Lukashi 4:6 - Ibibiliya mu Shimakonde Imbodi Yaambi na dimbande dya Imbodi Yakala

⁶ kutwala kumwaulila doni, “Wako nangu ndakupa madalaka aviteng'u avi uti pamo na lishangelo lyake mwaa nangu vaningukamudya, nene ninkuulula kumupa aijá waninnota.

Lukashi 4:6 交叉引用

Vaepeshu 2:2

Muvinu avyo, mwenu mushindanama kwodana na inamuna yashilambo ashi na kwodana na nkútawala wamadalaka akuniania, imumu ikóla ambi apa madengo muvakaigwilila.

Nshuwau 14:30

Hangutangola shinu kavili vinu vyoe namu mwenu mwaa nkútawala washilambo ashi ankwida. Nae kwangu nangu hatenda shinu

Nshuwau 12:31

Wakati wakuukumigwa shilambo ashi undiwika. Ambi apa, andavingigwa nkútawala washilambo ashi.

I Nshuwau 5:19

Wetu tundimanya kenga tuvake Nnungu kanji shilambo uti shivele mwina mwankalau.

Maono 13:7

Vandímupa lyululilo lyakuvatandela ing'ondo vakwilimyanga na kuvatema. Namomo vandímupa madalaka akutawalila kula likola, venentete, inangodi na shilambo.

Maono 13:2

Lidimu waningwéne aijá avele kenga shuvi, madodo ake kuva kenga linyoma na ikanywa yake kuva kenga yantumi. Lijoka aijá andímwing'a lidimu dimongo dyake, shiteng'u na madalaka oe.

Maono 12:9

Napanelo lijoka likumene alilá lindíjalegwa pai. Aju ni jojo aijá nyoka wakala wavanshema Ndamoni kwali Shatwani ávaduwanga vanu mushilambo uti. Nae pamo na vanjelo vake vandijalegwa mushilambo shapai.

I Patulu 1:24

Mwaa “Vanu uti vankuva kenga udani, kushenga kwave uti kunkuva kenga induva yaudani. Udani undajuma na dinduva dinanyala,

II Vakolintu 11:14

Ashi hashinava shakutikinika mwaa jo mwene Shatwani, nae andálijaluwanga kuva njelo walilangadyo.

Nshuwau 8:44

Mwenu tatagwenu Ndamoni na malotelo atatagwenu jo, ni amulota mutandedye. Nae tangu kala ni nkúbyaa, nkati muumwiu, hapali mwaa jojo jo umwiu pamili pake havenavo. Panatangola vyaushwang'a alilodya mavalelo ake mwaa nae ni nkúshang'apa na ni lipata lyaushwang'a.

Lukashi 4:7

Napavedoni wako ukalipudya kwangu nangu, avi uti vindava vyako.”