33 Pʉɔ pí pɔ́p kɑ pɔ́ ḿbyɛ́p mɛnjínɑɑ jʉ́ɔ pɔ́Ꞌɔ, ńtɑ́kŋɛ ŋ́kʉɔtɛ, ŋ́ɡʉ tʉ́sɔŋ ḿbɔ́ ḿbɛ́ɛtɛ mbɑ kʉ̈ɔ́lɑ́ yi ɛ́ lɛɛnɛ, ḿbɛn ḿbɛ́ɛtɛ yɛ́ pʉɔ pínɛ mɛzẅikŋɛ kɛpɔŋ kɑ pɔ́nɛ nǔu pɔ́p lɑ́.
Ɛ́ pɔ́ pɔ́Ꞌɔ, pɛ́ lɔk lík yɛ́ ɛ́sɑt ŋɡɔŋ-Silii tsʉʉ. Pɛ́ pɔ́ ńdɔk pʉɔ tsʉʉ pinɛ mɛɡɔɔ ntɛ́ nɛ́ ntɛ́ m̄bɔ́nɛ nǔu pɔ́p, pʉɔ pinɛ mɛzẅikŋɛ kɛpɔŋ kɑ pɔ́ ḿbúunɛ wɔ́p, mbɑ pɑvu tú, pɔ́p ɡɑŋkẅíꞋlɛ ńtɔ́, Yɛ́su ɡɛ pɔ́p fíitɛ.
Ntsuŋkẅɛ́Ꞌ ɡɛ ḿbɔ́, pɛ́ lɔk pʉɔ tɛ ńzɑ́ɑ pínɛ mɛzẅikŋɛ kɛpɔŋ sɛ́ ŋ́ɡɑ́ɑnɛ wɔ́p ńtɔ́ mbi Yɛ́su, ɑ cú nu tɑ́Ꞌ ŋkɑ́. Mɛzẅikŋɛ kɛpɔŋ fú nǔu pʉɔ ńcẅɛt, ɡɑŋɡɔɔ pɛn ɛ́fíitɛ ɡúu.
Yɛ́su cú mbɔ̌ pɔ́p ŋɡɔ: «Pʉʉ ɡʉ!» Pɔ́p ɡɔ́ɔ ŋ́kɛ́ ɛ́fú nǔu pʉɔ pɑ́ ńcẅɛt, ŋ́ɡʉ ŋ́kúu nǔu mɛnjínɑɑ. Pɛ́ ɡɔ́ ńjʉ́ɔ, kɑt-mɛnjínɑɑ ɛ̂mɑ́ fú zúꞋu ŋ́kʉŋtɛ, ńtɑ́kŋɛ, ńzɔt ḿbʉ̈ɔtnɛ tsɛt nɛkʉŋ-ŋki, ńnɔ́ ŋki ḿpfútɛ.
