39 Nae akatakatuka kushulanga shimbunga na kutangalela litanda lyo kushidoni, “Limaladye! Haunapikitange!” Imepo kumalala kutwala pashinu po kumalalika do, kimyaa!
Napanelo Yesu pagwene iminga yavanu yumbalanila anínshulanga lijini nshapu jo kushidoni, “Wako lijini bubu na úkaigwa, nangu ninkukulamulila kuma mumili mwandyoko aju na haunainjile kavili!”
Yesu kutapela apalá pavele nnwele kutwala kutangalela shilwele ashilá; shilwele sho do, jii. Nnwele apalá kutakatuka kutwala kuvaatumikinneu.
Nae kushidoni, “Mwenu mmanu mmalikulupililo lidikidiki mwaa shani munkujopa?” Nae kutakatuka apalá kutangalela shimbunga sho pamo na litanda, vyanavo kulimaladya do, kimyaa.
Yesu avele kunyuma ingalava andílala lwono àijamidile litandiko lyakumuti. Bai vanavo kumwimulanga kutwala kushidoni, “Mwalimu, da kupela aku kwatupalanga tuvanu, haunajugulanga shinu?”
Yesu kunshulanga, “Malalila kushu ko gwe! Uma mumili mo!” Lijini kungwidya pai munu jo shing'ati shave kutwala kuma pakantenda shaushanga shoeshoe.
Vanavo kumwimulanga Yesu, “Mwalimu, mwalimu! Wetu po kupela!” Nae kutakatuka, kutangalela shimbunga pamo na mawimbi akujowa alalá; bai shimbunga pamo na mawimbi kulimaladya kutwala kuva shana.
