II Vateshalonika 3:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Kwaupande wenu mwenu mmanung'unumunu hamunadobe kutandedya wambone.

II Vateshalonika 3:13 交叉引用

Vabalaniya 12:3

Mmikile namene kuntima aijá álipililidile kupingigwa kukumene kwavakutega kwamwaa wake jo mwene pakulota mwenu hamunadobe na ata hamunapungukigwe dimongo.

II Vakolintu 4:1

Napavedoni, pakuva tunkuvanavo utumika au watupatile kwashididi shake, havinatudidima mitima.

II Vakolintu 4:16

Napavedoni havinatudidima mitima. Ata ikava kenga umunu wetu wapanda unkunda kanji umunu wetu wankati unkutandegwa waambi kula liduva.

Maono 2:3

Wako unkunanopa na unkulipililila mauvilo kwamwaa walina lyangu na haudabadabenge.

Vabalaniya 12:5

Da mwenu mundilivaliva akulá kulaililila kwantanana mwenu kenga mmanavake? “Mwanangu, haunailudyange kuduma kumwe Umu na ata haunapungukigwe dimongo muwakati wakushashulanga.

I Vateshalonika 4:1

Kumwisho akuno mmanung'unumunu tunkunjugwa na kunnaililila palina limwe Umu Yesu doni, kulingana kenga mo mwamupwashaladile kwetu wetu amulá muvaikidíle muname na munnagwele Nnungu kenga mwiu mwamutandela, bai wenanavo mushu mutandedya kupunda apo.

Lukashi 18:1

Napanelo nae andíkong'a nkong'o avamanyiya vakwoda vake vashwalye ngwengwe pavakaujila kunyuma

Vapilipo 1:9

Aku ni kushwali kwangu, linagwaledyo lyenu mwenu lyanjadyeke kupunda apo nkati mulimanyilo na mukujavanianga

Valoma 2:7

Kwa avalá valóta kunanopa nkati mukutandedya wambone, valambéla lishangelo, ishima na ungapela, andavapa shingumi shíkamalilika

I Vakolintu 15:28

Napanelo pavilota kuvikigwa uti kumaulu kwake, bai jo mwene Mwana andavikigwa kumaulu kumwe aijá ávikile uti kwake nae kwambangidya Nnungu ave uti muuti.

II Vateshalonika 3:15

kanji hamunammalangilile kuva mmongo ila ndume kenga nung'unumunu.