I Nshuwau 5:19 - Ibibiliya mu Shimakonde Imbodi Yaambi na dimbande dya Imbodi Yakala

¹⁹ Wetu tundimanya kenga tuvake Nnungu kanji shilambo uti shivele mwina mwankalau.

I Nshuwau 5:19 交叉引用

II Vakolintu 4:4

Kwavanavo, nnungu wawakati au andivaputadya ding'anong'ano dyavakakulupila kwambangidya havanone lilangadyo lyantenga wambone walishangelo lyake Klistu ávele ing'ope yake Nnungu.

Vaepeshu 2:2

Muvinu avyo, mwenu mushindanama kwodana na inamuna yashilambo ashi na kwodana na nkútawala wamadalaka akuniania, imumu ikóla ambi apa madengo muvakaigwilila.

Vagalata 1:4

ályumidye jo mwene kwamwaa wamadambi etu pakulota atuposhe muwakati au wakunyata kwodananavo malotelo atatagwetu Nnungu.

Nshuwau 12:31

Wakati wakuukumigwa shilambo ashi undiwika. Ambi apa, andavingigwa nkútawala washilambo ashi.

Maono 12:9

Napanelo lijoka likumene alilá lindíjalegwa pai. Aju ni jojo aijá nyoka wakala wavanshema Ndamoni kwali Shatwani ávaduwanga vanu mushilambo uti. Nae pamo na vanjelo vake vandijalegwa mushilambo shapai.

Nshuwau 16:11

kwaukumu mwaa nkútawala washilambo ashi andyukumigwa.

I Nshuwau 5:20

Namomo tundimanya kenga Mwana wa Nnungu andida na anditwing'a limanyilo kwambangidya tummanye aijá Waumwiu. Na wetu tunkupagwa nkati mumwe aijá Waumwiu kwaindila ya Mwanamunu, Yesu Klistu. Aju ni Nnungu Waumwiu na shingumi shíkamalilika.

I Nshuwau 5:13

Nimwandikila mwenu vinu avi mwemwe múkulupila lina lya Mwana wa Nnungu kwambangidya mumanye kenga munkuvanavo shingumi shíkamalilika.

Tiyagu 4:4

Mmakulavalava! Da hamunamanya shinu kenga kupangana imbodi na shilambo ni umongo namu Nnungu? Álota ave mbwadimunu washilambo, nae ankulitenda kuva mmongo wake Nnungu.

Nshuwau 14:30

Hangutangola shinu kavili vinu vyoe namu mwenu mwaa nkútawala washilambo ashi ankwida. Nae kwangu nangu hatenda shinu

I Nshuwau 5:10

Aijá ánkulupila Mwana wa Nnungu, ankuvanavo ushuda au nkati mwake. Aijá ákankulupila Nnungu, ankuntenda kuva nae nshwang'a mwaa hanakulupila shinu ushuda waumya Nnungu kwamwaa wa Mwanagwe.

I Nshuwau 3:24

Aijá áigwilila malamulo ake ankupagwa nkati mwake Nnungu na nae nkati mwake. Tundimanya kenga nae ankupagwa nkati mwetu kwaindila ya Imumu watupele.

Maono 20:3

kunjela ku Litavaleva kushima kutwala kukamela pashanya pake kwambangidya hanavaduwange kavili venentete mpaka viwike vyaka alupu imo. Ling'oto lya apo, inimmaikila aunguligwe wakati padyoko.

I Nshuwau 5:18

Tundimanya kenga uti aijá ávalakwadidye kwaindila ya Nnungu hanatega ila ávalakwadidye mu Nnungu ananshunga na aijá nkalau, hamwavalela.

II Vakolintu 5:1

Mwenu, tundimanya kenga ikabamalegwa yema yatunama mushilambo amu, tunkuvanavo ing'ande kumwe Nnungu, ing'ande yavakadangile na makono yangwengwe kuwa.

Valoma 8:16

Jo mwene Imumu ankumya ushuda kwaimumu yetu kenga wetu ni tuvanavake Nnungu

I Nshuwau 3:14

Wetu tundimanya kenga tundyuma mukupela kuka mushingumi mwaa tunkuvanagwaledya vanung'unumunu. Aijá ákave linagwaledyo ankupagwa nkati mukupela.

Titu 3:3

Mwaa ata nawetu kala po, tuvele tuvanu túkave ding'ano na túkaigwilila vatwashadyenge tuva tuvatumwa kwavinu vyakula inamuna na ditamaa, shingumi shetu tunama mushishimwashimwa na mwing'ou, tuvangadika na tuvangadyania.

II Timoti 1:12

Kwamwaa wavinu avi namomo ninkuvauvanga kanji hangunona dyoni mwaa nimmanya aijá waninkulupidile na ninkuvanavo wakika kenga nae ankuulula kushunga ashilá shangukulupidile mpaka muliduva alyo.

II Vakolintu 1:12

Kulitamanga kwetu ni aku, makumbukililo etu amuntima ankumya ushuda kenga mwatunamila mushilambo amu na kupunda namene kwenu mwenu kuvelé kwakulishapeya na ushalowa walóka kumwe Nnungu i kwalimanyilo lyashimunumunu kanji kwaumonyo wake Nnungu.

Lukashi 4:6

kutwala kumwaulila doni, “Wako nangu ndakupa madalaka aviteng'u avi uti pamo na lishangelo lyake mwaa nangu vaningukamudya, nene ninkuulula kumupa aijá waninnota.

Nshuwau 17:15

Hangunajugwa shinu uvaumye mushilambo ila uvashunge kwa aijá nkalau.

I Nshuwau 5:15

Nadoni pakuva tunkumanya kenga nae ankutwigwa kwa ashilá shatunjugwa, tunkumanya kenga tundipata tayali avilá vyatujugwile.