2 Tasalanükï 1:6 - TIMIꞌDI TUMMA MA ꞌBÏTÏNGNGÖ NJA RAWUS NJA YÜNAN

⁶ Ara Masala saga tüünï nïïmö ya adho ka fïïnï ya, oogo mara sa ka tapusu kadu na üünï tatoroko ana aaga no.

2 Tasalanükï 1:6 交叉引用

Kölösi 3:25

Ömöꞌdï ya üünï eema ya toroko ya, ara sa aluna tapusu adene niini kide, kitaalo talomodene kide.

Tumma tanno Yasu 6:10

Kïkïrï katiidhe koꞌdꞌdo kiki, “Taagaada Uugaara ya Insili, ya tatiminꞌda ya, taalo oꞌo nara tümmü kadu ma ꞌbüdhülü naꞌdïïnö ada ungngo ma erïïdö tiya ïïdï?”

Tumma tanno Yasu 19:2

Tasigi noono kadho ka fïïnï kada timinꞌda. Agasigi madatemelö ma dhabbu mo magaꞌda ꞌbüdhülü a temelö tanno oono, aꞌdïïnö kömüsü ma erïïdö ma kasaga tanno oono.”

Tumma tanno Yasu 18:20

ꞌDotomboꞌdo, adhodho kudumma oono ka tagaꞌdadene, aaga dhodho kadu na insili no nja kadafïïnï nja naganeꞌbi kudumma Masala ka takapusu oogo ka eema tiya oono ka tagüünï ana aaga ya.”

Tumma tanno Yasu 15:4

Ka Uugaara, mada iꞌi yungngo taalo ara tariꞌba oꞌo, afünügü eere yüüdü koꞌdo? Oꞌo na insili unggodho oꞌo. Ara kadu nyeꞌdꞌde sa kööꞌdö küürü küdü kidha kudumma linggo üüdü a dhidho, a kadu tadïnö kide nyeꞌdꞌde.”

Tumma tanno Yasu 11:18

Kadu ma kajeene kagorooꞌbo, kudumma uuru ma tagorooꞌbo tanno üüdü ka ndöꞌdö nja uuru ma tapusu kadu na aaya no. Uuru ka ndöꞌdö ma üüdü kara tanangnga talïngnge a kadu tanno üüdü naganeꞌbi, nja kadu na insili no nja kadu tanno ariꞌba eere tiya üüdü no, na dhiidhi no nja tanno ïïfï no, nagirina kadu na kaꞌda ꞌbüdhülü no.”

Tumma tanno Yasu 18:24

Kaduna erïïdö kono ma naganeꞌbi nja kadu tanno insili no nja kadu na kirinadene ka ꞌbüdhülü nyeꞌdꞌde.”

Ebraniin 6:10

Masala taalo müünï ada kadu kuꞌbu taalo mara tüürü ma eema tiya ada ka tagalinggo ya nja tasaasa tanno ada kaala oono ka eema tiya kamana a kadu tanno oono, aaga taleefe talinggo ada eene.