Mɛnu ɛ́ ńdɑ́Ꞌ ńcẅɛt 7:4 - Kɑɑ Fí

⁴ M bɛn ŋ́kɛ́ ńzúꞋ pɛ́ cú ŋɡɔ, pʉɔ pí pɛ́ cʉɔꞌ lii-Sɛ́ nǔu nɛzíi nɔ́p ɛ́ pʉɔ ntsɑ́Ꞌ ŋkʉ nɛ́ ntsɑ́Ꞌ ntsɔ̌pɛ́nɛ́kwɑ mɛɡɛ́m mɛ́nɛ́kwɑ (144.000), tɛ fú nǔu mɛtsɛ́nndɑ́-pʉɔ-Íslɑyɛ̂l tsʉʉ tsʉʉ.

Mɛnu ɛ́ ńdɑ́Ꞌ ńcẅɛt 7:4 交叉引用

Mɛnu ɛ́ ńdɑ́Ꞌ ńcẅɛt 14:1

N jʉ́ɔ pɔ yúu tɛ ḿbɔ́tnɛ ńnɑ́ŋ, ńjʉ́ɔ Mɔ́ɔ-njinjɔɔ, ɑ tʉ́ʉ ndǔ nɛŋkɔ́Ꞌ-Siyɔŋ. Pɔ́p pʉɔ ntsɑ́Ꞌ ŋkʉ nɛ́ ntsɑ́Ꞌ ntsɔ̌pɛ́nɛ́kwɑ nɛ́ mɛɡɛ́mɛ́nɛ́kwɑ pɔ́nɛ (144.000). Mbɔ pɛ́ kɑ ŋwɑꞋnɛ lík-Mɔ́ɔ-Njinjɔ mbɑ yɛ́ Tɑ́t wɛ nǔu nɛzíi nɔ́p.

Mɛnu ɛ́ ńdɑ́Ꞌ ńcẅɛt 14:3

Pɔ́p tʉ́ʉ mbi kɔꞋ-nɛfɔɔ, mbɑ mbi mɛyúumɛku mɑ́ mɛ́nɛ́kwɑ mbɑ mbi pɛlʉ́m pîpɑ́, ḿbɔ́ ńzɔp yɛcɔ́ zɔp ŋki fí, ɛ́ pɔɔ pɔ́ pɔ ndɑꞋ pʉɔ ntsɑ́Ꞌ ŋkʉ nɛ́ ntsɑ́Ꞌ ntsɔ̌pɛ́nɛ́kwɑ nɛ́ mɛɡɛ́mɛ́nɛ́kwɑ (144.000) pi pɛ́ kɑ tsúꞋnɛ wɔ́p ndɑ́-kwɑɑ ndǔ tsɛ́tsɑ́Ꞌ pɔ́, mbɔ wɛcɔ́ ŋu ŋ́kɑɑ pɔ́ ɡú tɛ ŋ́kuꞋ nɛzíꞋ yîyɑ́ zɔp ŋki tɛ ńzɔp pɔ́,

Lúkɑ́shi 22:30

Ŋkɑ́ yi mɔ ŋ́ɡɛ ḿbɔ́ Fɔɔ lɑ́, pɛkŋɛ tɛmtɛ yúu ńjʉ́, ńnɔ́, pʉʉ pɛn ńnɑ́ŋ ndǔ mɛkɔꞋ-nɛfɔɔ, ŋ́ŋɑk njẅɛtndɑ́-Íslɑyɛ̂l ntsɔ̌ppɑ́ nɛ́ nɛɡɛ́m.

Mɑtʉ̈ɔ 19:28

Yɛ́su pʉ̈ɔt ŋɡɔ: «Tsʉ́Ꞌnɛ ɛ sẅíi wʉ́ʉ, kwɑꞋ nɛ́nẅín, pɛ́ ɡʉ ńdɑ́Ꞌ ŋ́kúu tsɛt ŋɡɔŋ fí, Mɔ́ɔ-Ŋu nɑ́ŋ ndǔ kɔꞋ-nɛfɔɔ nɛ́ ni ɛ́ ɡẅɛɛ nɛɡúꞋ, pʉʉ pʉɔ ntsɔ̌ppɑ́ nɛ́ nɛɡɛ́m pi pʉʉ kɑ cʉ́ɔnɛ nzʉʉ mɔ, pɛn ńnɑ́ŋ yʉ́ʉ ndǔ mɛkɔꞋ ntsɔ̌ppɑ́ nɛ́ nɛɡɛ́m, ŋ́ŋɑk pʉɔ-Íslɑyɛ̂l, njẅɛtndɑ́ ntsɔ̌ppɑ́ nɛ́ nɛɡɛ́m.»

