Malukushi 16:6 - Ibibiliya mu Shimakonde Imbodi Yaambi na dimbande dya Imbodi Yakala

⁶ Nnemba jo kushidoni, “Hamunajope! Mwenu munnambela Yesu wa ku Nashaleti wavankamadile panshalaba. Nae andidyuka, apa hapali. Lola palyutu lyavannadídye.

Malukushi 16:6 交叉引用

Lukashi 24:46

kutwala kuvaulila doni, “Vandyandika doni, indivaikila Klistu apele kutwala muliduva lyantatu adyuke pakati pavakupela

Vitendo 4:10

bai mwenu apa na mmanaishilaeli uti ikala mumanya kenga ni palina lyake Yesu Klistu wa ku Nashaleti wamunkamadile mwenu panshalaba kutwala Nnungu kundyuwa pakati pavanu vapadíle, kwadimongo dyake nae munu aju áimidile mushu mwenu andípata kupona.

Malukushi 1:24

“Wako Yesu wa ku Nashaleti, da wetu namu wako shako nyamani? Widilé ndatumalidya? Nangu ndikumanya, wako ni wakwilimyanga wake Nnungu.”

Mateu 12:40

Mo mwapagwidídye Janashi munda mwasamaki maduva matatu shilo na mui, yadavo andapagwa Mwana Wamunu maduva matatu shilo na mui pai po muulongo.

Malukushi 10:34

Vanavo vandamwiludyanga, kunshunangila mata, kunshapa viboko na vanampedya. Kanji muliduva lyantatu lyake andadyuka.”

Malukushi 1:27

Vanu uti ni kushanga doni na kutunduvanga kuudyania vaashidoni, “Da shinu ashi nyamani? Mapundisho aambi! Mapundisho avénavo madalaka! Mpaka nae ata majini mashapu ankulamulilila kutwala anavo kumwigwilila.”

Malukushi 9:15

Imbumba po paingwene Yesu indyángaikanga kutwala kuntukutila kuka ndamuudyanga.

Malukushi 14:33

Nae ankuntwala Patulu, Tiyagu namu Nshuwau kutunduvanga kwangaikanga na kumwida matuva

Vitendo 2:24

Kanji napane jojo jo, Nnungu anindyuwa pakati pavakupela amposha mumauvilo akupela mwaa haishuulukika kupela kundingile.