40 Nae kuvaudya vakwoda vake kushidoni, “Mwaa shani mwenu munkujopa namene? Da hamunava kuvanavo likulupililo?”
Nae kuvaulila vakwoda vake, “Da likulupililo lyenu livé pashi?” Kanji vanavo vandíjopa na vandyúdyania vashanga, “Da munu aju átangalela imepo na medi kutwala kumwigwilila, avalalelé mwashi?”
Nae kushidoni, “Mwenu mmanu mmalikulupililo lidikidiki mwaa shani munkujopa?” Nae kutakatuka apalá kutangalela shimbunga sho pamo na litanda, vyanavo kulimaladya do, kimyaa.
Yesu kunyaladyedyanneu nkono kunkamula kutwala kushidoni, “Umunu walikulupililo lidikidiki, mwaa shani undyambambidya?”
Yesu amanya makumbukililo ave andívaulila kushidoni, “Mmanu mmalikulupililo lidikidiki, mwaa shani munkutaukananga ing'ano yakumwova magung'u?
Napane ikava kenga maukutu amumwitu anáma jo nelo lunduno kujela pamoto Nnungu ankunnemya, kushi mwenu mmanu mmalikulupililo lidikidiki hannemya kupunda apo?
Bai vanavo vandíjopa doni kutwala kuudyania shivenevene vaashidoni, “Da aju nyani átenda ata mpaka imepo na litanda kumwigwilila?”
