Pʉɔ-Lɔ́mɑ 15:33 - Kɑɑ Fí

³³ Ɛ́ pɔŋ ŋɡɔ Sɛ́ ẅí ɑ ɡɑ́nɛ mɔ́fíitɛ pɔ́ ḿbɔ́ nɛ́ pʉʉ pɛtsʉʉ. Ɛ́ pɔ́Ꞌɔ.

Pʉɔ-Lɔ́mɑ 15:33 交叉引用

2 Kɔlɛ̂ŋtɛ 13:11

Ɛ́ nǔu ŋkɔ̂ɔnɛ pɔ́ɔpɛ́mɑ́ pɑ́ɑ, pʉʉ ńnɑ́ŋ nɛ́ tsɑ́ɑtɛ. Pʉʉ pɔ́ ńdɔɔ shʉ́ pɑ́Ꞌ yɛcɔ́ lɔ́Ꞌ kɛ́ ɡɛ ḿbɔ́ tsɛtsɛt pʉʉ pɔ́. Pʉʉ pɔ́ ńní mɛtʉʉ-mɛmbʉʉ mʉ́ʉ. Pʉʉ sɛ́ ŋ́ɡẅɛɛ tɑ́Ꞌ ntsu, ńnɑ́ŋ nɛ́ mbɔ́tnɛ, ɛ́ lɛɛ pɔ́Ꞌɔ, Sɛ́, jʉ́ ẅi ɑ ɡẅɛɛnɛ ŋkɔŋɛ pɔ́p mbɔ́tnɛ pɔ́ tsɛtsɛt pʉʉ.

Filipɛ 4:9

Kʉ̈ɔ́ lɑ́ yi ŋ kɑ zíꞋnɛ wʉ́ʉ, kʉ̈ɔ́ lɑ́ yi pʉʉ kɑ zúꞋnɛ ntsu mɔ, kʉ̈ɔ́ lɑ́ yi pʉʉ kɑ jʉ́ɔnɛ ŋ ɡɛ, pʉʉ ɡɛ pɔ́Ꞌɔ pɛ́ jʉ́ɔ. Sɛ́ ẅí ɑ ɡɑ́nɛ mɔ́fíitɛ pɔ́ mbɔ̌ pʉʉ.

1 Tɛsɑlɔník 5:23

Pɛk sɛ́ ńdɔ́ɔ ŋɡɔ Sɛ́ nɛ́ tú yɛ́, ẅi ɑ Sɛ́-mbɔ́tnɛ, ɑ ɡɛ pʉʉ pɔ́ pʉɔ pɛ́ tɛ ńdẅiklɛ, ŋɡɔ ɑ pyɛ́p zẅikŋɛ yʉ́ʉ, ḿbyɛ́p tʉ́m yʉ́ʉ, ḿbyɛ́p mbʉʉ yʉʉ, ɛ́ ɡɛ ḿbɔ́ lɛ́Ꞌ yi Tsɑpʉɔ wɛkŋɛ Yɛ́su Kɛlístɔ ɡʉ ŋ́ɡɛ ńtɔ́, pʉʉ pɔ́ kɛ́ sɑ̌ɑ lɔ́Ꞌ nǔu pʉʉ.

Ɛ́bɛlʉʉ 13:20

Sɛ́ ẅí mbɔ́tnɛ fúnɛ mbɔ̌ wɛ́, ɑ kɑ ɡɛ Yɛ́su, Tsɑpʉɔ wɛkŋɛ fú lɑ́Ꞌ-pɛpfú ŋ́kɔ́Ꞌ. Jʉ́ Tsɑpʉɔ wɛkŋɛ kɑ lɔk pɑ́Ꞌ ɑ tswɛtnɛ mɛci mɛ́, Sɛ́ lɔk ŋ́ɡwɑt kɑɑ yi ɛ́ kɛ́ lɑ́Ꞌ ḿmɛ pɔ́, ńtsʉ́Ꞌ mbyɛ́p mbí wɛ ɡwɛ́, pɑ́Ꞌ ɑ ɡʉ ḿbyɛ́p njinjɔ yɛ́.