ŊwɑꞋnɛ-Gɑŋntúu Yɛ́su Kɛlístɔ 26:7

Mɛnjẅɛtndɑ́ mɛkŋɛ ntsɔ̌ppɑ́ nɛ́ nɛɡɛ́m sɛ́ ńzẅíꞋlɛ yɔ́p pɔ lɛ́Ꞌ yi Sɛ́ ɡʉ ŋ́ɡɛ yîyɑ́ nu puutɛ. Tɛ ḿbɔ́ nɛnɛm mbɑ nɛtúꞋ, ḿbɔ́ ńcɛꞋlɛ Sɛ́, ŋ́kɛ́ ńzẅíꞋlɛ pɔ yɛ́tɛ́. Zɑɑ ŋɡɔ́mɑ́kɔp, pɑyúdɑ fɛn wɑ́ɑ pɑ́Ꞌɑ ntɛ́ pɔ ŋɡɔ mɔ sɛ́ ńzẅíꞋlɛ yîyɑ́ yúu.

Mɛnu ɛ́ ńdɑ́Ꞌ ńcẅɛt 9:16

N zúꞋ pɛ́ cú ndɛn pɑlʉ̈ɔ́Ꞌ ntsɔ pí pɔ́p lɔknɛ pɛlʉ̈ɔ́ ńnɛn ŋɡɔ pɔ́p pɛmilyɔŋ ŋkʉ yɛ́pɑ́.

Jɑ̂k 1:1

A mɔ Jɑ̂k, mɔ ŋɡɑŋfɑꞋ-Sɛ́, mbɑ wɛ Tsɑpʉɔ Yɛ́su Kɛlístɔ. Ŋ ɡɑ́ yɔ ŋwɑꞋnɛ mbɔ̌ pʉʉ pɔ́ɔ-Sɛ́ pi pɔ́p nǔu mɛnjẅɛtndɑ́-pʉɔ-Islɑɛ̂l ntsɔ̌ppɑ́ nɛ́ nɛɡɛ́m, mbɔ pɔ́p kɑ sɑt mɔ́ zʉꞋ tsʉʉ ndǔmbí. N cɛꞋlɛ wʉ́ʉ.

Pʉɔ-Lɔ́mɑ 9:27

Ŋɡɛ́mndʉ̈ɔ́Ꞌ-Sɛ́ Ɛsɑ̌yɑ kɑ lɑ́Ꞌ ńzɑ́Ꞌ njí ńcú yɛ́ ŋɡɔ: pɔ́ɔ-Íslɑyɛ̂l kɑ lɑɑ ńzɛɛ ńzɑ́ɑ tɛ ḿbɔ́ pɔ pɑ́Ꞌ sɑŋsɑ́ŋ yi ɛ́ mbʉʉ ŋki kɛ́ nɛpɑt lɑ́, mbɔ mbɔ́ntɑ́Ꞌ ɡʉnɛ ńdɑ́Ꞌ ŋ́ɡẅɛɛ luk.

Mɛnu ɛ́ ńdɑ́Ꞌ ńcẅɛt 7:5

Ɛ́ kɑ ɡʉ nǔu njẅɛt-Jẅídɑ, pɛ́ ńcʉ̈ɔꞋ lii nǔu pʉɔ ntsɑ́Ꞌ ntsɔ̌ppɑ́ (12.000), ŋ́ɡʉ nǔu njẅɛt-Lẅibɛn, ɛ́ pɔ́ ntsɑ́Ꞌ ntsɔ̌ppɑ́ (12.000), ŋ́ɡʉ nǔu njẅɛt-Gɑd, ɛ́ pɔ́ ntsɑ́Ꞌ ntsɔ̌ppɑ́ (12.000),

Lúkɑ́shi 14:22

A ɡʉ tɛ ḿbɛn, ńcú mbɔ̌ tɑ́t wɛ ŋɡɔ: «Tɑ̌ɑ mɔ, ŋ ɡɛ yúu mi ɔ lɑ́Ꞌnɛ ńcú, n níꞋ mɔ́ pʉɔ ndɑ́, lɑ́ zʉꞋ pɛ́t pɔ ɡú.»