9 Yesu kushidoni, “Nangu ninkumudya mwenu po, da muliduva lyakupumula lilamulo linkutuleka tutandedye vyambone kwali vyakunyata? Kuposha shingumi kwali kwanonga?”
Kutwala Yesu kuvaudya vamwalimu vadishaliya namu mapalishayo kushidoni, “Lipali lilamulo lyakumponia munu muliduva lyakupumula?”
Kutwala kuvaudya kushidoni, “Da muliduva lyakupumula lilamulo linkutuleka tutandedye vyambone kwali vyakunyata? Kuposha shingumi kwali kumalidya?” Vanavo kumalalanga do, vii!
Bai vanavo vandyúma kuka likaja linji.
Kanji nae amanya makumbukililo ave, andímwaulila munu wakudidimanga nkono kushidoni, “Takatuka wimile shing'ati!” Nae kutakatuka kwimila.
Andívalola vanu uti vantang'anadídye avalá kutwala kumwaulila kushidoni, “Nyalodya nkono wako!” Nae kutandela momo, nkono kuva kenga patandi.
