22 Yɛ́su shɔtnɛ, ńjʉ́ɔ wɛ́, ńcú mbɔ̌ wɛ́ ŋɡɔ: «Mɑ́ɑ, kɔɔ pɔ́k, ntɛ́ yi ɔ lɔknɛ ńzɑ́p tʉ́m yú nǔu mɔ lɑɑ, ɡɛ ɔ fíitɛ.» A ɡɔ́ɔ ɛ́fíitɛ pɔ ŋkɑ́ ɛ̂yɑ́ ŋkɑ́ ɛ̂yɑ́.
Yɛ́su pɛn ńcú mbɔ̌ mɑŋɡɛ́ ɛ̂wɑ́ ŋɡɔ: «Ɔ luk ndɔɔ-mɛnu kɛpɔŋ mú, mbíꞋŋɡɔ ɔ zɑ́p tʉ́m yú nǔu mɔ. Gʉ nɛ́ mbɔ́tnɛ.»
Yɛ́su ɡɔ́ɔ ŋ́kɛ́ ńtsɔ́Ꞌ ŋɡɔ: «Mɑ́ɑmɑɑ! Ɔ zɑ́p tʉ́m nǔu mɔ tɛꞋ. Ɛ́ pɔŋ ŋɡɔ yúu mi ɔ sɛ́ ńtsɑ́ɑ puutɛ!» Yɛ́su cú pɔ́Ꞌɔ, mɔ́ɔ-mɑŋɡɛ́ wɑ́ ɡɔ́ɔ ɛ́fíitɛ pɔ kwɑꞋ ŋkɑ́ ɛ̂yɑ́.
Ŋ́kúu zúꞋu, pɛ́ lɔk wɛcɔ́ ŋɡɑŋkẅíꞋlɛ ńtɔ́, ɑ nɔɔ ndǔ pɑ́ŋtɛ. Yɛ́su jʉ́ɔ ntɛ́ yi, mbɛ́ɛnɛ yí pɔ́p lɔknɛ wɛ́ ńtɔ́, lɔknɛ ńzɑ́p tʉ́m nǔu wɛ́, ńcú mbɔ̌ ŋɡɑŋkẅíꞋlɛ ŋɡɔ: «Mɔ́ɔ wɑɑ kɔɔ pɔ́k! Pɛ́ likŋɛ mɛnu kɛpɔŋ mú ŋ́ɡɑ́ mbɔ̌ ɡu.»
Yɛ́su cú mbɔ̌ wɛ́ ŋɡɔ: «Pɛn ńjʉ́ɔ zʉꞋ! PɑꞋ ɔ zɑ́pnɛ tʉ́m yú nǔu mɔ lɑ́, ɔ fíitɛ!»
Pɔ́Ꞌɔ, Yɛ́su ɡɔ́ɔ ŋ́kɛ́ ńcú mbɔ̌ ŋu-Sɑmɑlîi ɛ̂wɑ́ ŋɡɔ: «Lɔ sɛ́ ŋ́ɡʉ, Sɛ́ ɡɛ ɔ luk, ntɛ́ pɑꞋ ɔ zɑ́p tʉ́m yú nǔu mɔ.»
Yɛ́su cú mbɔ̌ wɛ́ ŋɡɔ: «Mɔ́ɔ wɑɑ, ntɛ́ yi ɔ lɔknɛ ńzɑ́p tʉ́m nǔu mɔ ɡɛ ɔ fíitɛ, ɡʉ nɛ́ mbɔ́tnɛ!»
Yɛ́su cú mbɔ̌ wɛ́ ŋɡɔ: «PɑꞋ ɔ zɑ́b tʉ́m nǔu mɔ lɑ́, ɔ fíitɛ, tsʉꞋ ŋ́ɡʉ yú ɡʉnɛ.» Fumík ɡɔ́ɔ ńzɛ nɛpɛn ńjʉ́ɔ zʉꞋ, ńcʉ́ɔ nzʉʉ Yɛ́su pɔ́p pɛ́pɔ́p ɡʉ.
Yɛ́su cú mbɔ̌ wɛ́ ŋɡɔ: «Mɔ́ɔ wɑɑ, pɑꞋ ɔ zɑ́pnɛ tʉ́m yú nǔu mɔ lɑ́, ɔ fíitɛ, ɡʉ nɛ́ mbɔ́tnɛ, ɡɔɔ yú mɛ.»
