Lukashi 7:37 - Ibibiliya mu Shimakonde Imbodi Yaambi na dimbande dya Imbodi Yakala

³⁷ Mwe! Nkongwe jumo nkútega wapalikaja lyolyo akamanye doni Yesu avelé nng'ande mwake mpalishayo alya shakulya, nae andítwala ishupa yake yamauta akunung'angila

Lukashi 7:37 交叉引用

Lukashi 5:32

Nangu handivaidilile vaishaliya kanji ndivaidilile vakutega pakulota valijugulange.”

Mateu 21:31

Napanelo pakati pavana ava vavili, wakwashi átandadidye malotelo atatamunu?” Vanavo do, “Jo ntandi jo.” Yesu kushidoni, “Bai ninkumwaulila mwiu doni, vakukatisha-ukodi namu vakulavalava vankulangalela kwinjila muutawala wa Nnungu kunneka mwenu.

I Patulu 4:18

Na “ikava kenga pankukamadyanga waishaliya kwambolegwa, ilota kuva dashi kwamunu ákave Nnungu na nkútega?”

I Timoti 1:9

imanyika kenga lyanavo halivikike kwawaishaliya ila livikiké kwa avalá vaungave-lilamulo na vákaigwilila, vákave Nnungu na vakutega, vákamwishimu Nnungu na vadyeluelu, vavakanyalánga vatatavave pamo na vajujuvave, vakubyaa,

Lukashi 18:13

Kanji nkúkatisha-ukodi andíimila kushu na pakanyanyulila shilaka kuwa; nae ashindalikanyalanga pantima aashidoni, ‘Nnungu, ngwanangila shididi nangu ninkutega.’

Lukashi 5:30

Napanelo mapalishayo pamo na vamwalimu vave vadishaliya vashindavatangadikanga vakwoda vake Yesu vaashidoni, “Mwaa shani munkulyanavo vakukatisha-ukodi na vakutega?”

Valoma 5:8

kanji Nnungu kwetu wetu andilodya linagwaledyo lyake jo mwene, doni, wetu tùvele avi tuvakutega, Klistu andipela kwamwaa wetu wetu.

Nshuwau 11:2

Avele Maliya aijá ampakénge Umu mauta na ampukuténge mmadodo atumila ugwimbu wake e avénavo numbumunu nnwele, Lashalu.

I Timoti 1:15

Shitangodi ashi ni shakukulupilika na shindivaikila shiitikiligwe: doni, Klistu Yesu andida mushilambo ndavaambola vakutega, pakati pavakutega avo, nangu po, ni ngumamadidye.

Nshuwau 9:31

Wetu tundimanya kenga Nnungu hanamwigwa nkútega kanji aijá ámwishimu na átandedya malotelo ake, ajo nae ankumwigwa.

Nshuwau 9:24

Vanavo vakanshema kavili munu aijá e aputéle mevo kutwala kumwaulila doni, “Mupe Nnungu lishangelo! Wetu tundimanya kenga munu wene jo, nkùtega.”

Lukashi 19:7

Kutwala vanu uti pavagwene davo kutangadikanga vaashidoni, “Kumanya dashi kulitenda shijeni kwankútega!”

Lukashi 7:34

Kwida Mwana Wamunu álya na ákumbila mwenu muushidoni, ‘Nnole munu wakululuka, lilevi, njave vakukatisha-ukodi na vakutega.’

Lukashi 7:36

Napanelo mpalishayo jumo anínnalika Yesu kwing'ande yake akalye shakulya; Yesu kwinjila nng'ande amulá kutwala nanae kwikala pandamu.