37 Pɔ́Ꞌɔ, ɑ ɡɔɔ ŋ́kɛ́ ńcú mbɔ̌ ɡɑŋku pɛ́ ŋɡɔ: «Yúu pinɛ pɛ́ ɡʉnɛ ŋkɑ́Ꞌ nɛlɔk zɑ́ɑ tɛꞋ, ndɛn ɡɑŋfɑꞋ pɛn kʉ̈ɔ́k.
Pɔ́p ɡɔ́ ŋ́ɡʉ, ɑ cú mbɔ̌ pɔ́p ŋɡɔ: «Yúu mi pɛ́ ɡɛ ńdɑk tsɛt ŋkɑ́Ꞌ zɑ́ɑ tɛꞋ, ndɛn ɡɑŋfɑꞋ pɛn ŋ́kʉ̈ɔ́k.» Ɛ́ pɔ́ŋ ŋɡɔ pʉʉ púꞋ mbɔ́ mbɔ̌ ŋɡɑŋkɑ́Ꞌ ɑ kẅiꞋ ɡɑŋfɑꞋ pinɛ pɔ́p ɡɛnɛ ńdɑk yúu pɛ́.
Ŋ́ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Pʉʉ ɡʉ zʉꞋ tsʉʉ ndǔ mbí, ńcẅi Ŋkʉʉ Sʉ́Ꞌnɛ mbɔ̌ mbɑ wɛ́t ŋumɛsɔŋ lɑ́ kɛ́ vuꞋ wɛcɔ́.
MbíꞋŋɡɔ pɛk tɛmtɛ ḿbɔ́ ɛ́fɑꞋ pɔ fɑꞋ-Sɛ́. Pʉʉ pɔ́ ŋkɑ́Ꞌ-Sɛ́, ḿbɛn ḿbɔ́ ndɑ́ yi Sɛ́ sɛ́ ŋ́kút.
Pɔ́Ꞌɔ lɑ́, pʉʉ ɡʉ túu nɛ́ túu, ńdɔk pʉɔmɛsɔŋ ŋ́ɡɛ ɡɑŋku pɑ́ɑ, ńnuꞋ wɔ́p ŋki nǔu lík Tɑ́t, mbɑ Mɔ́ɔ, mbɑ zẅikŋɛ Lɛ́ɛnɛ́nɛ,
Pɑ́Ꞌ pɛkŋɛ pɛ́ Sɛ́ tɛmtɛ́nɛ ḿbɔ́ ɛ́fɑꞋ lɑ́, pɛk sɛ́ ńní mɛtʉʉ mʉ́ʉ ŋɡɔ kɔɔ pʉʉ ɡɛ nǔu ntɛ́ yi, nɛpɔ́ ẅi Sɛ́ tsɑ́ɑnɛ wʉ́ʉ, ŋ́ɡɑ́ fuꞋ níinɛ yʉ́ʉ, ɡʉ ńdɛɛ fɛ̌ɛ.
Ɛ́ ɡɛ ḿbɔ́ yɛcɔ́ nɛtúꞋ, Sɛ́ ŋíɛꞋ mík-Pɔ̂l, ɑ jʉ́ɔ yɛcɔ́ ŋkʉꞋnɛ nu. A jʉ́ɔ wɛcɔ́ ŋu-Mɑsɛ́ndwɑn tʉ́ʉ, ḿbɔ́ ḿbúꞋ mbɔ́ mbɔ̌ wɛ́ ńcú ŋɡɔ: «Sɛ́sẅíi, tɔ́ tɛ ŋ́kúu Mɑsɛ́ndwɑn, ńcẅɛ́lɛ́ wɛ́k.»
