23 Napavedoni mwenu lilaledye! Nangu ninnaililidile kaladavo kwamwaa wavinu uti.
Mwenu mmakunagwaleka pakuva shinu ashi mundimanya kaladavo, lishunge kwambangidya hamunatwaligwe mushinamidyo shakunyata shavanu vanáma muungave-lilamulo na ata hamunaleke kunjaika kunanopa kwenu kutwala kugwa kenga vanavo
Vinu avi ninkumwaulila kaladavo vikanava kutandeka pakulota pavitandeka po, mukulupile.
Yesu kushidoni, “Lilaledye! Hanapagwe wakunduwanga mwaa vandaida vanu voe vatumila lina lyangu vaashidoni, ‘Nangu ni Masiya’ na kushidoni, ‘Wakati undiwika’ kanji hamunavode.
Nae kutwala kutunduvanga kuvaulila doni, “Lilaledye pakulota hanapagwe wakunduwanga.
“Lishunge! Hamunaleke mitima vyenu viidapelwa kwambalwa na ulevi na mangaikangilo ashinamidyo ashi kutwala liduva alyo kunkodya shingangala kenga ntego
Lilaledye, ava mevo! Mwenu hamumanyite wakati wamwisho duvani paulota kuwika.
“Mwenu lilaledye! Vanu vandamuukanavo mudikamati na muvitala vyakulipudidya vananshapa viboko. Kwamwaa wangu nangu mundaimila mushu mwavananangalaledi vamajimbo na mwavaumu kenga ushuda kwavanavo.
“Lishunge kwavakulava vakushang'apa. Vanavo vankumwidila mwenu vàgwalenge magwogwe adingandolo kanji mmitima myave vàvele mavinji akukalipa.
Ngwigwa! Vinu avi nimwaulila kaladavo.
Mwaa vandaumilila vaklistu vakushang'apa pamo na vakulava vakushang'apa. Vovo vo, vandatenda vimanyikilo na vyakutikinikanga kwambangidya vavaashadyange ikaulukika vakutandalegwa.
“Kanji napanelo mumaduva alo amwisho, ling'oto lyamauvilo lo, liduva lindadimba, mwedi hauvala,
