Mɑtʉ̈ɔ 9:36 - Kɑɑ Fí

³⁶ ńjʉ́ɔ nɔɔ-lɑ́Ꞌ, mɛjʉ́ŋ mɔ́p kɔ́ wɛ́, mbíꞋŋɡɔ pɔ́p kɑ pɔ́ pɑ́Ꞌ nɔɔ-mɛnjinjɔ mí ntsiinɛ kɑ́ pɔ́ ɡú pɔ́. Pɔ́p pɔ́ mɛjʉ́ŋ mɛjʉ́ŋ, mbɔ pɔ́p tsɑ́ŋtɛ.

Mɑtʉ̈ɔ 9:36 交叉引用

Mɑ́lɛ́kúshi 6:34

A kúu zúꞋu, ɛ́fú tsɛt kɑnúꞋ ńcẅɛt, ńjʉ́ɔ nɔɔ-lɑ́Ꞌ, mɛjʉ́ŋ mɔ́p kɔ́ wɛ́, mbíꞌŋɡɔ pɔ́p ḿbɔ́ pɑꞋ nɔɔ-mɛnjinjɔ mi ntsiinɛ kɑ́ pɔ́ ɡú pɔ́ lɑ́. A zɛ nɛzíꞋ wɔ́p nɛ́ mɛnu tɛ ńzɑ́ɑ.

Mɑtʉ̈ɔ 14:14

A kúu zúꞋu, ɛ́fú tsɛt kɑnúꞋ ńcẅɛt, ńjʉ́ɔ nɔɔ-lɑ́Ꞌ, mɛjʉ́ŋ mɔ́p kɔ́ wɛ́. A zɛ nɛɡɛ ɡɑŋɡɔɔ pínɛ pɔ́p tsɛtsɛt pɔ́p fíitɛ.

Mɑtʉ̈ɔ 15:32

Yɛ́su fúŋ ɡɑŋku pɛ́, ńcú mbɔ̌ pɔ́p ŋɡɔ: «Mɛjʉ́ŋ lɑ́Ꞌ yɔ kɔ́ wɑ́ɑ tɛꞋ, mbíꞋŋɡɔ ɛ́ ŋkɔ̂ɔnɛ ḿbɔ́ lɛ́Ꞌ pɛtɑ́t, pɑ́Ꞌ pɔ́p kɛ́ ḿbɔ́ pɔ nɛjɔ́ŋ mɔ, ŋ́kɛ́ mbɔɔ pɛ́t ŋ́ɡẅɛɛ yɛcɔ́ yúu mi ɛ́ lɑɑ ḿbɔ́ pɔ́p kwɛ́t pɔ́, ḿbɔ́ yi n dɑɑ ńnɑ́ wɔ́p pɔ́p ɡʉ njí, mbɔ pɔ́p kɛ́ ɡẅɛɛ mɛtʉʉ nɛlɔk ŋ́ɡʉ tɛ ŋ́kúu pɔ́.»

Mɑtʉ̈ɔ 15:24

Yɛ́su cú yɛ́ ŋɡɔ: «Sɛ́ kɑ túu wɑ́ɑ pɔ ndɑꞋ mbɔ̌ pɑíslɑyɛ̂l pɔ́p púunɛ pɑ́Ꞌ mɛnjinjɔ mí ɛ́ kɑ pɛ́nɛ tsɛt njẅɛtndɑ́-pɑíslɑyɛ̂l.»

Ɛ́bɛlʉʉ 5:2

Pɑ́Ꞌ jʉ́ NɔŋpɔꞋ pɛn ŋ́kɑ́ɑ yɛ́ kɑ́ɑnɛ nǔu mɛshʉ́ tsʉʉ lɑ́, ḿbɔ́ ɑ zúꞋ yúu mi ɛ́ ɡɛnɛ lɑ pʉɔ pi pɔ́p kɑ́ pɔ́ ńjí yúu mi pɔ́p ɡɛnɛ pɔ́, mbɑ pʉɔ pi pɔ́p fɑɑnɛ sɛ̂ndúŋ, fɑɑnɛ nu mbɔ̌ Sɛ́.

Ɛ́bɛlʉʉ 4:15

Wɛkŋɛ NɔŋpɔꞋ wɛ ɡwɛ́ ɛ̂wɑ́ zɛɛ ńjí ntɛ́ yi mɛnu kúunɛ wɛkŋɛ pɔ́Ꞌɔ, mɛnu kɑ kúu wɛ́, ŋkwɑꞋnɛ mɛntɛ́ mɛntɛ́ kúu wɛ́ ɡúu pɑ́Ꞌ pɛkŋɛ, lɑ́ ɑ kɛ́ ńdɑ́Ꞌ mbɔɔ yɛcɔ́ nu fɑɑnɛ.

Mɑtʉ̈ɔ 10:6

Pʉʉ ɡʉ ńdɔɔ Pɑíslɑyɛ̂l, pɔ́p púunɛ pɑ́Ꞌ mɛnjinjɔ.

Mɑ́lɛ́kúshi 8:2

«Mɛjʉ́ŋ lɑ́Ꞌ yɔ kɔ́ wɑ́ɑ tɛꞋ, mbíꞌŋɡɔ ɛ́ ŋkɔ̂ɔnɛ ḿbɔ́ lɛ́Ꞌ pɛtɑ́t pɑꞋ pɔ́p kɛ́ ḿbɔ́ pɔ nɛjɔ́ŋ mɔ, ŋ́kɛ́ ḿbɔɔ ḿbɛ́t ŋ́ɡẅɛɛ yɛcɔ́ yúu mi ɛ́ lɑɑ ḿbɔ́ pɔ́p kwɛ́t pɔ́,