Lukashi 6:47 - Ibibiliya mu Shimakonde Imbodi Yaambi na dimbande dya Imbodi Yakala

⁴⁷ Munu woewoe áida kwangu nangu áigwilila malove angu na átandedya, nangu ndamwaulila walinganenenavo.

Lukashi 6:47 交叉引用

Lukashi 11:28

Kanji Yesu kushidoni, “Vamamodye namene kujaligwa avalá vaigwilíla lilove lya Nnungu na kuvikila kuntima.”

Nshuwau 14:15

“Mukangunagwaledya, malamulo angu mundaigwilila

Tiyagu 4:17

Bai aijá ámanyite wambone kutwala mene kutenda, kwake nae jo ni lidambi.

Mateu 12:50

Aijá átandedya mwalatela Atata ávele kuwa, ajo ni mwanetu, numbwangu na ajala.”

Nshuwau 13:17

Napane ikava kenga mundimanya vinu avi, mundaalaligwa mukatandedya.

I Patulu 2:4

Ngwengwe pamummandike nae lijanga lingumi lyavaitile vanu kanji litandalagwídye na livénavo mana pamevo pake Nnungu,

Vabalaniya 5:9

Namomo pantadidye awikile popo nae anditadya ave ntipu wakwambolegwa kúkamalilika kwa avalá uti vamwigwilíla,

Maono 22:14

Vandyalaligwa avalá vashápa dikanju dyave; nadoni vanavo vandavanavo aki yannandi washingumi na yakwinjilila njini vapitila mumilango vyake.

Lukashi 14:26

“Munu akaida kwangu alota kungwoda nangu kanji akanamwiludyanga tatake, anyoke, ndyagwe, vanavake, vakuluvake kwali vanung'unuvake, valumbuvake na ata kwiludyanga shingumi shake, hava shinu nkwóda wangu.

I Nshuwau 3:7

Mmanavangu, hamunanneke munu anduwanga; aijá átandedya vyaishaliya ni waishaliya kenga mwavalalele nae waishaliya.

I Nshuwau 2:29

Kwoda mwenu mundimanya kenga nae ni waishaliya namomo manya doni uti vanatandedya vyaishaliya vandivalekwa kwaindila yake.

Nshuwau 10:27

Vangandolo vangu nangu, vankwigwa lidi lyangu; nangu ndivamanya vanavo na vanavo vankungwoda.

II Patulu 1:10

Napavedoni mmanung'unumunu, kavili likanyalidye namene pakulota kushamegwa na kutandalegwa kwenu kunanope mwaa mukatenda avyo, mwiko hamulikuvala.

Nshuwau 6:37

Kula munu wangupa Atata andaida kwangu na aijá áida kwangu nangu, mwiko haninkumulanga.

Nshuwau 6:35

Yesu kushidoni, “Nangu ni Ligung'u Lyashingumi. Aijá áida kwangu, hainkola shinu kavili indala na aijá ángukulupila nangu, mwiko hainkola shinu kavili inyota.

Nshuwau 5:40

napane mwenu munkwita kwida kwangu nangu pakulota shingumi sho, mupate.

Lukashi 8:13

Igwilidíle padinyanga inkwitika kuva vanu vánatenda pavaigwilila lilove lya Nnungu, kupwashalela na lipuwilo kanji mwaa úkave wakulitalalakela, vakulupila kwawakati kutwala akavakodya malingo kutila.

Lukashi 8:8

Kanji inji kugwilila paulongo wambone, kumela, kupa vyepo vyoe namene vyakuwikila imiya kula lutavi.” Akamalile kutangola nkong'o au andílailila aashidoni, “Avé na matu, aigwe.”

Mateu 17:5

Patulu akuno atangola, kuwa kwaloka lyundi lyakushenga kuvainikidya, mo mulyundi mo kwigwinika lidi liishidoni, “Aju ni mwanangu waninnagwaledya, ángupa lipuwilo, jojo jo, mwigwilile.”

Nshuwau 8:52

Vayuda kutwala kushidoni, “Napanelo tundikwanalela kenga mwiu unkuvanavo majini. Abulaamu tu andipela na vakulava momo vandipalanga. Napanelo wako utangola kenga álota kwigwilila lilove lyangu, kupela ko mwiko, halinga ngwengwe!

Lukashi 6:48

Munu ajo avelé mwamunu ádangile ing'ande yake; andimba mapondo akukadaleka mpaka kundonda mulijanga kutwala kudenga. Livambwe likaide, medi kukanyola ing'ande yo kanji ing'ande yo, kulamana na kuting'ina mwaa wakudenga shana.