1 N jʉ́ɔ mɔnɛ mɛyúu tɛ ḿbɔ́tnɛ ńnɑ́ŋ, ŋ ɡɔ ńjʉ́ɔ, mbɔ pɛ́ tsɔ́Ꞌ yɛcɔ́ ntsundɑ́ tʉ́nɛ́pú. Ŋ ɡɔ́ɔ ŋ́kɛ́ ḿbɛn ńzúꞋ ŋu ẅí ɑ kɑ zɛɛ ńcú nu mbɔ̌ mɔ, ŋɡi yɛ pɔ́ pɔ pɑ́Ꞌ ŋɡi-ntɑŋ lɑ́, ɑ cú mbɔ̌ mɔ ŋɡɔ: Kɔ́ꞌ tɛ ŋ́kúu zɑꞋnɛ, n nyɛt wú nɛ́ yúu mi ɛ́ ɡʉ ḿbɑ́ɑtɛ ńtɔ́.
Pɑcẅiŋkʉʉ-Sɛ́ pɑ́ pɛ́pɑ́ zúꞋ, yɛcɔ́ ŋɡi tɛnnɛ fú tʉ́nɛ́pú ńcú mbɔ̌ pɔ́p ŋɡɔ: «Pʉʉ kɔ́Ꞌ ńtɔ́ nɛ́ zɑꞋnɛ. Pɔ́p pɔ́ ŋ́kɔ́Ꞌ, ḿbɔ́ tsɛt mɛlɑ́ɑ, pɛɡɑŋmbuu pɔ́p pɔ́ ńjʉ́ɔ.»
Pɔ́Ꞌɔ lɑ́, ŋwɑꞋnɛ kʉ̈ɔ́ lɑ́ yi ɔ jʉ́ɔnɛ, yi ɔ sɛ́ ńjʉ́ɔ ŋkɔ̂ɔnɛ mbɑ yi ɔ ɡʉ ḿbɛn lɑ ńjʉ́ɔ.
Ɛ́ ɡɛ ḿbɔ́ lɛ́Ꞌlɑ́Ꞌ-Tsɑpʉɔ, Zẅikŋɛ-Sɛ́ jʉ́ wɑ́ɑ. N zúꞋ yɛcɔ́ ŋɡi tɛnnɛ pɔ́ nzʉʉ mɔ, ḿbɔ́ ńcʉ́ɔ pɑ́Ꞌ ŋɡi-ntɑŋ lɑ́,
Yɛ́su pɔ́ ɛ́fú ŋki ńcẅɛt, ńjʉ́ɔ ntsu-tʉ́nɛ́pú ɡɔ́ɔ ńtsɔ́Ꞌnɛ ńtʉ́ʉ, Zẅikŋɛ Lɛ́ɛnɛ́nɛ cúŋ, ḿbɔ́ pɑꞋ puutɛ lɑ́, ńtɔ́ ńtʉ́ʉ nǔu wɛ́.
Cʉ̈ɔꞋ-Sɛ́ pɑ́ɑtɛ ńcú ŋɡɔ: Mɛnu mɔnɛ kɑ́ pɔ́ mi ḿbɔ́ pɛ́ zúꞋ ḿmʉꞋlɛ pɔ́ ɛ́ nɛ́nẅín. Tsɑpʉɔ Sɛ́ ẅi jʉ́ lɔknɛ zẅikŋɛ yɛ́ ńtúu pɑcẅiŋkʉʉ pɛ́ kwɑꞋ jʉ́ túunɛ wɛ́ pɑ́Ꞌ ɑ ɡʉ ńnyɛt mbɔ̌ ɡɑŋfɑꞋ pɛ́ nɛ́ yúu mi ɛ́ ɡʉ ɛ́fɛ́Ꞌnɛ ńtɔ́.
Cʉ̈ɔꞋ-Sɛ́ mbɑ́ɑtɛ sɑɑmbɑ́ tswɛt yɛ ntúꞋ tʉ́ tsɛt fɑ́k. Yɛcɔ́ ŋɡi tɛnnɛ fú nǔu kɔꞋ-nɛfɔɔ ní ɛ́ tsɛt zʉꞋ-nɔŋpɔꞋ ńcẅɛt, ńcú ŋɡɔ: «Ɛ́ kuꞋ.»
Ɛtiyɛ̂n cú ŋɡɔ: «Mɔ sɛ́ ńjʉ́ɔ pɑ́Ꞌ ntsu-tʉ́nɛ́pú tsɔ́Ꞌnɛnɛ ńtʉ́ʉ. Mɔ́ɔ-Ŋu tʉ́ʉ nǔu ɡúŋ-pɔ́-Sɛ́ yi tʉʉ.»
