29 Pɔ́p kíi ńcú mbɔ̌ Yɛ́su ŋɡɔ: «Ɔ lɔɔ nɛɡɛ ŋɡɔ́ku nǔu pɛk, mɔ́ɔ-Sɛ́? Ɔ kɑ tɔ́ zɑꞋnɛ pɔ nɛzɑ́Ꞌ njí ńníꞋ wɛ́k tsɛt ŋɡʉ̈ɔ́Ꞌ kɛkʉ̈ɔ́?»
«Yɛ́su mɔ́ɔ-Nɑ̌zɑlɛt, pɛkŋɛ ɡẅɛɛ kʉ̈ɔ́? Ɔ kɑ fɑ́ɑ ńtɔ́ pɔ nɛpík wɛ́k? Mɔ sɛ́ ńjí wú. Ɔ fú nɛjɔ́ŋ Sɛ́.»
«Yɛ́su mɔ́ɔ-Nɑ̌zɑlɛt, pɛkŋɛ ɡẅɛɛ kʉ̈ɔ́? Ɔ kɑ fɑ́ɑ ńtɔ́ pɔ nɛpík wɛ́k? Mɔ sɛ́ ńjí, ɔ fú mbɔ̌ Sɛ́, ḿbɔ́ mɔ́ɔ nɛ.»
Ɔ sɛ́ ḿbɛ́m ŋɡɔ Sɛ́, wɛ́mɔ́Ꞌ, ɔ́ɔŋ ɛ́ pɔŋ, mɛzẅikŋɛ kɛpɔŋ pɛn ḿbɔ́ ḿbɛ́m yɔ́p pɔ pɔ́Ꞌɔ, lɑ́ ḿbɛn ḿbɔ́ ŋ́ɡwɛt.
ńdɔk ŋɡi tɛnnɛ ŋ́ɡíɛt ŋɡɔ: «Yɛ́su mɔ́ɔ-Sɛ́ ẅi ɑ piꞋnɛ mbɑ kʉ̈ɔ́ lɑ́, ɔ cẅɛ́ɛ kʉ̈ɔ́ mbɔ̌ mɔ? Sɛ́sẅíi, n dɔk lík-Sɛ́ ḿbuꞋ mbɔ́ mbɔ̌ wu ŋɡɔ, ɔ pɑ́ɑ nɛníꞋ wɑ́ɑ tsɛt ŋɡʉ̈ɔ́Ꞌ?»
A jʉ́ɔ Yɛ́su pɔ́Ꞌɔ, ńtɔ́ ńnɔɔ mɛku wɛ́, ŋ́kíi ńdɔk ŋɡi tɛnnɛ ńcú ŋɡɔ: «Yɛ́su mɔ́ɔ-Sɛ́ ẅi ɑ piꞋnɛ mbɑ kʉ̈ɔ́ lɑ́, ɔ cẅɛ́ɛ kʉ̈ɔ́ mbɔ̌ mɔ? M búꞋ mbɔ́ mbɔ̌ wu, kɔɔ níꞋ wɑ́ɑ tsɛt ŋɡʉ̈ɔ́Ꞌ!»
Pɛcʉ̈ɔ́Ꞌ-Sɛ́ kɑ zɛɛ ɛ́fɑɑnɛ nu, Sɛ́ pɔɔ wɔ́p nɑ́. A kɑ tsʉ́ʉ wɔ́p ḿmɑꞋ tsɛt nɛpʉ́ kɛ́ ndúŋ zʉꞋ-nzɛnzʉ́ʉ, pɔ́p ɡɔ́ ḿbɔ́ tsɛt mɛŋkʉ, ḿbɔ́ ńzẅíꞋlɛ lɛ́Ꞌ yi pɛ́ ɡʉ ŋ́ŋɑk mɛtsɑŋ.
Sɑ́ttɑ tɔ́ ŋ́kwɑꞋlɛ wɛ́, ńcú ŋɡɔ: «Pɑ́Ꞌ ɔ mɔ́ɔ-Sɛ́ lɑ́, ɡɔ́ɔ ŋ́kɛ́ ńcú mbɔ̌ mɛŋɡɔꞋ mɔ ŋɡɔ ɛ́ shɔtnɛ ńtsʉ́Ꞌ yúujʉ́ ɔ jʉ́.»
Yɛ́su pʉ̈ɔt mbɔ̌ wɛ́ ŋɡɔ: «Mɑ́ɑmɑɑ, ɔ cẅɛ́ɛ kʉ̈ɔ́ mbɔ̌ mɔ? Yɑ́ɑ ŋkɑ́ pɛ́t kɛ́ kuꞋ.»
Mɛzẅikŋɛ kɛpɔŋ pɔ́ ŋ́ɡɔ́ ɛ́fú nǔu nɛlʉ́m wɔp ńcẅɛt, ŋ́kíi ńcú ŋɡɔ: «Ɔ mɔ́ɔ-Sɛ́.» Lɑ́ Yɛ́su cɔ́k wɔ́p, ḿbɔɔ pɛ́m ŋɡɔ pɔ́p cú nu pɔ́, mbíꞋŋɡɔ pɔ́p kɑ jí ŋɡɔ Yɛ́su Nzɑ́Ꞌŋkʉ-puꞋ ẅí Sɛ́ kɑ kɑꞋnɛ mbɔ̌ pʉɔmɛsɔŋ.
Pʉʉ kẅíitɛ pɛcʉ̈ɔ́Ꞌ-Sɛ́ pi pɔ́p ŋkɑɑ kɔŋ nɛnɑ́ŋ zʉꞋ yi Sɛ́ kɑ tíknɛ wɔ́p zúꞋu pɔ́, ńnɑ́ zʉꞋ yi pɔ́p kɑ pɔ́nɛ. Pɔ́Ꞌɔ lɑ́ Sɛ́ cʉŋɛ nɛ́ mɛcɛ̂n tɛ ndɑꞋ zʉꞋ yi nzɛ́nzʉ́ʉ zúꞋu, pɔ́p zúꞋu ḿbɔ́ ńzẅíꞋlɛ lɛ́Ꞌ ɡwɛ́ yi ɑ ɡʉ ńdɑ́Ꞌ ńzɑ́Ꞌ mɛtsɑŋ.
A cʉ́ɔ nzʉʉ pɛk Pɔ̂l, ńnɛn ńcú nɛ́ tʉʉ ŋɡɔ: «Pʉɔ pɔnɛ ɡɑŋfɑꞋ mbɔ̌ Sɛ́ ẅi ɑ piꞋnɛ mbɑ kʉ̈ɔ́ lɑ́! Pɔ́p sɛ́ ɛ́sẅíi wʉ́ʉ pɑ́Ꞌ ɛ́ lɑɑ ḿbɔ́ pʉʉ nɛn pɔ́Ꞌɔ lɑ ńduk.»
Pʉɔ pi mɛzẅikŋɛ kɛpɔŋ kɑ pɔ́ ḿbúunɛ wɔ́p kɑ pɔ́ tɛ ńjʉ́ɔ wɛ́, ńnɔɔ mɛku wɛ́, ńdɔk ŋɡi tɛnnɛ ńcú ŋɡɔ: «Ɔ Mɔ́ɔ Sɛ́.»
Ɛ́ ɡɔ́ ḿbɔ́ yɛcɔ́ kɑt-mɛnjínɑɑ pɔ́ mbʉʉ zúꞋu ḿbɔ́ ŋ́kɑ́t ŋ́kwɛ́t yúu.
