Malukushi 14:6 - Ibibiliya mu Shimakonde Imbodi Yaambi na dimbande dya Imbodi Yakala

⁶ Kanji napanelo Yesu kushidoni, “Nneke. Mwaa shani munkumwangaishanga? Nae aningutandela shinu shambone.

Malukushi 14:6 交叉引用

Vabalaniya 13:21

nae ampanganiange kwakula shinu shambone pakulota mutandedye malotelo ake na atandedya nkati mwenu ashilá shinnagwéla pamevo pake kwaindila imwe Yesu Klistu, kwake nae lipagwe lishangelo ngwengwe ngwengwe! Ame.

Vabalaniya 10:24

Namomo tukumbukile namene mwashi mwakwimulanila kwalinagwaledyo na kutandedya matendo ambone.

Titu 3:14

Vetu wetu vo, valipundishe kwangaikangila vitendo vyambone pakulota vaangangalange vinu vikumene vitakígwa na havanave vákapa vyepo.

Titu 2:14

ályumidye jo mwene kwamwaa wetu wetu pakulota atwambole muungave-lilamulo uti na alikandyangidye jo mwene venentete vavaushanienge ushapu vaugweka vake jo mwene vavénavo dukuduku yakutandedya vitendo vyambone.

II Timoti 2:21

Napanelo ikava kenga munu andaushanianga avilá víkave ishima andava shombo shakwishimika, shitandégwe kwilimyanga, shivénavo mana kwa Nang'olo shavapanganienge kwashimadengo uti shambone.

Vaepeshu 2:10

Mwaa wetu ni viumbi vyake Nnungu túkandyangigwe nkati mumwe Klistu Yesu kwavitendo vyambone vyapanganienge tangu kala wetu tuname muvyanavo.

Vitendo 9:36

Napanelo panjini wa Yope andípagwa nkongwe jumo nkwóda walina Tabita, lina lyavashema mushigalegu Dolakashi, nae avele wavitendo vyambone na ashindavapwashela vamashikini.

Mateu 26:10

Yesu amanya makumbukililo ave andítangola kushidoni, “Mwaa shani nkongwe jo munkumwangaishanga? Nae aningutandela shinu shambone.

Titu 3:8

Lilove ali, lyakukulupilika na kwavinu avi ninkulota doni, wako wigwiniye shana kwambangidya dashi, avalá vankulupíla Nnungu vaangaikangile kupagwa muvitendo vyambone. Vinu avi vyamana na vinkuvanavo paida kwavanu.

Titu 2:7

gwegwe umwene ulilodya kuva mpano wavitendo vyambone muvinu uti. Mumapundisho ako lo, lodya umwiu ungave-dimbenje

II Timoti 3:17

kwambangidya munu wa Nnungu ave wakuulula, wavampanganienge shana kwashimadengo uti shambone.

I Timoti 6:18

Vamanyie vatende wambone, vave matajili mushimadengo shambone, vavenavo ntima wakujaula vava tayali mukujavananga.

I Timoti 5:10

na ámanyike shana kwashimadengo shake shambone: ávaladile vana, ákalibishidye, ánavyenge medi madodo avakwilimyanga, ávapwashaladile vakuvauvanga na álijawile mushimadengo shambone shakula inamuna.

II Vateshalonika 2:17

apambadyange mitima vyenu na annonowange mushimadengo uti na mulilove uti lyambone.

Vakoloshu 1:10

kwambangidya muname shinamidyo shimmaikíla Umu, vinnagwela muuti, mupa vyepo mushimadengo uti shambone, mukulumuka mukummanya Nnungu,

II Vakolintu 10:18

Mwaa hanakubalika munu álitumbudya jo mwene kanji akubalika aijá wantumbudya Umu.

II Vakolintu 9:8

Nnungu napane ankuulula kutadya umonyo uti uumbaligwe kwenu mwenu pakulota muuti na muwakati uti, muvanavo uti vitósha, muumbaligwidye mushimadengo uti shambone.

I Patulu 2:12

Shinamidyo shenu shive shashalowa pakati pavamidi; nadoni ata vakantambudyanga kutenda vyakunyata, pavalota kwona vitendo vyenu vyashalowa, vanavo vandamupa lishangelo Nnungu muliduva lyalota kulilodya.

Malukushi 14:5

Akandyululika kushulushika kupunda dinali dimiya nnatu kuvajavila vákavele pashinu.” Nadoni vanavo vashinantangadikanga.

Malukushi 14:7

Mwenu ngwengwe munkupagwa pamo na vákavele pashinu; mukalota munkuulula kuvatandela wambone wakati woewoe. Napane nangu hangupagwa ngwengwe namu mwenu.