Lukashi 14:21 - Ibibiliya mu Shimakonde Imbodi Yaambi na dimbande dya Imbodi Yakala

²¹ Ntumika kuja, kummalangangila nang'olo wake malove ala uti; tatamunu mwene ing'ande jo àshimwidye andímwaulila ntumika wake kushidoni, ‘Uma shipajelo upite uwena mudibalabala na mudindila dyapalikaja upita uvatwalanga vamashikini, vakulamala namu vákalola uvaidenavo.’

Lukashi 14:21 交叉引用

Lukashi 14:13

Kanji ukapanganianga shikukulu, valalike vamashikini, vakulamala, vákalola,

Tiyagu 2:5

Igwa mmanung'unumunu mmakunagwaleka, da Nnungu havatandwele vamashikini pamevo pavanu vamushilambo pakulota vave matajili nkati mulikulupililo na vapate maleko autawala walivikidile nae kwa avalá vannagwalédya?

Mateu 11:5

Vakuputala mevo vankupata kulola, vakudidimanga madodo vankuwena, vamalemba vankuvatadya kutakata, vákaigwa vankwigwa, vakupela vankuvadyuwa na vamashikini vankuvalangangiligwa ntenga wambone.

Nshuwau 9:39

Yesu kushidoni, “Shangwidilidile mushilambo amu ni kwamwaa wakuukumu pakulota avalá vákalola vapate kulola na avalá valóla, vaputale.”

Lukashi 14:24

mwaa nangu ninkumwaulila doni, vanu vatuvalalike avalá hapali álota kwida ndalya shikukulu ashi.’ ”

Vabalaniya 2:3

Napanelo tulota kupalanyoka dashi ikava kenga hatunatanana shinu kwambolegwa aku kukumene? Kwambolegwa aku kuvalangilígwe kunantandi namu Umu kutwala kuka ndaakikishiligwa kwetu wetu namu avalá vaigwíte

Maono 22:17

Imumu pamo na nkúlombwa vankushidoni, “Ida!” Kula áigwa aashidoni, “Ida!” Aijá ávenavo inyota, aide; aijá álota, atwale medi ashingumi akumbile monyo.

Maono 19:15

Nkanywa mwake mundyúma lyambila lyakukola pakulota avabyaile venentete, jojo jo andavalangalalela na ipimbo yashitali na andakandangila vinyu mulitangi lyakushimwa kwake Nnungu Wadimongo-uti.

Vabalaniya 13:17

Vaigwilile vananangalaledi venu, namomo livike mwina mwave mwaa vanavo ni vashúnga ungumi wenu kenga vanu valóta kujang'ulanga pamevo pake Nnungu. Vaigwilile kwambangidya shimadengo shave shive shalipuwilo i kwakung'ung'ulanga mwaa ikava davo, haipagwa paida kwenu.

Lukashi 24:47

na palina lyake, uvalangangigwe ntenga wakulijugulanga na wakulivalivigwa kwamadambi muvenentete uti kutunduvangila ku Yelusalemu.

Mateu 11:28

“Idananga kwangu mwenu uti díndabadabyenge dibasha, nangu nampumudya.

Lukashi 9:10

Napanelo vamyombe vake avalá pavaujite vanímmalangangila uti vinu vyavatandile. Kutwala apo Yesu andívaukanavo nkono wakunjini wa Beteshaida vanyema padyoko.

Mateu 18:31

Napanelo vatumikamwagwe vanji vakone shitendo asho, vandívanavo shipalodi shoe kutwala kuka nammanyiya nang'olo wave vinu uti vitandéke.

Mateu 15:12

Napanelo vakwoda vake vandímuukila ndamudya doni, “Da unkumanya kenga mapalishayo pavaigwite vyautangwele avilá indivanyatila?”

Lukashi 14:20

Kutwala junji kavili kushidoni, ‘Nangu ngulombilé ambi apa, ako hangwida.’

Lukashi 14:22

Ntumika kuja kumwaulila nang'olo wake kushidoni, ‘Nangu vyaungutumile vyo, nditandedya kanji mautu andiijalila.’

Mateu 20:7

Vanavo kushidoni, ‘Hapali munu átupele madengo.’ Nae do, ‘Namwenu, wena koko kulishamba ko mukalime.’