Malukushi 4:36 - Ibibiliya mu Shimakonde Imbodi Yaambi na dimbande dya Imbodi Yakala

³⁶ Vanavo kuleka dimbumba dyavanu popo kuka ndainjila mwingalava yavéle Yesu kumuukanavo; namomo dingalava dinji dinímpalakela.

Malukushi 4:36 交叉引用

Malukushi 4:1

Napanelo mumwanda unji kavili Yesu andítunduvanga kupundisha àvele nanyenje litanda. Popo po, imbumba ing'umene yavanu iníntang'anedya mpaka kuntadya nae kukwela mwingalava kwikala kunyamela padyoko kumedi kuleka imbumba yavanu ìvele kumwangu.

Malukushi 3:9

Kwamwaa wakuumbalanila vanu, Yesu kuvaulila vakwoda vake vampanganiangidye ingalava pakulota vanu vo havananshinye

Malukushi 5:2

Napanelo Yesu pashulwike mwingalava, kumakabuli ko kwalakenneu munu jumo walijini nshapu kumwidila.

Malukushi 5:21

Napanelo Yesu akakwela kavili mwingalava kwambokela litanda nkono unji. Popo po, iníntang'anedya imbumba yavanu apalá pavéle nanyenje litanda.

Mateu 8:23

Napanelo nae painjidile mwingalava vakwoda vake vandímwoda.

Malukushi 4:37

Bai mo mulitanda ni kulipuka shimbunga, napanelo mawimbi ankwinjila mwingalava na medi mwingalava mo kuumbala.

Malukushi 6:32

Vanavo kwinjilanga mwingalava gweka yave kuka kushimbweshe.

Lukashi 8:22

Muliduva limo Yesu andívaulila vakwoda vake doni, “Twamboke tuke litanda nkono unji,” vanavo kwinjila mwingalava kutwala mwanda.