Ebraniin 4:7 - TIMIꞌDI TUMMA MA ꞌBÏTÏNGNGÖ NJA RAWUS NJA YÜNAN

⁷ Yungngo Masala ka kusu uuru kide ana eere aꞌda uuru no, afa moono ka teema ana onggoꞌdo tammo Dawud ꞌbilli miki, “Kada ka föönyö ꞌbugeyi ya Masala ka uuru tanno ya, aaga tafa tasilli tumma iini.”

Ebraniin 4:7 交叉引用

Ebraniin 3:15

Sorne ma Masala iki, “Uuru no, kada ka taföönyö ꞌbugeyi ya Masala, aaga fa tasilli eema afa maada ka tagasilli tumma na Masala kungngo.”

Matta 22:43

Ïkïrï ka tiki eene, “Dawud sa agala kööꞌdö nya ümmünü iꞌi aꞌda ‘Uugaara’ eema a türü ma Koronggore?

Kadafïïnï 28:25

A kene ka tüfürü tanyalagaago kita iini, kudumma tumma tanno eene taalo kinynyo ka oona, a Bölis tiki eene, “Tumma na Koronggore tiya Insili ya ka timinꞌda a neꞌbi Asaiya ka tirina a kadaada ma aaga no,

Kadafïïnï 2:31

A Dawud illi ka tasala tumma na Masala ka talinggo adageema aꞌda Almasiihi a tafïkïꞌdö ka inde iki, ‘Taalo Masala matafa kini ka ꞌbuugu ma inde a tuuꞌda niini taalo ka tasürdö.’

Lüüka 20:42

Ara Dawud ka eyi tiya iini ka tiki ka Sorne ma Tüüsü aꞌda, ‘Iki Uugaara a Uugaara tiya eede, Emmi kede ka nïïsö ma kuri,

Murkus 12:36

Aꞌda Dawud ka eyi tiya iini eema a türü ma Koronggore tiya Insili ya, ‘Iki Uugaara Uugaara tiya eede, Emmi kede ka nïïsö ma kuri, ara aꞌa ka anangnga kadu ma kïrïmï nüüdü küdü ka uune.’

Kadafïïnï 2:29

A Bütrüs tiki, “Nagöre eede, aaga afa kede nadirina tumma aaga dhorro, eyi pupa yaaja Dawud atatüꞌbüdene a la ma oofo yiini ungngo aja kita taꞌbïtïngngö.