2 Tɛsɑlɔník 3:16

Tsɑpʉɔ ẅí ɑ níꞋnɛ mɔ́fíitɛ tʉ́m-pʉɔ, kwɑꞋ jʉ́ nɛ́ túmbʉʉ yɛ́ sɛ́ nɛ ńníꞋ mɔ́fíitɛ tʉ́m pʉʉ ŋkɑ́ tsʉʉ, nǔu mɛshʉ́ tsʉʉ. Tsɑpʉɔ pɔ́ ḿbɔ́ nɛ́ pʉʉ pɛtsʉʉ.

Pʉɔ-Lɔ́mɑ 16:20

Pʉʉ lɑɑ ŋ́ɡɛ pɑ́Ꞌɑ, mbɔ Sɛ́ ẅí ɑ ɡɑ́nɛ mɔ́fíitɛ, ɡʉ ḿmɑꞋ Sɑ́ttɑ sɛ́, pʉʉ lɔk mɛku ńnʉŋtɛ wɛ́. Tsɑpʉɔ wɛkŋɛ Yɛ́su Kɛlístɔ pɔ́ ḿbɔ́ nɛ́ pʉʉ.

1 Kɔlɛ̂ŋtɛ 14:33

mbíꞋŋɡɔ Sɛ́ kɑ́ kɔŋ ŋɡɔ pɛ́ nʉŋ ŋ́ɡwɛ́tnɛ ŋkɑŋ pɔ́, ɑ kɔŋ pɔ mbɔ́tnɛ. Ɛ́ ɡʉ nǔu pɑŋɡɛ́, mbɔ pʉʉ ɡẅɛɛ nɛ kɛ́ ŋ́ɡɛ pɔ ndʉ́ŋndʉŋ pɑ́Ꞌ ɛ́ tsɛt mɛndɑ́ cúꞋlɛ-pʉɔ-Kɛlístɔ tsʉʉ ḿbɔ́ pɔ́Ꞌɔ lɑ́,

2 Timɔtɛ́ɛ 4:22

Tsɑpʉɔ pɔ́ nɛ́ ɡu! Ḿbɔ́ ńníꞋ mbɔ́tnɛ yɛ́ tʉ́m pʉʉ pɛtsʉʉ.

Pʉɔ-Lɔ́mɑ 16:23

Ŋɡɑẅîs ẅí ɑ kúkŋɛ́nɛ wɑ́ɑ, cɛꞋlɛ wʉ́ʉ, cúꞋlɛ-pʉɔ-Kɛlístɔ ndɑ́ yɛ́. Ɛlɑstɛ, ẅí ɑ tʉ́sɔŋ ḿbɔ́ ndẅɛꞋ ŋkɑ́p, mbɑ mɔ́ɔmɑ́ wɛkŋɛ Kɑɑtẅis pɔ́p tɛmtɛ ḿbúꞋ mbɔ́ mbɔ̌ pʉʉ. [

Mɑtʉ̈ɔ 28:20

ńzíꞋ wɔ́p nɛtík ku nǔu mɛnu tsʉʉ mi mɔ ńzíꞋnɛ wʉ́ʉ. Pʉʉ jí ŋɡɔ, kwɑꞋ mɔ, ŋ ɡʉ ńdɑ́Ꞌ ḿbɔ́ pɔ tsɛtsɛt pʉʉ tɛ ntsɛ́llɛ́ lɑ́Ꞌ mɛ.

Mɑtʉ̈ɔ 1:23

«Pɛ́ ɡʉ ńdɑ́Ꞌ ŋ́ɡɔ́ ńjʉ́ɔ, mɔ́ɔŋɡɔɔ pɛ́t kɛ́ jí ŋu mbɛ́ɛnɛ ḿbɔ́ shǔutɛ, ḿbí mɔ́ɔ mbɛ́ɛnɛ, pɛ́ cẅi lík yɛ́ ŋɡɔ Ɛmɑ́nwɛ̂l, ɛ́ lɔk ńcú ŋɡɔ Sɛ́ tsɛtsɛt pɛkŋɛ.»

Ɛ́fɛ̂zɛ 6:23

Sɛ́ Tɑ́t, mbɑ Tsɑpʉɔ Yɛ́su Kɛlístɔ níꞋ mɔ́fíitɛ tsɛt tʉ́m pɔ́ɔpɛ́mɑ́ pi pɔ́p sɛ́ ŋ́ɡẅɛɛ ŋkɔŋɛ, ḿbɔ́ ńzɑ́p tʉ́m pɔ nǔu Sɛ́.