27 Pɔ́p pɛtsʉʉ tɛmtɛ ḿmɑɑ, ńcú tsɛtsɛt pɔ́p ŋɡɔ: «Yɔ yɛ́tɛ́ ntɛ́ ŋu tɛ mbɑ fɛ́m pɔ́p ŋki zúꞋ ntsu wɛ́?»
Pʉɔ tsʉʉ pɔ́ ńzúꞋ, ḿmɑɑ tɛ ńcú ŋɡɔ ɑ ɡɛ yɛ́ mbɑ kʉ̈ɔ́ lɑ́, ɛ́ pɔ́ pɔ sʉ́Ꞌnɛ. A ɡɛ pɛ́ mbúꞋ-mɛtúutɛ́ zúꞋ nu, mbɑ pɛ́cípuꞋ pɛn ɛ́sẅíŋɛ.
A cú pɔ́Ꞌɔ, ŋ́kúu tsɛt kɑnúꞋ, fɛfʉ̈ɔt zɑ́Ꞌnɛ, ɛ́ tsɑ wɔ́p tɛꞋ,
Ɛ́ kʉꞋnɛ lɑ́Ꞌ tsʉʉ, tɛ lɛ́m yɔ́p sɑ́ɑnɛ, pɔ́p píkŋɛ tsɛtsɛt pɔ́p ŋɡɔ: «Tɛ yɔ nu ŋɡɔ́ku? A pɔ́ ɛ́sɑ́Ꞌ Ŋkʉʉ Sʉ́Ꞌnɛ tɛ ńcʉ̈ɔ́k mɛzẅikŋɛ kɛpɔŋ, pɔ́p zúꞋ ntsu wɛ́.» Ɛ́ pɑꞋɑ ḿbɔ́ pɔ yɛcɔ́ nu fí kɛkʉ̈ɔ́? A sɛ́ ńzíꞋ pʉɔ pɑꞋ ŋu Sɛ́ túunɛ.
CípúꞋ cú nu, ɡɑŋkẅíꞋlɛ fíitɛ, ɡɑŋpʉ̈ɔ́Ꞌtɛ mɛku nɛn sʉ́Ꞌnɛ, pɛfʉmík jʉ́ɔ zʉꞋ sʉ́Ꞌnɛ. Lɑ́Ꞌ jʉ́ɔ ḿmɑɑ tɛꞋ, ŋ́ɡɛ́mtɛ Sɛ́-pɑíslɑyɛ̂l.
Pʉɔ pínɛ pɔ́p tsɛt kɑnúꞋ pi mɛkẅíꞋlɛ mɔ́p mbi Yɛ́su ńcú ŋɡɔ: «Ɛ́ kwɑꞋ nɛ́nẅín, ɔ mɔ́ɔ-Sɛ́.»
Yɛ́su zúꞋ yɔ sẅiŋɛ yí ɛ́ cẅɛtnɛ ntsu-tɑ́tndɑ́-ntsɔ ŋ́ɡʉ̈ɔꞋtɛ wɛ́, ɛ́shɔtnɛ ńcú mbɔ̌ lɑ́Ꞌ yi ɛ́ nzʉʉ yɛ́ ŋɡɔ: «Ɛ sẅíi wʉ́ʉ, kwɑꞋ nɛ́nẅín, mbɑ tsɛt ŋɡɔŋ Pɑíslɑyɛ̂l, ŋ kɑ́ jʉ́ɔ wɛcɔ́ ŋu ẅí ɑ zɑ́pnɛ tʉ́m nǔu mɔ pɑ́Ꞌ jʉ́ pɔ́.
A cú mbɔ̌ pɔ́p ŋɡɔ: «Pʉʉ pɔ́k kʉ̈ɔ́? Pʉʉ lɔɔ ńzɑ́p tʉ́m nǔu Sɛ́ ŋkɑ́ tsʉʉ pɔ́!» Ńcú pɔ́Ꞌɔ, ńdɔ sɛ́, ńcʉ̈ɔ́k fɛ́m pɔ́p ŋki. ZʉꞋ nɑꞋ ŋ́ɡɔ kɛ̂m.
Yɛ́su ɡʉ tɛ ŋ́kúu nǔu yɛcɔ́ njʉ́n. Ɛ́ pɔ́ ŋɡɔŋ-pʉɔ-Ŋɡɑndɑlɑ, pɛcɔ́ pʉɔ pɛ́pɑ́ pínɛ mɛzẅikŋɛ kɛpɔŋ kɑ kúunɛ nǔu pɔ́p fú zʉꞋ pɛ́ tẅínɛ pʉɔ zúꞋu ńcẅɛt ńzɑ́Ꞌ wɛ́, mbɔ pɔ́p kɑ fʉꞋ mɔ nu fʉꞋnɛ tɛ ŋu pɔɔ ḿbɛn ńdɛɛ ẅîwɑ́ shʉ́ pɔ́.
