31 Vakwoda vake do, “Wako unkwona imbumba yavanu indikushinya, unnambela dashi munu ákukwaidye?”
Yesu kudya, “Nyani ángukwaidye?” Vanu uti kukana. Vakakane, Patulu kushidoni, “Mwalimu! Vanu vandikutang'anedya na vandikushinya namene!”
Liduva lyuka mmamba, vamyombe vake Yesu kumi na mbili avalá vandímwidila Yesu ndamwaulila doni, “Vaapukaniange vanu vauke mmala na mmakaja avandíke vakapate shamoto na vakapumule. Mwaa patuvele apa panalugwangwa vila.”
Yesu kutwala kuka namu nae. Napanelo yo imbumba yavanu yo ishindamwoda na inshinya.
Yesu kumanyinneu kenga mo mumili mwake dipali dimongo dyumíle kutwala kushiliuka kulola imbumba kudya doni, “Nyani ákwaidye ikanju yangu?”
Kanji nae ashindamyangamyanga tu nnyenje mwake alota amwone munu átandile shitendo asho.
