Mɛnu ɛ́ ńdɑ́Ꞌ ńcẅɛt 11:3 - Kɑɑ Fí

³ Ŋ́ɡʉ nǔu pɑjʉ́njʉ́ɔ pɑ́ɑ pɔ pɛ́pɑ́, mɔ ŋ́ɡɛ ŋ́ɡɑ́ wɔ́p nɛ́ mɛtʉʉ nɛlɔk ńcẅi Ŋkʉʉ wɑ́ɑ. Pɔ́p pɔ́, ḿmɑꞋ mɛndẅí lɔk ńdúŋ nɛvú nǔu mɛlɛ́Ꞌlɑ́Ꞌ ntsɑ́Ꞌ nɛ́ ŋkʉ yɛpɑ́ nɛ́ mɛɡɛ́mɛ́nɛ́ntúkú (1.260).

Mɛnu ɛ́ ńdɑ́Ꞌ ńcẅɛt 11:3 交叉引用

Mɛnu ɛ́ ńdɑ́Ꞌ ńcẅɛt 12:6

Mɑŋɡɛ́ ɛ̂wɑ́ kʉɔ ŋ́ɡʉ nɛ́ kɔ̂ŋtɛt, nǔu zʉꞋ yí Sɛ́ kɑ niitɛ́nɛ pɑ́Ꞌ ɑ ɡʉ ńnɑ́ŋ zúꞋu, ńjí ŋɡɔ pɛ́ ɡʉ ńniitɛ ńzẅík wɛ́ zẅíknɛ nǔu mɛlɛ́Ꞌlɑ́Ꞌ ntsɑ́Ꞌ nɛ́ ŋkʉ yɛ́pɑ́ nɛ́ mɛɡɛ́mɛ́nɛ́ntúkú (1.260).

Mɛnu ɛ́ ńdɑ́Ꞌ ńcẅɛt 11:2

Lɑ́ ŋ́kɛ́ ŋ́ɡʉ nǔu tɛtɑ́ɑ zʉꞋ-nɔŋpɔꞋ yi ɛ́ nzɛmpíi, ɔ nɑ́ kɛ́ fʉꞋ. MbíꞋŋɡɔ pɛ́ kɑ ɡɑ́ yîyɑ́ tɛtɑ́ɑ mbɔ̌ mɛŋɡɔŋ mi ɛ́ kɑ́ Jí Sɛ́ pɔ́, lɑ́ pɔ́p ɡʉ ŋ́ɡɛ ńnʉŋtɛ tʉ́sɔŋ Ndɛɛnɛlɛ́nɛ́nɛ nʉŋtɛ́nɛ nǔu pɛsɑŋ ntsɔ̌ppɑ́ mɛɡɛ́mɛ́nɛ́kwɑ.

Mɛnu ɛ́ ńdɑ́Ꞌ ńcẅɛt 13:5

Pɛ́ ɡɑ́ ntsu ẅí ɑ ɡʉ ńdɔk ɛ́fiꞋtɛ mɛsẅíŋɛ-ŋɡwɑ́k, mbɑ pɑ́Ꞌ ɑ ɡʉ ńdɔk ńzɔɔtɛ Sɛ́ mbɔ̌ wɛ́. M bɛn ńnyɛt wɛ́ pɑ́Ꞌ ɑ ɡʉ ɛ́sɑ́Ꞌ nɛ́ nɛfɔɔ nǔu pɛsɑŋ ntsɔ̌ppɑ́ nɛ́ mɛɡɛ́mɛ́nɛ́kwɑ.

ŊwɑꞋnɛ-Gɑŋntúu Yɛ́su Kɛlístɔ 13:31

A lɔk mɛlɛ́Ꞌ tɛ ńzɑ́ɑ, ńnyɛt mbʉʉ yɛ mbɔ̌ pʉɔ pí pɔ́p pɛ́ pɔ́p kɑ fúnɛ Ŋɡɑlilɛɛ ńtɛmtɛ ŋ́ɡʉ Yɛlúsɑlɛm. Píipɑ́ pʉɔ ŋkɔ̂ɔnɛ ḿbɔ́ pɛ́ pɑjʉ́njʉ́ɔ mbi lɑ́Ꞌ.

