Malukushi 2:17 - Ibibiliya mu Shimakonde Imbodi Yaambi na dimbande dya Imbodi Yakala

¹⁷ Bai Yesu akaigwe malove alo, andívajang'ula vamwalimu vo kushidoni, “Munu mumi hanannambela nkúlaula, ánannambela ava nnwele. Nangu apa hangwidile ndavashema vaishaliya, ngwidilé ndavashema vakutega.”

Malukushi 2:17 交叉引用

Lukashi 15:7

Kulandana na shitendo asho ninkumwaulila doni, kuwa lindapagwa lipuwilo lyoe mwaa wankútega jumo álijugulanga madambi ake kuliko vaishaliya tisini na tisa vákalota kulijugulanga.

Lukashi 19:10

Mwaa Mwana Wamunu aidilé ndavalambela na ndavaposha vajaíke.”

Nshuwau 9:40

Napanelo mapalishayo vanji vapagwíte pepi namu pavéle Yesu vakaigwe malove alo vandímudya, “Da wetu po momo tundiputala?”

Lukashi 15:10

Kulandana na shitendo asho ninkumwaulila doni, kwavanjelo vake Nnungu lindapagwa lipuwilo lyoe namene mwaa wankútega jumo álijugulanga madambi ake.”

Lukashi 15:29

kanji mwana anínjang'ula tatake doni, ‘Shasho! Nangu ndikutumika vyaka vyoe pandikapujungula mwiko lilamulo lyako, wako haungupele ata liduva limo mbudi wakuka nammamena na vavangu tupuwanga.

Titu 2:14

ályumidye jo mwene kwamwaa wetu wetu pakulota atwambole muungave-lilamulo uti na alikandyangidye jo mwene venentete vavaushanienge ushapu vaugweka vake jo mwene vavénavo dukuduku yakutandedya vitendo vyambone.

Vitendo 20:21

ngumya ushuda kwavayuda na kwavamidi wakulijugulanga madambi kwa Nnungu na walikulupililo nkati mumwe Umu wetu Yesu.

Lukashi 16:15

Yesu kutwala kushidoni, “Mwenu ni mmanu múlivika kuva vaishaliya kwavanu kanji Nnungu andimanya mitima vyenu. Vinu vyavona vanu kuva vyamana, Nnungu pake po ona kuva vyakudabukanga.

Mateu 18:10

“Lilaledye kwambangidya hamunamwiludyange ata ndyoko jumo pakati pavadyoko ava! Nangu ninkumwaulila doni, vanjelo vave kuwa ko, ngwengwe vankwonana namu Atata ávele kuwa.

Vitendo 26:20

Ndivavalangangila shitandi va ku Damashiko, kwatika ku Yelusalemu, disemu uti dya ku Yudeya namomo kwavamidi pakulota valijugulange madambi ave na vanshinjiulile Nnungu valodya vitendo kwodananavo kulijugulanga kwave.

Nshuwau 9:34

Vayuda kutwala kushidoni, “Wako uvalakwididyé uti mmadambi; napanelo ulota utupundishe wetu?” Bai vanímminganga mushitala shakulipudidya.