20 Napanelo Yesu andíng'amula mevo ake kuvalola vakwoda vake kuvaulila kushidoni, “Mundyalaligwa mwenu mmamashikini, utawala wa Nnungu, wènu.
Igwa mmanung'unumunu mmakunagwaleka, da Nnungu havatandwele vamashikini pamevo pavanu vamushilambo pakulota vave matajili nkati mulikulupililo na vapate maleko autawala walivikidile nae kwa avalá vannagwalédya?
Mwaa mwenu mundimanya umonyo umwe Umu wetu Yesu Klistu doni, àvele avi ntajili kwakunnagwaledya mwenu nae andilitenda kuva ákave pashinu kwambangidya kwaindila yaungave-pashinu wake, antadye mwenu muke mukave mmatajili.
“Hamunajope mwenu mmakwoda vangu mwaa Tatagwetu ininnagwela kumupa utawala wake.
Napane jo Umu jo andavaulila avalá vakunkanakono kwake kushidoni, ‘Idananga mwenu mwalaligwe namu atata! Pwashalela utawala wavankandyangididye tangu kukandyangigwa kwashilambo.
“ ‘Nangu ndimanya mauvilo ako na ungave-pashinu wako kanji wako po, untajili. Namomo mwavamwabalangila mwenu avalá valivíka kuva vayuda vakavele, kumbe ni shitala shakulipudidya shimwe Shatwani.
kenga túvenavo shipalodi kumbe ngwengwe tunkupuwanga, kenga tuvamashikini kumbe ni túvatadya voe vatajilike, kenga túkave pashinu kumbe tunkuvanavo uti.
Andyalaligwa munu álipililila nkati mmalingo mwaa ling'oto lyakukubaligwa, andapata lidaka lyashingumi lyalivikidile Nnungu kwa avalá vannagwalédya.
Avi uti ni kulodya ngala shaliya yaukumu yake Nnungu kwambangidya mwenu muvalangiligwe kuva mmakuvaikila muutawala wa Nnungu, wo wamuvauvangila wo,
Mwenu mundilitenda kuva mmakujedya vetu na vamwe Umu pamupwashaladile lilove nkati mumauvilo oe kwalipuwilo lya Imumu Wanashwe.
Doni, nkati mumauvilo oe, kuumbaligwa kwalipuwilo lyave na ungave-pashinu wakumamodya wave, undipakatika utajili wakujaula kwaupande wave.
Mumakaja alo, vanavo vashindapita vavanonowanga vakwoda vavapa ntima pakulota vauke mushu mulikulupililo na vavamanyiya doni, “Indivaikila tupite mumauvilo oe kwambangidya twinjile muutawala wa Nnungu.”
Napanelo munu jumo aikéle namu Yesu akaigwe malove alo, nae kushidoni, “Andijaligwa munu álota kupata lyutu pandamu muutawala wa Nnungu.”
Pamumwona Abulaamu, Ishaki, Yakobo namu vakulava uti vàvele kuutawala wa Nnungu, mwenu vàngang'aladidye panda, popo po mundalila na mundatuka shulu.
“Imumu wake Umu aningushulukila mwaa aningupaka mauta pakulota ndivavalangangile vamashikini ntenga wambone, kungutuma ngwide ngwaule kuvaambola kwavakungwa, vákalola nivape kulola, vakutawaligwa nivape unaiti
Vakuputala mevo vankupata kulola, vakudidimanga madodo vankuwena, vamalemba vankuvatadya kutakata, vákaigwa vankwigwa, vakupela vankuvadyuwa na vamashikini vankuvalangangiligwa ntenga wambone.
Kanji Abulaamu kushidoni, ‘Mwanangu, kumbukila mushingumi shako undipata vinu vyambone kenga momo Lashalu mushingumi shake kupata vyakunyata. Ambi apa Lashalu ankupagwa mukupambadyangigwa, wako kupagwa mumauvilo.
Napanelo Yesu akone dimbumba adilá, andíkwela palishinga kwikala. Vakwoda vake pavammandike,