ŊwɑꞋnɛ-Gɑŋntúu Yɛ́su Kɛlístɔ 1:8

Pʉʉ ńjí pɔ ndɑꞋ ŋɡɔ Zẅikŋɛ-Sɛ́ ɡʉ ŋ́ɡɛ ńtɔ́ nǔu pʉʉ, ŋ́ɡɑ́ wʉ́ʉ nɛ́ mɛtʉʉ. Pʉʉ lɔk ŋ́kuꞋ nɛsẅíŋɛ mbɑ kʉ̈ɔ́ lɑ́ yi pʉʉ jínɛ nǔu mɔ! Ńzɛ Yɛlúsɑlɛm ɛ́sẅíi sẅíinɛ ḿmɛk Judɛ̂. Ḿbɛn ɛ́fú Sɑmɑlîi, ɛ́sẅíi sẅíinɛ ŋ́kúu zʉꞋ yi tsɛ́tsɑ́Ꞌ lẅiklɛ́nɛ zúꞋu.»

Lúkɑ́shi 24:48

Pʉʉ ɡʉnɛ ŋ́kɛ́ ḿbɔ́ pɑjʉ́ ńjʉ́ɔ, nɛlɔk mɛnu ɛ̂mɑ́ ɛ́sɑt lɑ́Ꞌ.

2 Kɔlɛ̂ŋtɛ 13:1

Mɔ ńtɔ́ njɛ́Ꞌ pʉʉ ŋkɔ̂ɔnɛ ɛ́ lɔk ḿbɔ́ ŋkɑ́ yɛ́tɑ́t, ńtɔ́ pɛ́ ɡɔ́ ŋ́ŋɑk mbɑ yɛ́tɛ́ ntsɑŋ lɑ́, ńzẅíꞋlɛ nu ntsu-pʉɔ pɛ́pɑ́ kɛ pʉɔ pɛtɑ́t ɔɔ pɑ́Ꞌ ŋwɑꞋnɛ-Sɛ́ sɛ́ ńcú.

ŊwɑꞋnɛ-Gɑŋntúu Yɛ́su Kɛlístɔ 2:32

Nzɑ́Ꞌŋkʉ ɑ Yɛ́su. Sɛ́ kɑ zẅíimɛ wɛ́ nǔu nɛvú, pɛk wɔ pɛtsʉʉ sɛ́ ɛ́sẅíi yɔ nu, ɛ́ pɔ́ nu yí pɛk kɑ jʉ́ɔnɛ.

Jɑ̂ŋ 15:27

Pʉʉ yʉ́ʉ pɛn ŋ́kɑ́t ɛ́sẅíi nu yí pʉʉ jínɛ nǔu mɔ, ɛ́ pɔ́ pɔ pɑ́Ꞌ pɛkŋɛ pɔ́nɛ tɛ ɛ́fú nzɛnɛ.

Mɑtʉ̈ɔ 18:16

Lɑ́ ŋ́kɛ́ mbɔɔ zúꞋ ɔ lɔɔ tɑ́Ꞌ ŋu kɛ pʉɔ pɛ́pɑ́ ɔɔ, ńjí ŋɡɔ pɛ́ ɡʉ ŋ́ɡɔ ɛ́sẅíi yɔ nu pɑjʉ́ ńjʉ́ɔ pɔ́ sɛ́ pɛ́pɑ́ kɛ pɛtɑ́t ɔɔ.

Mɛnu ɛ́ ńdɑ́Ꞌ ńcẅɛt 19:10

N zúꞋ pɔ́Ꞌɔ, ńnɔɔ mɛku wɛ́ nɛɡúꞋlɛ wɛ́. Lɑ́ ɑ cú mbɔ̌ mɔ ŋɡɔ: «Kɔɔ ɡɛ pɑ́Ꞌɑ lɑ́.» M bɛn ḿbɔ́ yɑ́ɑ pɔ wɛcɔ́ ŋu nǔu ɡɑŋkufɑꞋ yʉ́ʉ, ḿbɛn ḿbɔ́ wɛ pɛcɔ́ pɔ́ɔpɛ́mɑ́ pú pi, pʉʉ pɛ́pɔ́p ɡẅɛɛnɛ yúu mi Yɛ́su Kɛlístɔ kɑ ɡɛnɛ pɛ́ jí. Nɛpɔ́ jʉ́njʉ́ɔ-Yɛ́su, ɛ́ nɛcú ŋɡɔ yúu mi pɛ́ ŋɡɛ́mndʉ̈ɔ́Ꞌ-Sɛ́ kɑ cúnɛ ɛ́ nɛ́nẅín!