Zẅikŋɛ yí ɛ́ lɛ́Ꞌlɛ́nɛ nu nɛ́nẅín nǔu Sɛ́ ɡʉ ŋ́ɡɛ ńtɔ́, ŋ́ɡɛ pʉʉ jí nu nɛ́nẅín tsʉʉ, mbíꞋŋɡɔ jʉ́ lɛ́Ꞌlɛ́nɛ nu nɛ́nẅín, ɛ́ kɛ́ ɡɛ ńcú pɔ yɛ́ nu pɔ́. Zẅikŋɛ yí ɛ́ lɛ́Ꞌlɛ́nɛ nu nɛ́nẅín nǔu Sɛ́ ɡʉ ŋ́ɡɛ ńcú pɔ nu yí ɛ́ zúꞋnɛ, ḿbɛn ɛ́sẅíi wʉ́ʉ nɛ́ mɛnu mí ɛ́ sɛ́ ńtɔ́.
Jɑ̂ŋ kɑ kɛ́ ŋ́ɡɔ ŋ́kúu tsɑ́ŋ, mbɔ ɛ́ m̄bɔ́ yɛcɔ́ lɛ́Ꞌ, ɑ nuꞋ pʉɔ ŋki tɛ ɛ́ mɛ, Yɛ́su tɔ́ yɛ́, ɑ nuꞋ wɛ́ ɡúu ŋki. Pɑ́Ꞌ ɑ ḿbɔ́ ŋ́ɡúꞋlɛ Sɛ́, ntsu-tʉ́ nɛpú tsɔ́Ꞌnɛ ntʉ́ʉ.
ńjʉ́ɔ ntsu-tʉ́nɛ́pú tsɔ́Ꞌnɛ ńtʉ́ʉ, yɛcɔ́ yúu fú zúꞋu ńcúŋ, ḿbɔ́ ńtɔ́ nɛ́ sɛ́, ḿbɔ́ pɑ́Ꞌ mɑ́mɑ́ pɔ́-ndẅí yi pɛ́ ɡẅɛɛnɛ nǔu mɛlẅí mɛ́nɛ́kwɑ lɑ́.
ńnuꞋ wɛ́ ŋki. Yɛ́su pɔ́ tɛ ńcẅɛt, ntsu-tʉ́nɛ́pú tsɔ́Ꞌnɛ ńtʉ́ʉ. A jʉ́ɔ Zẅikŋɛ-Sɛ́ fú tʉ́nɛ́pú ńcúŋ ḿbɔ́ pɑ́Ꞌ puutɛ lɑ́, ńtɔ́ ńnɑ́ŋ nǔu wɛ́.
N zúꞋ pɔ́Ꞌɔ, ɛ́shɔtnɛ nɛjʉ́ɔ ŋu ẅí ɑ cúnɛ nu mbɔ̌ mɔ, ɛ́shɔtnɛ pɔ́Ꞌɔ, ńjʉ́ɔ mɛkyɛꞋ sɑɑmbɑ́ mi pɛ́ kɑ lɔknɛ tʉ́n-ŋɡɔ̂l ńniitɛ.
Pɔ́p cú pɔ́Ꞌɔ, tɛ ŋ́ɡɔ ḿmɛkŋɛ, ntsundɑ́-nɔŋpɔꞋ-Sɛ́ yí ɛ́ tʉ́nɛ́pú tsɔ́Ꞌnɛ ńtʉ́ʉ, ŋkɔp ẅi Sɛ́ kɑ lɔknɛ ŋ́ɡwɑt kɑɑ cẅɛt ńtʉ́ʉ tsɛt zʉꞋ yɛ́ yîyɑ́. Mɛnɛ́ɛ-mbʉŋ kyɛꞌ zʉꞋ. Pɛ́ zúꞋ mɛŋɡi, ńzúꞋ nɛfɑŋ kwɛnɛ ŋɡɑ ŋɡɑ. Tsɛ́tsɑ́ꞌ tsʉ́Ꞌnɛ. Mɛzẅii pûu ḿvutɛ pɑ́ꞋtɛꞋ.
M bɛn ńjʉ́ɔ ntsu-tʉ́nɛ́pú ŋíɛꞋnɛ ńtʉ́ʉ, fúfú lʉ́ɔ cẅɛt ńtʉ́ʉ. Ŋu ẅí ɑ nɑ́ŋnɛ ndǔ ẅîwɑ́ lʉ́ɔ, pɛ́ fúŋ wɛ́ ŋɡɔ kɛkúp sẅiŋɛ, mbɑ nɛ́ ŋu ẅí ɑ ɡɛ pɔ yúu mi ɛ́ nɛ́nẅín. A zɑ́Ꞌ ntsɑŋ pɔ ndʉ́ŋndʉŋ, ńdʉɔ́Ꞌ pɔ ntsɔ ẅí ɛ́ ndʉ́ŋndʉŋ.
