Malukushi 5:7 - Ibibiliya mu Shimakonde Imbodi Yaambi na dimbande dya Imbodi Yakala

⁷ kutwala kutangola pashanya po aashidoni, “Wako Yesu mwanagwe Nnungu Wapashanya-uti, da wako namu nangu shako nyamani? Ninkukujugwa pamevo a Nnungu, haunangupe shaushanga.”

Malukushi 5:7 交叉引用

Mateu 8:29

Mwe! Vanavo kukugwanga pashanya po vaashidoni, “Yesu mwanagwe Nnungu! Da wako ulota nyamani kumili kwetu wetu? Da widilé ndatupa shaushanga wakati wake ukanava kuwika?”

Vitendo 16:17

Nae amwoda Paulu namu wetu ashindakugwanga pashanya po aashidoni, “Vanu ava ni vatumika vake Nnungu Wapashanya-uti; vankummalangangila indila yakwambola.”

Yudashi 1:6

Namomo vanjelo vakanyalidíle sheo shave vo vene bai vandíleka mautu ave, nadoni Nnungu andivakondya kushii vàvaungile mang'unyang'unya ákamalilika pakulota vaukumigwe muliduva alilá likumene.

Mateu 26:63

Yesu kumalala. Nkúlangalalela nkumene jo do, “Palina lya Nnungu mumi, twaulila ikava kenga wako ni Klistu aijá mwanagwe Nnungu!”

Maono 12:12

Napavedoni, kuwa ko puwanga pamo na mwenu múnama ako! Shipambale shilambo na imanga, Ndamoni aninshulukila mwenu na andishimwa poe namene; nae andimanya kenga wakati wake wo, ubakidile padyoko.”

Vitendo 19:13

Napanelo vayuda vanji váshipita valaula majini aukalau, muliduva limo vandílingangila kukumulanga majini mumili vyavanu vatambulanga lina limwe Umu Yesu vaashidoni, “Palina limwe Yesu wanammalanganga Paulu, nangu ninkunnamulila, uumananga!”

Lukashi 8:28

Nae akamwone Yesu andíkutakutanga kugwilangila mmadodo mwake kutwala kutangola pashanya po aashidoni, “Yesu mwanagwe Nnungu Wapashanya-uti, da wako shako nyamani kumili kwangu? Ninkukujugwangila haunanguvyauvyange!”

Malukushi 3:11

Vanu vamajini mashapu ngwengwe pavashimwona Yesu, majini lo ashindanguguvalila kutwala kukugwa pashanya po aashidoni, “Wako Umwana wa Nnungu.”

Mateu 4:3

Bai nkútubya andímwidila ndamwaulila, “Wako ukava umwanagwe Nnungu, lamulila majanga ala ajalukange ave magung'u!”

I Nshuwau 3:8

Aijá ánatenda shimadambi umwe Ndamoni mwaa Ndamoni ni wakutega ngwengwe tangu kunantandi. Ni asho shaidilidile Mwanagwe Nnungu pakulota abamalangile-uti vitendo vimwe Ndamoni.

II Patulu 2:4

Mwenu, ikava kenga Nnungu havavikidíle shitete vanjelo vatagíle ila andivajela kushena akulá kwakudimba kwavavaungile mang'unyang'unya kwambangidya vavakondye valindila ukumu;

Malukushi 1:24

“Wako Yesu wa ku Nashaleti, da wetu namu wako shako nyamani? Widilé ndatumalidya? Nangu ndikumanya, wako ni wakwilimyanga wake Nnungu.”

Mateu 16:16

Simoni Patulu patwete kujang'ula akaashidoni, “Wako Klistu mwanagwe Nnungu mumi.”

Vabalaniya 7:1

Mwenu, Malikishadeki aju avele umu wa ku Shalemu na jojo jo, avele nkúlangalalela-shadaka wake Nnungu Wapashanya-uti, nae andíkadyania namu Abulaamu, Abulaamu auja kukuvatema vaumu nae kutwala kumwalaliya.

Vabalaniya 2:14

Doni, pakuva vana ava vankuvanavo mavalelo ashimunu, nanae momo andíliinjidyanga mumavalelo ashimunu pakulota kwaindila yakupela, andime aijá ávenavo lyululilo lyakupedya yani Ndamoni;

Vitendo 8:36

Vauka mushu na shimwanda shave, vandíwika pashinu pavéle medi kutwala mwitiyope kumwaulila Pilipo doni, “Wako, medi ala apa. Da shipali shinu shingudingadínga shakungutadya napate ubatisho?”

Nshuwau 20:31

Avi vindyandikigwa pakulota mwenu mukulupile doni, Yesu ni Klistu Mwanagwe Nnungu na kwakunkulupila, mupate shingumi palina lyake.

Lukashi 6:35

Bai vanagwaledye vamongo venu, tandedya wambone, kapesha pamukalindila kupata shinu shoeshoe. Mukatenda doni, inudyo yenu indava ikumene na mwiu mundava mmanavake Wapashanya-uti. Mwaa nae andávatanana vakanalambwalela na vakalau.

Lukashi 4:34

aashidoni, “Iya! Yesu wa ku Nashaleti, da wetu po tukukawadidyé nyamani? Widilé ndatubamola? Nangu ndikumanya shana wako jo. Wako ni Wakwilimyanga wake Nnungu.”

Lukashi 1:32

Jojo jo andava nang'olo. Vananshema mwanagwe Wapashanya-uti. Mwana ajo, Umu Nnungu anantakatuwidya shiumu shanakulumunu Daudi.

Malukushi 14:61

Nae kumalala. Halipali lilove ata limo lyajang'wíle kutwala nkúlangalalela nkumene kumudya kavili, “Da wako Klistu, aijá Mwanagwe Wakwalaligwa?”

Valoma 16:20

Nnungu waamani anankandinneu Shatwani ambi apa mmadodo mwenu. Umonyo umwe Umu wetu Yesu upagwe namu mwenu.

Malukushi 5:6

Napanelo nae apalá pangwene Yesu kwakushu kuntukutila kuka ndanguguvalila mushu mwake

Malukushi 5:8

Andíjugwa davo mwaa Yesu anínnamulila lijini jo doni, “Wako lijini nshapu, mumili mwamunu ajo, kuma!”

Tiyagu 2:19

Wako unkukulupila kenga ankupagwa Nnungu jumo? Unkutenda shana! Ata vo vandamoni vo, vankukulupila shinu asho na vankutatamela.