Pɔ́Ꞌɔ lɑ́ Yɛ́su ɡɔ́ɔ ŋ́kɛ́ ńzɑ́p pɔ́ nǔu mík mɔ́p, ńcú ŋɡɔ: «Ɛ́ pɔŋ ŋɡɔ mbɑ kʉ̈ɔ́ lɑ́ pɔ́ pɑ́Ꞌ pʉʉ zɑ́pnɛ tʉ́m nǔu mɔ ŋ́kwɑŋɛ ŋɡɔ ɛ́ ɡʉ ḿbɔ́.»
A kɛ́ ŋ́ɡɛ pɔ pɔ́Ꞌɔ, nǔu mɛlɛ́Ꞌ tɛ ńzɑ́ɑ. Pɔ̂l ɡɑɑpɛ tsɛtsɛt ńzɑ́ŋ lɔ́ŋ, ɛ́shɔtnɛ ńcú mbɔ̌ zẅikŋɛ kɛpɔŋ ŋɡɔ: «N dɔk lík-Yɛ́su Kɛlístɔ ńcú ŋɡɔ ɔ fú nǔu mɑŋɡɛ́ wɑ́ ńcẅɛt!» Zẅikŋɛ kɛpɔŋ ɡɔ́ɔ ɛ́fú nǔu wɛ́ ńcẅɛt.
Tɑ́-mɔ́ɔ zúꞋ, ɛ́ lɔk ḿbɔ́ kwɑꞋ ŋkɑ́ yɑ́ yi Yɛ́su kɑ cúnɛ mbɔ̌ wɛ́ ŋɡɔ: «Mɔ́ɔ nɛ fíitɛ lɑ́.» A ɡɔ́ɔ ŋ́kɛ́ ńzɑ́p tʉ́m yɛ́ nǔu Yɛ́su, pɔ́p pʉɔ pɛ́ tsʉʉ tsʉʉ ndɑ́ yɛ́.
Pɛkŋɛ kɑ zɛɛ ḿbɛn ńzúꞋ yɛkŋɛ Ŋkʉʉ Sʉ́Ꞌnɛ ɛ̂wɑ́ pɔ pɑ́Ꞌ pʉɔ pi pɔ́p kɑ pɔ́ kɔ̂ŋtɛt kɑ zúꞋnɛ yɔ́p. Lɑ́ pɔ́p kɑ kɛ́ ńzúꞋ yɔ́p ɛ́ pɔɔ wɔ́p cẅɛ́lɛ́, mbíꞋŋɡɔ pɔ́p ŋ́kɑɑ zɑ́p tʉ́m yɔ́p nǔu pɔ́.
A pɔ́ yɛcɔ́ lɛ́Ꞌ, ḿbɔ́ ńzẅíꞋlɛ sẅiŋɛ yí Pɔ̂l ḿbɔ́ ńcú. Pɔ̂l tík mík nǔu wɛ́, ńjʉ́ɔ ɑ pɔ́ ńzɑ́p tʉ́m nǔu Sɛ́ tɛ ḿbɔ́ yi ɛ́ lɑɑ ḿbɔ́ Sɛ́ ɡɛ ɑ fíitɛ.
Pɔ́p lɔk wɛ́ ńtɔ́, Yɛ́su cʉ́ɔk zẅikŋɛ kɛpɔŋ ɛ̂yɑ́, ɑ cẅɛt nǔu mɔ́ɔ ɛ̂wɑ́, ɑ ɡɔ́ɔ ɛ́fíitɛ pɔ ŋkɑ́ yîyɑ́.
Yɛ́su pɛn ńcú mbɔ̌ tɑ́tndɑ́-ntsɔ ŋɡɔ: «Pɛn nɛ́ njɛ́Ꞌ wu! Pɑ́Ꞌ ɔ zɑ́pnɛ tʉ́m nǔu mɔ lɑ́, yúu mi ɔ tsɑ́ɑnɛ ɡʉ ḿbɔ́ pɔ́Ꞌɔ.» Ńcú pɔ́Ꞌɔ, mɔ́ŋkʉ̈ɔ́-fɑꞋ-tɑ́tndɑ́-ntsɔ ɡɔ́ɔ ɛ́fíitɛ pɔ ŋkɑ́ ɛ̂yɑ́, ŋkɑ́ ɛ̂yɑ́.
