4 Napanelo Yoshe dadavo andyúma ku Galileya palikaja lya pa Nashaleti kwambokela ku Yudeya kuka kwavo Daudi ku Beteleemu mwaa Yoshe avele washipinga shaudukulu umwe Daudi.
Da Maandiko hatangwele aashidoni, muudukulu umwe Daudi na mulikaja lya Beteleemu, likaja lyake Daudi, andaalakela Klistu?”
Napanelo andíwika palikaja lyake lyakulumukidile pa Nashaleti; akawike apo, muliduva lyakupumula nae mwalidyavalelo lyake, andíinjila mushitala shakulipudidya. Akainjile, andítakatuka pakulota ashomye;
ndaikala panjini umo wavashema Nashaleti pakulota liwikile popo lilove litangaléke kwaindila yavakulava doni, “Vananshema kuva Nnashaleti.”
Kutwala Nataniyele kumudya Pilipo doni, “Ku Nashaleti kunkuululika kwaloka shinu shambone?” Pilipo kushidoni, “Ida ulole.”
Akuno apanga nnugu wake au, njelo wake Umu andímwidila mwindoti ndamwaulila kushidoni, “Yoshe ndukulugwe Daudi, haunajope yakumpwashalela Maliya kuva ndyavo mwaa nae andiimita kwaindila ya Imumu Wanashwe.
Nadoni vanu uti vandyúka ndalyandika kanji kula munu ashuka ndalyandika kwave.
Ako nae aukile kukulyandikisha; andyúka pamo namu Maliya nkongwe wantamadíle kunnomba, jo Maliya aju àvele na shitumbo.
