56 Bai vanavo vandyúma kuka likaja linji.
Hamunaleke wakunyata untema kanji tema wakunyata kwauwambone.
Nimumo momo Mwana Wamunu haidile pakulota vantumike; nae aidilé ndatumika na kujaula shingumi shake shive lyambolelo lyavanu voe.”
Mwaa Nnungu hantumididye mwanagwe mushilambo aukumu shilambo kanji shilambo sho shambwalegwe kwaindila yake nae.
Nkwíva aidila bai kwiva, kubyaa na kubamola; nangu jo ngwidilé pakulota vanavo vapate shingumi na shingumi shene vavenavo shoe namene.
Mwaa Mwana Wamunu aidilé ndavalambela na ndavaposha vajaíke.”
“Lilaledye kwambangidya hamunamwiludyange ata ndyoko jumo pakati pavadyoko ava! Nangu ninkumwaulila doni, vanjelo vave kuwa ko, ngwengwe vankwonana namu Atata ávele kuwa.
Shitangodi ashi ni shakukulupilika na shindivaikila shiitikiligwe: doni, Klistu Yesu andida mushilambo ndavaambola vakutega, pakati pavakutega avo, nangu po, ni ngumamadidye.
Munu akaigwa malove angu na mene kutandedya, nangu namuukumu shinu. Nangu hangwidile ndaukumu shilambo, ngwidilé ndaambola.
Kanji Yesu kushidoni, “Atata, valivalive mwaa havanamanya shinu shavatenda.” Bai vanavo vandíjalanga gudugudu kwambangidya vajavanange dinguvo dyake.
Yesu napane kushidoni, “Bai, leka.” Nae kukamula lyatu alilá kumponia.
Napane nangu jo ninkumwaulila doni, hamunammikile makukulu nkalau. Woewoe ákukoma lilatuma kunkanakono, nshiliulile kunshanda.
Yesu kanji andívaujila vo vene kuvashulanga.
Napanelo vàvele mushimwanda, munu jumo andímwaulila Yesu kushidoni, “Nang'olo, nangu ndakwoda kwoekwoe kwaulota kuka.”