Ɛ́ sɛ́ ḿbíkŋɛ ŋɡɔ pɛ́ lɑ́Ꞌ ńdɔk lík yɑ́ɑ, ńcú nu-Sɛ́ mbɔ̌ lɑ́Ꞌ ŋɡɔ mbɑ wɔ̌ lɑ́ kúpmɛ mɑt wɛ, Sɛ́ likŋɛ mɛnu kɛpɔŋ mɛ́. Pɔ́Ꞌɔ, ɛ́ kɛ ńzɛ Yɛlúsɑlɛm.»
Ɛ́ ɡʉ nǔu pʉɔ pi pɔ́p cẅɛ́ɛnɛ mbi nǔu cúꞋlɛ-pʉɔ-Kɛlístɔ, ḿbɔ́ ɛ́fɑꞋ sʉ́Ꞌnɛ, pɛ́ ɡɛ mɛkuꞋ mɔ́p, ŋ́ɡɑ́ tsɔ́ꞋfɑꞋ yi ɛ́ píkŋɛ́nɛ mbɔ̌ pɔ́p, ńtsuŋ ŋ́ɡɛ mɛ́ pʉɔ pi pɔ́p sẅíinɛ nu-Sɛ́ ḿbɛn ńzíꞋ pʉɔ nɛ́ yúu.
Yɛ́su ẅí pɛ́ pɛnnɛ ɛ́fúŋ wɛ́ ŋɡɔ Jẅistẅis cɛꞋlɛ wʉ́ʉ ɡúu. Ɛ́ ɡʉ tsɛtsɛt pɑyúdɑ pi pɔ́p kɑ pɛ́mnɛ nu-Kɛlístɔ, ɑ ndɑꞋ pɔ́p pɔnɛ pɛtɑ́t pi pɛk pɛpɔ́p zɑꞋnɛ, ɛ́fɑꞋ mbíꞋ nu-nɛfɔɔ-Sɛ́. Pɔ́p kɑ pɔ́ ńníꞋ tʉ́m yɑ́ɑ.
mbíꞋŋɡɔ pûu nɛnnɛ. Wɛcɔ́ ŋu kɑ́ kuꞋ nɛɡẅɛɛ wú tɛ ŋ́ɡɛ nu kɛpɔŋ nǔu ɡu pɔ́. N cú pɑ́Ꞌɑ, mbíꞌŋɡɔ pʉɔ pi pɔ́p pɑ́ɑ, tʉ́sɔŋ zɑꞋnɛ tɛ ńzɑ́ɑ.»
Ɛ́ pɔŋ ŋɡɔ pʉʉ púꞋ mbɔ́ mbɔ̌ ŋɡɑŋŋkɑ́Ꞌ ɑ kẅiꞋ ɡɑŋfɑꞋ pínɛ pɔ́p ɡʉ ḿbɔ́ ńdɑk yúu pɛ́.»
Yɛ́su pɛn ŋɡɔ: «nu-nɛfɔɔ-Sɛ́ ɡɔ́ɔ ḿbɔ́ pɔ pɑ́Ꞌ nu-wɛcɔ́ ŋu ẅí ɑ kɑ mʉ́ʉnɛ mbɑ́ꞋmbɑꞋɑ́, ŋ́ɡʉ lɔɔ ɡɑŋfɑꞋ pínɛ ɑ ɡʉ ńníꞋ ŋkɑ́Ꞌ yɛ́.»
GɑŋfɑꞋ kɑ lɑk yúu pʉ́ʉ ŋkɑꞋ, pʉʉ jʉ́ ŋkɑ́p yɔp. Pʉʉ zúꞋ pɑ́Ꞌ pɔ́p lɑɑnɛ! Ŋɡi-pʉɔ pí pɔ́p lɑknɛ yúu pʉ́ʉ ŋ́ɡɑ́ ndɑ́ kɔ́Ꞌ tɛ ŋ́kúu mɛtúutɛ́-Sɛ́, jʉ́ Tsɑpʉɔ ẅí ɑ sɑ́Ꞌnɛ pɑlʉ̈ɔ́Ꞌntsɔ tsʉʉ pí pɔ́p tʉ́.