I Timoti 1:15 - Ibibiliya mu Shimakonde Imbodi Yaambi na dimbande dya Imbodi Yakala

¹⁵ Shitangodi ashi ni shakukulupilika na shindivaikila shiitikiligwe: doni, Klistu Yesu andida mushilambo ndavaambola vakutega, pakati pavakutega avo, nangu po, ni ngumamadidye.

I Timoti 1:15 交叉引用

Malukushi 2:17

Bai Yesu akaigwe malove alo, andívajang'ula vamwalimu vo kushidoni, “Munu mumi hanannambela nkúlaula, ánannambela ava nnwele. Nangu apa hangwidile ndavashema vaishaliya, ngwidilé ndavashema vakutega.”

Lukashi 19:10

Mwaa Mwana Wamunu aidilé ndavalambela na ndavaposha vajaíke.”

Nshuwau 12:47

Munu akaigwa malove angu na mene kutandedya, nangu namuukumu shinu. Nangu hangwidile ndaukumu shilambo, ngwidilé ndaambola.

Nshuwau 1:12

Napane uti avalá vampwashaladíle, vo vakulupidíle lina lyake, nae andivapa aki yakutandegwa kuva vana va Nnungu.

Lukashi 5:32

Nangu handivaidilile vaishaliya kanji ndivaidilile vakutega pakulota valijugulange.”

I Nshuwau 3:5

Mwenu mundimanya kenga nae andída pakulota aushaniange madambi na nkati mwake nae halipali lidambi.

I Timoti 1:13

nene ngwe nguvéle nkúkupulu, nkúpapata na njauli. Kanji ndipata kwanangiligwa shididi mwaa ngùvele mukutikinanga, nangu ngushindatenda muungakulupila wangu.

Mateu 20:28

Nimumo momo Mwana Wamunu haidile pakulota vantumike; nae aidilé ndatumika na kujaula shingumi shake shive lyambolelo lyavanu voe.”

I Vakolintu 15:9

Mwaa nangu nindikidiki namene pakati pavamyombe na ata hanguvaikidile kushamegwa myombe mwaa ndipapata liganisha lyake Nnungu.

Nshuwau 1:29

Palyamba lyake Nshuwau andímwona Yesu amwidila kutwala kushidoni, “Mwenu! Ngandolo wa Nnungu aijá áusha lidambi lyashilambo.

Mateu 9:13

Wena mukalipundishe mana amalove ala, ‘Shangulota ni shididi i shadaka.’ Nangu hangwidile ndavashema vaishaliya ila vakutega.”

Mateu 1:21

Nae anammaleka mwana nnume na wako undamupa lina lya Yesu mwaa alota kuvaposha venentete vake kwamadambi ave.”

Vabalaniya 7:25

Napavedoni nae ankuulula kuvaambole-uti avalá vammandíka Nnungu kwaindila yake pakuva jojo jo, ankunama ngwengwe pakulota kuvajungwangila vanavo.

I Timoti 4:9

Lilove ali ni lyakukulupilika na lindivaikila likubaligwe uti.

Valoma 5:6

Doni, wetu tùdabadabenge avi, muwakati wowo wo, Klistu andipela kwamwaa wa avalá vákave Nnungu.

I Nshuwau 3:8

Aijá ánatenda shimadambi umwe Ndamoni mwaa Ndamoni ni wakutega ngwengwe tangu kunantandi. Ni asho shaidilidile Mwanagwe Nnungu pakulota abamalangile-uti vitendo vimwe Ndamoni.

I Timoti 3:1

Lilove ali ni lyakukulupilika: munu akavanavo shabaa yakupata shinang'olo shankúlaledya, ankulota shimadengo shambone.

Vaepeshu 3:8

Ata ikava kenga nangu nindyoko-uti pakati pavakwilimyanga, vaningupa umonyo au wakuvavalangangila vamidi mali akwinjipika amwe Klistu

Maono 22:6

Ling'oto njelo aníngwaulila doni, “Malove ala akukulupilika na maiu. Umu, Nnungu wadimumu dyavakulava, anintumidya njelo wake kwambangidya avalodye vatumika vake vinu vilóta kutandeka muwakati wakuvandika.”

Maono 5:9

Vanavo vashindaimba lwimu lwaambi vaashidoni, “Wako ni úvaikidile kutwala shidingo na kunamatulanga dishelu dyake mwaa undibyaigwa na kwamyadi vyako uninshumila Nnungu vanu vakula likola, inangodi, venentete na shilambo.

Titu 3:8

Lilove ali, lyakukulupilika na kwavinu avi ninkulota doni, wako wigwiniye shana kwambangidya dashi, avalá vankulupíla Nnungu vaangaikangile kupagwa muvitendo vyambone. Vinu avi vyamana na vinkuvanavo paida kwavanu.

II Timoti 2:11

Shitangodi ashi ni shakukulupilika: Ikava kenga tundipela namu nae, namu nae momo tundanama,

Vitendo 3:26

Nnungu pantakatuwidye ntumika wake, ampalakadidyé shitandi kwenu mwenu pakulota amwalaliye anshinjiula kula munu mushinamilo shake shakunyata.”

Nshuwau 3:36

Aijá ánkulupila Mwana ankuva na shingumi shíkamalilika kanji aijá áita kunkukulupila Mwana, shingumi sho alota kwigwa lyatu na shitundi shake Nnungu shinkupagwa pamili pake.”

Maono 21:5

Napanelo aijá e aikéle pashiteng'u kutwala kushidoni, “Vinu uti ninkutenda kuva vyaambi.” Kavili kushidoni, “Andika mwaa malove ala ni akukulupilika na aumwiu.”

I Nshuwau 5:11

Ushuda wene wo ni au: Nnungu anditupa shingumi shíkamalilika na shingumi ashi shinkupagwa nkati mwa Mwanagwe.

I Timoti 1:19

ukamulila likulupililo na makumbukililo ambone amuntima alalá ávaitile vanji, nadoni kwalikulupililo lyave vandititimila mmedi.

Mateu 18:10

“Lilaledye kwambangidya hamunamwiludyange ata ndyoko jumo pakati pavadyoko ava! Nangu ninkumwaulila doni, vanjelo vave kuwa ko, ngwengwe vankwonana namu Atata ávele kuwa.

Vitendo 11:18

Bai pavaigwite malove alo, vanavo vandídimikila na kumupa lishangelo Nnungu vaashidoni, “Kumbe mwiu! Ata vamidi Nnungu andivapa kulijugulanga madambi kuka mushingumi.”

Vitendo 11:1

Napanelo vamyombe pamo na vanung'unumunu ku Yudeya uti vandígwa doni, ata vamidi momo vandipwashalela lilove lya Nnungu.

Lukashi 15:2

Kanji mapalishayo pamo namu vamwalimu vadishaliya kuntangadikanga vaashidoni, “Kumanya dashi, munu aju kuvapwashalela vakutega na kulyanavo!”

Valoma 11:14

pakulota dashi, kwadinamuna dyoedyoe nguvatadye liloko vakwetu kwambangidya ndivaambole vanji pakati pave.

I Timoti 6:13

Ninkukulamulila pamevo pa Nnungu jo áing'a shingumi vinu uti na pamevo pamwe Klistu Yesu áumidye ushuda wambone pamevo pamwe Ponji Pilatu,

Mateu 18:11