3 Pɛcɔ́ pɑkyɛ́Ꞌtɛ nɛpʉ́ʉ-Mɔ̌sɛ̂ɛ pɔ́ zúꞋu, ńzúꞋ, ḿbɔ́ ńcú tsɛtsɛt pɔ́p ŋɡɔ: «Ŋu wɔ kɑŋ kɔꞋ-Sɛ́ mbɑ́ɑ!»
NɔŋpɔꞋ wɛ ɡwɛ́ zúꞋ pɔ́Ꞌɔ, ɛ́shɔtnɛ ɛ́sɑtɛ mɛndẅí mɛ́, ńcú ŋɡɔ: «A zɔɔtɛ Sɛ́, pɛkŋɛ pɛn ńdɔɔ pɔ yɛ́tɛ́ ntɛ́ pɑjʉ́ ńjʉ́ɔ. KwɑꞋ pʉʉ yʉ́ʉ zúꞋ pɑ́Ꞌ ɑ zɔɔtɛnɛ Sɛ́.»
Pɑkyɛ́Ꞌtɛ nɛpʉʉ-Mɔ̌sɛ̂ɛ pɔ́p pʉɔ-Fɑlísɑy zúꞋ, ńzɛ nɛpíkŋɛ ŋɡɔ: «Yɔ wɔ̌ ẅí ɑ ɡwɑ́knɛ Sɛ́? Sɛ́ zɛ́nɛ́ jʉ́ kuꞋnɛ nɛlikŋɛ mɛnu kɛpɔŋ-ŋu.»
Pʉʉ zúꞋ pɑꞋ ɑ kɑŋnɛ kɔꞋ-Sɛ́ pɑꞋɑ, ŋ́kwɑŋɛ yʉ́ʉ ŋɡɔ kʉ̈ɔ́?» Pʉɔ tsʉʉ cú ŋɡɔ: «A pɔ́ pɔ ŋu ẅí ɛ́ lɑɑ ḿbɔ́ pɛ́ jẅí wɛ́ jẅínɛ.»
Mɛkwɑŋɛ kɛpɔŋ fú pɔ tsɛt tʉ́m ŋumɛsɔŋ, lɑ́ ńtsʉ́ʉnɛ mbɛ́ɛnɛ pɔ́p lɔɔ pɑŋɡɛ́, pɑŋɡɛ́ lɔɔ mbɛ́ɛnɛ, ńtsʉ́ʉnɛ ŋu ɑ pɔ́ ńjɔ, ńtsʉ́ʉnɛ ŋu ɑ jẅí wɛcɔ́,
mbíꞋŋɡɔ ɑ ŋkɑɑ pɔ́ ŋ́ɡɛ pɑ́Ꞌ pɑkyɛ́Ꞌtɛ nɛpʉ́ʉ-Mɔ̌sɛ̂ɛ pɔ́. A m̄bɔ́ ńzíꞋ tɛ ńjí yúu mi ɑ ɡɛnɛ.
Ŋ kɛ́ ɛ́sẅíi wʉ́ʉ, kwɑꞋ nɛ́nẅín, ɛ́ lɑɑ ḿbɔ́ Sɛ́ lɑ́Ꞌ ńdikŋɛ mɛnu kɛpɔŋ pʉɔmɛsɔŋ tsʉʉ ŋ́ɡɑ́ mbɔ̌ pɔ́p, tɛ mbɑ mɛsẅíŋɛ tsʉʉ mi pɔ́p lɔknɛ ńzɔɔtɛ wɛ́.
Lɑ́, ŋu lɑɑ ńzɔɔtɛ Zẅikŋɛ Lɛ́ɛnɛ́nɛ, mbɔ yɛcɔ́ nɛlɑ́Ꞌ ńdikŋɛ ŋ́ɡɑ́ mbɔ̌ ŋɡɑŋ kɛ́ pɛn ḿbɔ́ ɡú pɔ́, mbíꞌŋɡɔ ɑ ɡɛ pɔ́Ꞌɔ, nu kɛpɔŋ ɛ̂yɑ́ ɡɔ́ŋ tú yɛ́ kɛ́ lɑ́Ꞌ ḿmɛ.»
