9 Vanji pakati pavenentete, makola, dinangodi na vilambo, vandalola mitui vyave mumaduva matatu na nushu; vanavo vandaleya pakulota mitui avyo vinashikigwe.
Napanelo njelo kushidoni, “Medi augwene àikalidile lilaja lo, ni venentete, dimbumba, vilambo na dinangodi.
Ling'oto lyamaduva matatu na nushu alalá, imumu yashingumi yakwalakela kwa Nnungu kwinjila mumitui amulá kutwala mitui vyo kutakatukanga kwimila. Napane vanu vavagwéne kundivakumba kujopa kukumene namene.
Napane vaníngwaulila doni, “Indikuvaikila ulave kavili kwamwaa wavenentete voe, vilambo, dinangodi pamo na vaumu.”
Vandímupa lyululilo lyakuvatandela ing'ondo vakwilimyanga na kuvatema. Namomo vandímupa madalaka akutawalila kula likola, venentete, inangodi na shilambo.
Akapwashalele, avilá viumbi nsheshe pamo namu avalá vanang'olo ishilini na nsheshe vandíguguvalanga mpaka vyenye kundondya pai mushu mwa Ngandolo. Kula munu pakati pave andívanavo kanyembe na midamu vyashaabu vyakuumbala lubani, vyanavo ni kushwali kwavakwilimyanga.
Mwaa mo mwamulota kuvaukumila vavenu, namwenu Nnungu anamukumila momo. Shipimo shosho shamulota kuvapimila vavenu, namwenu Nnungu anampimila shosho.
Vanavo vashindaimba lwimu lwaambi vaashidoni, “Wako ni úvaikidile kutwala shidingo na kunamatulanga dishelu dyake mwaa undibyaigwa na kwamyadi vyako uninshumila Nnungu vanu vakula likola, inangodi, venentete na shilambo.
