Ŋɡɑlɑ̂t 3:29 - Kɑɑ Fí

²⁹ Pɑ́Ꞌ pʉʉ pʉɔ-Kɛlístɔ lɑ́, pʉʉ lɔk ḿbɔ́ njẅɛt-Ábɛlɛhɑ̂m, ḿbɔ́ pɑɡẅɛɛ yʉ́ʉ yúu nǔu yúu mi Sɛ́ kɑ kɑꞋnɛ.

Ŋɡɑlɑ̂t 3:29 交叉引用

Ɛ́fɛ̂zɛ 3:6

Ntsɛm ɛ̂yɑ́ pʉ́ɔlɑɑ, ɛ́ fú nǔu Ŋkʉʉ Sʉ́Ꞌnɛ, pʉɔ pi pɔ́p kɑ́ pɔ́ pɑyúdɑ pɔ́, ɡẅɛɛ yɔ́p yúu nǔu yúu mi Sɛ́ kɑ kɑꞋnɛ mbɔ̌ pʉɔ pɛ́ pɑyúdɑ. Ḿbɔ́ mɛkɛm tɑ́Ꞌ mbɑp-mbʉʉ, ḿbɛn ŋ́ɡẅɛɛ yɔ́p nu nǔu yúu mi Sɛ́ kɑ fúnɛ nǔu Yɛ́su Kɛlístɔ ŋ́kɑꞋ mbɔ̌ pʉɔmɛsɔŋ.

Ŋɡɑlɑ̂t 3:7

Pɔ́Ꞌɔ lɑ́, pʉʉ jí ŋɡɔ pʉɔ pi pɔ́p zɑ́pnɛ tʉ́m yɔ́p nǔu Sɛ́ pɔ́nɛ kwɑꞋ njẅɛt yi Sɛ́ kɑ kɑꞋnɛ mbɔ̌ Ábɛlɛhɑ̂m.

Pʉɔ-Lɔ́mɑ 8:17

Pɑ́Ꞌ pɛkŋɛ pɔ́ɔ-Sɛ́ lɑ́, pɛkŋɛ ɡʉ ńdɑ́Ꞌ ŋ́ɡẅɛɛ yɛkŋɛ yúu nǔu fuꞋ yi Sɛ́ kɑ kɑꞋnɛ mbɔ̌ pʉɔ pɛ́, ńdɔk ŋ́ɡẅɛɛ yɛkŋɛ yúu nǔu yúu-Sɛ́, pɛkŋɛ pɛ Kɛlístɔ lɔk ńtɛmtɛ ŋ́ɡẅɛɛ. Pɑ́Ꞌ pɛkŋɛ sɛ́ ḿbɛ́m nɛjʉ́ɔ ŋɡʉ̈ɔ́Ꞌ pɑ́Ꞌ ɑ kɑ pɛ́mnɛ yɛ́ lɑ́, pɛkŋɛ pɛpɔ́p ɡʉ ŋ́ɡɛ ḿbɛn tɛmtɛ ḿbɔ́ tsɛt nɛɡúꞋ wɛ.

Tîtɛ 3:7

A kɑ níꞋ pɑ́Ꞌɑ nɛpɔ́ yi pɛkŋɛ ɡʉ ńdɛɛ nǔu pɔŋ tʉ́m yɛ́, ńtsʉ́Ꞌ pʉɔ ndʉ́ŋndʉŋ ŋ́ɡẅɛɛ luk kɛ́mɛ pɑ́Ꞌ pɛkŋɛ nɑŋ ḿbɔ́ ńzẅíꞋlɛ lɑ́.

Mɛnu ɛ́ ńdɑ́Ꞌ ńcẅɛt 21:7

Ẅîwɑ́ ŋu pɔ́ ẅi ɑ mɑꞋnɛ ntsɔ tɛ ńtsɑ nu kɛpɔŋ, ŋ ɡʉ ŋ́ɡɛ ŋ́ɡɑ́ yîyɑ́ fuꞋ mbɔ̌ wɛ́, m bɔ́ Sɛ́ wɛ, ɑ pɔ́ mɔ́ɔ wɑɑ.

