3 hamunavatawale avalá vamuukile ndakulupiligwa kanji ava mpano kwashipinga asho.
I do, hatuvenavo aki ayo kanji pakulota tulyumye wewe tuvene kenga mpano wakujedya mwenu.
Mmanung'unumunu, ungana mutwale mungujedye na muvalole avalá vanáma kwakulinganana na mpano wamuvenavo mwenu kwetu wetu.
I do, tunkutawala likulupililo lyenu kanji tuvamadengomwenu kwalipuwilo lyenu mwaa kwalikulupililo, mundinanopa.
gwegwe umwene ulilodya kuva mpano wavitendo vyambone muvinu uti. Mumapundisho ako lo, lodya umwiu ungave-dimbenje
Hanapagwe wakukwiludyanga kwamwaa wakuva wako unnemba kanji ava mpano kwavakukulupila mukutangola, mushinamidyo, mulinagwaledyo, mulikulupililo na muungave-ushapu.
Nadoni lishunge mwemwe mmene na shunga shipinga shavangandolo uti shankamudidye Imumu Wanashwe muve mmakulaledya vake kwambangidya mushunge liganisha lya Nnungu lyapatile kwaindila yamyadi vyake jo mwene.
Avilá vyamulipundishidye, vyamupatile, vyamwigwite na vyamugwene kwangu nangu, vinu avyo tandedya na Nnungu waamani andapagwa namu mwenu.
Mwaa hatunalivalanganga wewe tuvene kanji tummalanganga Yesu Klistu kuva Umu kutwala wetu kuva tuvatumwa venu kwamwaa umwe Yesu.
Kanji napane nkati mumwe Umu nkongwe i shinu bila nnume na ata nnume i shinu bila nkongwe.
Kanji napane mwenu ni likola litandalagwídye, unashilangola washiumu wakupalakedya shadaka, venentete vakwilimyanga, venentete vake jo mwene kwambangidya muvalangange ukumene wake aijá ánshamile mushii muke kulilangadyo lyake lyamakango.
Mwaa wetu ni vamadengomwagwe Nnungu, mwenu po lyala lyake Nnungu na ing'ande yake Nnungu.
Da Apolu ni nyani? Paulu ni nyani? Vanavo ni vatumika tu; kwaindila yavanavo mwenu mundikulupila kwakwodananavo shimadengo shampele Umu kula munu.
Doni, nimpelé kenga mpano pakulota mo mwanintandalele mwenu, namwenu mutandele momo.
Nadoni muukilé ndava mpano kwavakukulupila uti va ku Makedoniya na va ku Akaya.
