5 Da hamunakumbukila shinu kenga vinu avi nimmalangangila ngùvele namu mwenu?
Nadoni ninkulikanyalidya na dimongo kwambangidya ling'oto lyakunyema kwangu mushilambo amu, mwenu mukumbukile vinu avi kula wakati.
Mwaa ata patupagwíte namu mwenu tunínnamulila doni, munu akanalota kukola madengo, bai hanalye.
Mwaa mundimanya shana mwatupagwididye na kula munu pakati penu kenga tatamunu kwavanamunu
ing'ou, kwambalwa, kululuka na vinji vilinganána na avyo. Ninkumwaulila kala davo kenga mwanimwaulidile kunantandi doni, vaténda vinu avyo, mwiko havapata maleko autawala wa Nnungu.
Napavedoni lilaledye mukumbukila doni, nangu muvyaka vitatu shilo na mui hangulakadile kunyuma kunnangalalela kula munu pakati penu ngulilidyanga.
Kanji napane vyovyo vyo, ninkumwaulila kaladavo pakulota pavitandeka po, mukumbukilinneu vyanimmanyiya. “Vyanavo kunantandi hanimwaulidile mwaa nangu ndípagwa namu mwenu.
Mevo mwenu munkuvanavo kanji hamunalola shinu; matu munkuvanavo kanji hamunaigwa shinu. Da hamunakumbukila shinu?
Da mpaka ambi hamunava kumanya? Hamunakumbukila shinu magung'u mwanu alalá avalíle vanu dyalupu mwanu avalá? Makombo lo, muumbadidye makalala mangapi?
Mwaa patupagwíte namu mwenu tushindamwaulila kaladavo kenga wetu tundauvauvanga na mwiu vinditandakela momo kenga mo mwamumanyilile.
Nadoni ashilá shindingadínga nae ambi apa, mwenu mundimanya kwambangidya aaneke muwakati wene-wene.