Ŋɡɑlɑ̂t 4:7

Pɔ́Ꞌɔ, ɔ pɔɔ pɛ́t ŋkwɑɑ pɔ́. Ɔ tsʉ́Ꞌ ḿbɔ́ pɔ Mɔ́ɔ pí wɛ. Pɑ́Ꞌ ɔ tsʉ́Ꞌ ḿbɔ́ pɔ Mɔ́ɔ nɛ lɑ́, Sɛ́ ɡʉ ŋ́ɡɛ ŋ́ɡɑ́ pú yúu pi ɑ kɑ lẅɛꞋnɛ nɛɡɑ́ mbɔ̌ pɔ́ɔ-pɛ́. Pɔ̂l sɛ́ ḿbɔ́k ŋɡɔ pʉɔ-Ŋɡɑlɑ̂t ɡʉ ḿbɛn ḿbɔ́ pɛkwɑɑ mɛcɔ́ mɛnu.

Jɑ̂k 2:5

Pɔ́ɔpɛ́mɑ́ pɑ́ɑ pɛ tʉʉndɛn, pʉʉ zúꞋ sʉ́Ꞌnɛ: Sɛ́ kɑ tsɔ́Ꞌ pʉɔ pí pɛ́ fúŋnɛ ndǔmbí ŋɡɔ pɛpúŋ, ńdɔk ŋ́ɡɛ pɑzɑ́p tʉ́m nǔu wɛ́ tɛꞋ, pɔ́p ɡẅɛɛ yɔ́p zʉꞋ tsɛt nu-nɛfɔɔ ni ɑ kɑ kɑꞋnɛ mbɔ̌ pʉɔ pí pɔ́p kɔŋnɛ wɛ́.

2 Kɔlɛ̂ŋtɛ 10:7

Pʉʉ sɛ́ ńjʉ́ɔ kʉ̈ɔ́ lɑ́ pɔ nǔu nzɛmpíi. Pɑ́Ꞌ ɛ́ pɔ́Ꞌɔ, ŋu lɑɑ ŋ́kɛ́ ḿbɔ́ ńcú ŋɡɔ ɑ ŋu-Kɛlístɔ, ɑ tsuŋ ńjí ŋɡɔ ɑ lɑɑ ḿbɔ́ ŋu-Kɛlístɔ, mbɔ pɛk pɛn ḿbɔ́ yɛ́k pʉɔ-Kɛlístɔ pɑ́Ꞌ jʉ́.

Ɛ́bɛlʉʉ 6:17

Ɛ́ yúu mi Sɛ́ kɑ ɡɛnɛ. A kɑ cú nu tɛ ŋ́kɑɑ, mbíꞋŋɡɔ ɑ kɑ pɔ́ ńdɔɔ nɛ́ tsuŋ ńnyɛt mbɔ̌ pʉɔ pi ɑ kɑ kɑꞋnɛ yúu mbɔ̌ pɔ́p ŋɡɔ, yúu mi ɑ kɑ zɑ́pnɛ yi ɑ kɛ́ lɑ́Ꞌ ŋ́kúpmɛ pɔ́.

Ŋɡɑlɑ̂t 3:16

Ɛ́ mbɔ̌ Sɛ́ ḿbɛn ḿbɔ́ pɔ pɔ́Ꞌɔ. Sɛ́ kɑ kɑꞋ yúu mbɔ̌ Ábɛlɛhɑ̂m tɛ mbɑ mbɔ̌ ŋu ẅí Ábɛlɛhɑ̂m kɑ pɔ́ ŋ́ɡʉ ńdɑ́Ꞌ lɑ́ ḿbí wɛ́. ŊwɑꞋnɛ-Sɛ́ kɑ cú ŋɡɔ pɛ́ kɑ kɑꞋ mbɔ̌ pʉɔ pi ɑ kɑ pɔ́ ŋ́ɡʉ ŋ́ɡɛ lɑ ḿbí wɔ́p pɑ́Ꞌ ŋkɑ́ yi pʉɔ pi pɛ́ kɑ pɔ́ ŋ́kɑꞋ yîyɑ́ yúu ɛ́ pɔ́ yɔ́p ŋ́kɑɑ zɑ́ɑ zɑ́ɑnɛ pɔ́. Ŋɡɑ́ŋ ɛ́ kɑ pɔ́ pɔ nu tɑ́Ꞌ ŋu, mbíꞋŋɡɔ pɛ́ zɛɛ ɛ́fúŋ tsɛt ŋwɑꞋnɛ-Sɛ́ ŋɡɔ: Tɛ mbɑ mbɔ̌ ŋu ẅí ɔ ɡʉ ŋ́ɡɛ ḿbí wɛ́. Ẅîwɑ́ ŋu pɛn ḿbɔ́ Kɛlístɔ.

