 14:30

Hangutangola shinu kavili vinu vyoe namu mwenu mwaa nkútawala washilambo ashi ankwida. Nae kwangu nangu hatenda shinu

Lukashi 13:16

Kushi nkongwe aju mwanagwe Abulaamu wamuungile Shatwani vyaka kumi na nane, haimmaikidile kumwambola mukungwa muliduva lyakupumula?”

Mateu 24:24

Mwaa vandaumilila vaklistu vakushang'apa na vakulava vakushang'apa. Vovo vandatenda vimanyikilo vikumene na vyakutikinikanga kwambangidya vavaashadyange ikaululika ata mpaka vakutandalegwa.

Mateu 13:39

mmongo ámpandile nashitani ni Ndamoni. Kupuna ni mwisho wawakati, vakupuna kuva vanjelo.

Maono 18:2

Njelo ajo andíkugwa na lidi likumene aashidoni, “Andigwa! Andigwa Babiloni nkumene! Nae andidyuka kuva lyutu lyakunama majini, kuva shivava shadimumu dyakunyata, shavyuni vishapu na vyashinyadinyadi.

Maono 18:23

Mulingongo lyako, mwiko hamulangala kavili moto wavyenje. Nkati mwako, mwiko haliigwinika kavili lidi lyankúlomba kwali nkúlombwa. Mwaa vamishulusho vako, vavéle vakumene mushilambo shapai, kwawavi wako, venentete uti vandyáshalanga,

Maono 12:8

Kanji lijoka aijá dinímpunguka dimongo, nadoni vandíkatoka lyutu lyave kuwa.

Maono 12:12

Napavedoni, kuwa ko puwanga pamo na mwenu múnama ako! Shipambale shilambo na imanga, Ndamoni aninshulukila mwenu na andishimwa poe namene; nae andimanya kenga wakati wake wo, ubakidile padyoko.”