Mɛnu ɛ́ ńdɑ́Ꞌ ńcẅɛt 1:5

Yɛ́su Kɛlístɔ ẅi ɑ jʉ́njʉ́ɔ wɛ nɛ́nẅín, ḿbɔ́ nduŋmbi mɔ́ɔ, ḿbɔ́ nduŋmbi ŋu ẅí ɑ kɑ pfúnɛ ḿbɛn ńzẅíimɛ, ḿbɔ́ Fɔɔ ńtsɑ pɛfɔɔ pí pɔ́p ndǔ tsɛ́tsɑ́Ꞌ, ḿbɔ́ ŋ́ɡɑ́ fuꞋ níinɛ yʉ́ʉ, ḿbɛn ḿbɔ́ ńníꞋ mɔ́fíitɛ tʉ́m pʉʉ. Jʉ́ Kɛlístɔ kɔŋ wɛkŋɛ tɛꞋ, ɑ kɑ lɔk mɛci mɛ́ ŋ́kíɛꞋ ŋkʉ mɛnu kɛpɔŋ nǔu pɛkŋɛ.

ŊwɑꞋnɛ-Gɑŋntúu Yɛ́su Kɛlístɔ 3:15

Pʉʉ kɑ ɡɛ pɔ́Ꞌɔ, ńjẅí ŋu ẅi jʉ́ ɡɛnɛ lɑ pɛ́ pɔ́ ɡú. Lɑ́ Sɛ́ kɛ́ ńzẅíimɛ wɛ́ nǔu nɛvú tɛ pɛk jʉ́ɔ wɛ́ nɛ́ mík mɛ́k, pɛk sɛ́ ɛ́sɑ́Ꞌ ɛ́sẅíi wʉ́ʉ.

Mɛnu ɛ́ ńdɑ́Ꞌ ńcẅɛt 20:4

M bɛn ńjʉ́ɔ mɛkɔꞋ-nɛfɔɔ tʉ́ʉtɛ. Pʉɔ tɔ́ ńnɑ́ŋtɛ ndǔ. Ḿbɔ́ pʉɔ pɛ́ ɡɑ́nɛ mɛtʉʉ mbɔ̌ pɔ́p nɛlɔk ńzɑ́Ꞌ ntsɑŋ. N jʉ́ɔ mbɑ mɛtʉ́m-pʉɔ pí pɛ́ kɑ ɡẅɛɛnɛ wɔ́p ńzɑ́Ꞌ mɛtú mɔ́p, ntɛ́ pɑ́Ꞌ pɔ́p jí yɔ́p pɔ ndɑꞋ nu yí Yɛ́su kɑ ɡɛnɛ pɛ́ jí, mbɑ nu-Sɛ́. Mbɔ pɔ́p ŋkɑɑ ɡúꞋlɛ ŋkʉꞋnɛ nɑɑ pɔ́, ŋ́kɛ́ mbɔɔ tɛ́tɔ́k wɛ ɡúꞋlɛ, lii-nɑɑ ɛ̂wɑ́ pɛn mbɔɔ nǔu nɛzíi nɔ́p kɛ nǔu pɔ́ yɔ́p pɔ́. Pɔ́p fú lɑ́Ꞌ-pɛpfú ḿbɛn nzʉʉ, ḿbɛn ḿbɔ́ zúꞋu, pɔ́p pɛ́ Kɛlístɔ tɛmtɛ ɛ́sɑ́Ꞌ mbí nǔu ŋɡuꞋ ntsɑ́Ꞌ.

Ɛ́fɛ̂zɛ 4:11

Jʉ́ kɑ ɡɑ́nɛ fuꞋ yɛ́ mbɑ wɔ̌ lɑ́ nǔu pʉɔ pɛ́, ńdɔk ŋ́ɡɑ́ fuꞋ fɛ̌ɛ yɛ́, ńdɔk pɛcɔ́ ŋ́ɡɛ ɡɑŋntúu, ńdɔk pɛcɔ́ ŋ́ɡɛ pʉɔ pi pɔ́p nɑ́ŋnɛ ńcẅi Ŋkʉʉ ẅí ɛ́ fúnɛ mbɔ̌ Sɛ́, ńdɔk pɛcɔ́ ŋ́ɡɛ pɑsɑ́Ꞌ Ŋkʉʉ Sʉ́Ꞌnɛ, ńdɔk pɛcɔ́ ŋ́ɡɛ pɑ cẅɛ́ɛ mbi, mbɑ pɑ́Ꞌ pɔ́p ɡʉ ḿbɔ́ ńzíꞋ pʉɔ nɛ́ nu-Sɛ́.