Ɛ́bɛlʉʉ 11:18

Ɛ́ pɔ́ pɑ́Ꞌ Sɛ́ kɑ cúnɛ nu mbɔ̌ Ábɛlɛhɑ̂m ŋɡɔ: «Ɔ ɡʉ ńdɑ́Ꞌ ńdɛɛtɛ pɔ nǔu Ɛ́sɑk lɑ́ ŋ́ɡẅɛɛ njẅɛt yi ŋ kɑ kɑꞋnɛ mbɔ̌ ɡu».

Ɛ́bɛlʉʉ 11:7

Ɛ́ kɑ fú pɔ nǔu pɑ́Ꞌ Nɔwɛ zɑ́pnɛ tʉ́m yɛ́ nǔu Sɛ́, ɑ pɔɔ lɔk yúu mi Sɛ́ zɑ́Ꞌ njí nyɛt wɛ́, ńdɔk ḿmɑꞋ kwɑŋɛ pɔ́. Ɛ́ pɛn ḿbɔ́ yúu mi pɛ́ kɑ pɛ́t kɛ́ jʉ́ɔ. Ɛ́ yɛ́tɛ́ Nɔwɛ kɔ́ɔ mɑ́mɑ́ kɑnúꞋ, nɛlɔk ŋ́ɡɛ ŋɡɔ njẅɛt yɛ́ kúu tsɛtú ńduk, ńdɔk pɔ́Ꞌɔ, ńnyɛt ŋɡɔ ntsɑŋ tú pɛcɔ́ pʉɔ, lɑ́ mbɔ ɛ́ ɡʉ nǔu wɛ́, ɛ́ fú nǔu pɑ́Ꞌ ɑ zɑ́pnɛ tʉ́m yɛ́ nǔu Sɛ́, Sɛ́ tsʉ́Ꞌ ńdíŋɛ wɛ́ ɑ pɔ́ ŋu ẅí ɑ ndʉ́ŋndʉŋ mbi wɛ́.

Ɛ́bɛlʉʉ 1:14

Nu-pɛcʉ̈ɔ́Ꞌ-Sɛ́ zɛɛ pɑ́Ꞌɑ ḿbɔ́ kʉ̈ɔ́? Pɔ́p pɔ́ pɔ mɛzẅikŋɛ mi ɛ́ fɑꞋnɛ mbɔ̌ Sɛ́, ɑ sɛ́ ńtúu wɔ́p ŋɡɔ pɔ́p ɡʉ ɛ́fɑꞋ fɑꞋ yi ɛ́ ɡʉ cẅɛ́lɛ́ pʉɔ pi jʉ́ Sɛ́ ɡʉ ńtɑ́ɑ ŋ́ɡɛ pɔ́p luk.

Ŋɡɑlɑ̂t 5:24

Pʉɔ pi pɔ́p pɛ́ Yɛ́su Kɛlístɔ kɑ ḿmɛꞋnɛ yúu kɛpɔŋ yi ɛ́ pɔŋnɛ mbʉʉ yɔp, pɔ́p minɛ mbʉʉ ɛ̂yɑ́ tsɑ́ɑnɛ, lɑ ɛ́ pɔ́ pɑ́Ꞌ ŋkɑ́ yi pɔ́p kɑ kẅii mbʉʉ ɛ̂yɑ́ nǔu tʉ́ mbɑ́ŋtɛ pɑ́ŋtɛ́nɛ lɑ́.

