3 Hangunatangola shinu vinu avi pakulota kumuukumu mwaa kenga mo mwanimwaulidile, mwenu munkupagwa mmitima vyetu kwambangidya tupele namu mwenu kwali tuname namu mwenu.
amu ni mwatunnagwaladyedya mwenu wetu mpaka kututadya tuve tayali kumajananga i gweka ntenga wambone wa Nnungu kanji ungumi wetu momo pakuva mwenu mwiu mundyuka ndava mmakunagwaleka vetu.
Napavedoni, ninkumwandikila vinu avi ndikapali namu mwenu kwambangidya pangupagwa namu mwenu po, hangunatumile na dimongo madalaka angupele Umu kwakundenga i kwakumbamola.
Nangu kwantima wambone ndajaanga na ndalijaangila uti kwamwaa waungumi wenu. Ikava kenga nangu ninkunnagwaledya namene mwenu, ndanagwaleka padyoko?
Mwaa shani? Da, nangu mwenu nannagwaledya shinu? Ámanya ni Nnungu.
Nadoni ata ikava kenga nimwandikila haivéle kwamwaa umwe aijá ámwanadile muje na ata i kwamwaa umwe aijá wavamwanadile kanji pakulota mwemwe mmene muulule kwanalela dukuduku yenu kwetu wetu pamevo pake Nnungu.
Mwemwe mmene ni ibalugwa yamalailililo etu yandikígwe mmitima vyetu imanyíka na ishomégwa na vanu uti
Ni shinu shivaikidíle shakunkumbukila nangu mwenu uti mwaa nangu nimmika muntima mwangu; ata mukungwa kwangu na ata mukushililidya kwali mukwakikisha ntenga wambone, uti mwenu ni mmakumajananga nanangu muumonyo.