1 Kɔlɛ̂ŋtɛ 12:28

Sɛ́ kɑ tsʉ́Ꞌ nɛniitɛ cúꞋlɛ yɛ́, ḿbiitɛ ńzɑ́p ɡɑŋntúu, ḿbɑ́ɑtɛ ńzɑ́p pɑcẅiŋkʉʉ pi pɔ́p fúnɛ mbɔ̌ wɛ́, ḿbɑ́ɑtɛ ńtík pɑzíꞋ pʉɔ nɛ́ nu-Sɛ́, pɛ́ fú nǔu pɔ́p ńjʉ́ɔ pʉɔ pinɛ ɑ kɑ ɡɑ́nɛ fuꞋ níinɛ yɔ́p, ɛ́ pɔ́ pɑ́Ꞌ pɔ́p ɡʉ ŋ́ɡɛ mɛnu mɑ̌ɑmɑɑnɛ, ḿbɑ́ɑtɛ ńjʉ́ɔ pʉɔ pi ɑ kɑ ɡɑ́nɛ fuꞋ níinɛ yɔ́p, ɛ́ pɔ́ pɑ́Ꞌ pɔ́p ɡʉ ŋ́ɡɛ ɡɑŋɡɔɔ fíitɛ, pɛ́ fú nǔu pɔ́p ńjʉ́ɔ pʉɔ pi yɔ́p pɔ́fɑꞋ ɛ́ nɛcẅɛ́lɛ pɛcɔ́ pʉɔ mbɑ pʉɔ pi pɔ́p niitɛ́nɛ cúꞋlɛ, tɛ mbɑ pʉɔ pi ɑ kɑ ɡɑ́nɛ fuꞋ níinɛ yɔ́p ɛ́ pɔ́ pɑ́Ꞌ pɔ́p ɡʉ ɛ́sẅíŋɛ mɛsẅíŋɛ mi pɔ́p ŋkɑɑ zíꞋ.

Jɑ̂ŋ 3:27

Jɑ̂ŋ tsɔ́Ꞌ mbɔ̌ pɔ́p ŋɡɔ: «Mbɔ ŋu pɔɔ ɡẅɛɛ yúu kɛ́ pɔ́ yi Sɛ́ ɡɑ́nɛ mbɔ̌ wɛ́ pɔ́.

Mɑtʉ̈ɔ 11:21

A cú mbɔ̌ pɔ́p ŋɡɔ: «Ndɔɔ tú pʉʉ pʉɔ-Kɔlɑzîŋ, mbɑ tú pʉʉ pʉɔ-Mbɛtsɑyídɑ, mɛnu mɔ mí pɛ́ kɑ ɡɛnɛ tsɛtsɛt pʉʉ, ɛ́ m̄bɔ́ pɛ́Ꞌnɛ ḿbɔ́ pɔ tsɛt tʉ́sɔŋ Til pɔ́p Sidɔŋ, mbɔ pɔ́p kɑ lɑ́Ꞌmɔ́ ŋ́kúp mɑt, ḿmʉk, ɛ́sɑ mɛpɑɑ ḿmɑꞋ, ńzɔ́Ꞌ pfú ńdɔk ńdúŋ.

Lúkɑ́shi 10:13

Yɛ́su pɛn ŋɡɔ: «Ndɔ́ɔ tú pʉʉ pʉɔ-Kɔlɑzîŋ, mbɑ tú pʉʉ pʉɔ-Mbɑtsɑyídɑ. Mɛnu mɑɑmɑɑnɛ mi pɛ́ kɑ ɡɛnɛ lɑ́Ꞌ pʉʉ, ɛ́ kɑ pɔ́ pɛꞋnɛ ḿbɔ́ pɔ tsɛt tʉ́sɔŋ Tíi pɔ́p Sídɔŋ, mbɔ pɔ́p kɑ lɑ́Ꞌ mɔ́ ŋ́kúpmɛ mɑt, ḿmʉk, ɛ́sɑ mɛpɑɑ ḿmɑꞋ, ńzɔ́Ꞌ pfú, ńdɔk ńtsuŋ ḿmʉk.

Mɛnu ɛ́ ńdɑ́Ꞌ ńcẅɛt 11:6

Pɔ́p ɡẅɛɛ mɛtʉʉ nɛlɔk ŋ́kíitɛ mbʉŋ nɛfɑŋ, nǔu ntɛ́ yi mbʉŋ ŋ́ɡʉ ŋ́ɡɛ ńdɔ́ nǔu mɛlɛ́Ꞌ mi pɔ́p sɛ́ ńcẅi Ŋkʉʉ-Sɛ́ pɔ́. Pɔ́p pɛn ŋ́ɡẅɛɛ mɛtʉʉ nɛlɔk ɛ́shɔt ŋki ɛ́ tsʉ́Ꞌ mɛci, ḿbɛn ŋ́kuꞋ pɑ́Ꞌ pɔ́p lɑɑ ŋ́kɔŋ ŋkɑ́ kʉ̈ɔ́ lɑ́, pɔ́p ɡɛ ŋɡʉ̈ɔ́Ꞌ ntɛ́ nɛ́ ntɛ́ tɔ́ ndǔ tsɛ́tsɑ́Ꞌ.