Ŋɡɑlɑ̂t 3:28

Ɛ́ fú pɔ́Ꞌɔ, Sɛ́ pɔɔ pɛn ŋ́ɡɛ yɛcɔ́ tɔŋ nǔu pɑyúdɑ pɔ́p pʉɔ-Ŋɡɛlɛ́k pɔ́, ŋ́kɛ́ mbɔɔ pɛn ŋ́ɡɛ nǔu pɛkwɑɑ pɔ́p pɛndẅǐi pɔ́, ŋ́kɛ́ mbɔɔ pɛn ŋ́ɡɛ nǔu mbɛ́ɛnɛ pɔ́p pɑŋɡɛ́ pɔ́, mbíꞋŋɡɔ pʉʉ lɔk pɑ́Ꞌ pʉʉ lɑtnɛ mbʉʉ nǔu Yɛ́su Kɛlístɔ ńtsʉ́Ꞌ ḿbɔ́ pɔ tɑ́Ꞌ ntɛ́.

1 Kɔlɛ̂ŋtɛ 15:23

Lɑ́ mbɑ wɔ̌ lɑ́ ńzẅíimɛ pɔ nǔu yɛ́ ŋkɑ́. Kɛlístɔ kɑ piitɛ ńzẅíimɛ. Pʉɔ pɛ́ ɡʉ ńdɑ́Ꞌ ńzẅíimɛ yɔ́p, ŋkɑ́ yi ɑ ɡʉ ńdɑ́Ꞌ ḿbɛn ńtɔ́.

Mɑtʉ̈ɔ 3:9

Pʉʉ pɑ́ɑ nɛlɔk pɔ ndɑꞋ ntsu wʉ́ʉ ńcú ŋɡɔ: “Pɛk njẅɛt-Ábɛlɛhɑ̂m. Lɑ́ ŋ kɛ́ ɛ́sẅíi wʉ́ʉ, Sɛ́ kuꞋ nɛshɔt mɛŋɡɔꞋ mɔ ńdɔk ŋ́ɡɛ njẅɛt-Ábɛlɛhɑ̂m.”

Ŋɡɑlɑ̂t 3:18

MbíꞋŋɡɔ ntík ẅi ɛ́ fúnɛ mbɔ̌ Sɛ́ kɑ pɔ́ pɛ́Ꞌnɛ pɛ́ lɛɛtɛ pɔ nǔu nɛpʉ́ʉ lɑ ŋ́ɡẅɛɛ, ḿbɔ́ mbɔ ɛ́ pɔɔ pɛn ɛ́fú nǔu pɑ́Ꞌ Sɛ́ kɑ kɑꞋnɛ pɔ́. Sɛ́ kɑ zɛɛ ńnɑ́ŋ tɛ ŋkɑ́ kuꞋ ɑ lɔk yúu mi ɑ kɑ kɑꞋnɛ mbɔ̌ Ábɛlɛhɑ̂m ńdɔk ŋ́ɡɑ́ fuꞋ fɛ̌ɛ yɛ́ ɡɑ́nɛ.

Ŋɡɑlɑ̂t 4:1

Pʉʉ zúꞋ nu yi n dɔɔnɛ nɛcú. Ŋu ẅí pɛ́ kɑ nɑ́nɛ yúu mbɔ̌ wɛ́, ɑ pɛ́t pɔ́ mɔ́ɔ, ɑ lɑɑ ńdɑ́Ꞌ ḿbɛ́t kɛ́ pɔ́ ndʉ́m, mbɔ ɑ pɔ́ pɔ pɑ́Ꞌ ŋkwɑɑ lɑ́, tɛ mbɑ pɑ́Ꞌ yúu mi pɛ́ kɑ nɑ́nɛ, pɔ́ pɔ yɛ́.

Ŋɡɑlɑ̂t 6:16

Sɛ́ nyɛt ŋɡɔ tʉ́m yɛ́ pɔŋ, ḿbɛn ńníꞋ mɔ́fíitɛ tsɛt tʉ́m pʉɔ pɛtsʉʉ pi pɔ́p ɡʉ ńzúꞋ wɔ tík wɛ fí, ńtík ku nǔu, mbɑ mbɔ̌ pʉɔ-Sɛ́ tɛ ḿmɛ.