21 Ɛ́ ɡʉ nǔu pʉɔ pínɛ pɔ́p fúŋnɛ wɑ́ɑ ŋɡɔ: «Tsɑpʉɔ, Tsɑpʉɔ pɔ́p pɛtsʉʉ kɛ́ lɑ́Ꞌ ńjʉ́ pii-nɛfɔɔ-Sɛ́ pɔ́. NdɑꞋ pʉɔ pínɛ pɔ́p ɡɛnɛ yúu mi Tɑ̌ɑ mɔ ẅí ɑ tʉ́nɛ́pú sɛ́ ŋ́kɔŋ ŋɡɔ pɛ́ ɡɛ.»
MbíꞋŋɡɔ ŋu zɛɛ mbɔɔ zúꞋ nɛpʉ́ʉ-Sɛ́ zúꞋnɛ ndɑꞋ ńtsʉ́Ꞌ ŋu ẅi ɑ mbi Sɛ́ ḿbɔ́ ndʉ́ŋndʉŋ pɔ́. Ŋu zúꞋ ḿbɛn ŋ́ɡɛ pɑ́Ꞌ ɛ́ píkŋɛ́nɛ lɑ ńtsʉ́Ꞌ kwɑꞋ wɛ́tɛ́.
Yɛ́su pɛn ńcú ŋɡɔ: «Mɛlɑ́Ꞌkʉ̈ɔ́ pʉʉ sɛ́ ɛ́fúŋ wɑ́ɑ nɛ́ “Tsɑpʉɔ! Tsɑpʉɔ!” Ḿbɛn ḿbɔɔ kɛ́ ŋ́ɡɛ yúu mi n cúnɛ pɔ́ ɔɔ?»
Kɔɔ pʉʉ pɔ́ pɑzúꞋ sẅíŋɛ-Sɛ́ zúꞋnɛ ndɑꞋ, pʉʉ ɡɛ yúu mi sẅiŋɛ ɛ̂yɑ́ cúnɛ ŋɡɔ pʉʉ ɡɛ. Tɛ ɛ́ pɔ́ɔ pɔ́Ꞌɔ pɔ́, mbɔ pʉʉ ɛ́shɔtnɛ fʉ́klɛ mɛmbʉʉ mʉ́ʉ.
Yɛ́su pɑ́Ꞌ ńcú mbɔ̌ wɛ́ ŋɡɔ: «Ɔ ḿbɔ́ ŋ́ɡʉ ńcú pɔ ŋɡɔ: “Pɛpɔ́ttú ɛ́ pʉɔ pinɛ pɔ́p zúꞋ sẅíŋɛ-Sɛ́, ḿbɛn ŋ́ɡɛ pɑ́Ꞌ ɑ sɛ́ ḿbíkŋɛ.”»
Pɔ́p tʉ́ʉ ńcú ŋɡɔ pɔ́p jí Sɛ́, lɑ́ mɛnu mi pɔ́p ɡɛnɛ nyɛt ŋɡɔ pɔ́p kɑ́ jí wɛ́ pɔ́. Pɔ́p ɡɛ yúu mi ɛ́ shẅɛt shẅɛtnɛ, ńtʉʉ tú mbɔ̌ Sɛ́ tɛꞋ, mbɔ pɔ́p zɛɛ mbɔɔ ɡɛ nu sʉ́Ꞌnɛ pɔ́.
Sɛ́ kɑ zɑ́p ŋɡɔ pɛcɔ́ pʉɔ ɡʉ ŋ́ɡɛ ŋ́kúu tsɛtú, lɑ́ pɛluŋmbi pʉɔ pɔɔ zúꞋ Ŋkʉʉ Sʉ́Ꞌnɛ lɑ ḿbɛn ŋ́kɛ́ mbɔɔ tsɛtú kúu pɔ́ pɔ́, mbíꞋŋɡɔ pɔ́p kɑ zúꞋ mbɔɔ pɛ́m pɔ́.
Yúu mi Tɑ̌ɑ mɔ sɛ́ ŋ́kɔŋ ɛ́ pʉ̈ɔ́lɑɑ: «Ŋu lɑɑ ńjʉ́ɔ mɔ́ɔ nɛ, ńzɑ́p tʉ́m yɛ́ nǔu wɛ́, mbɔ ŋɡɑŋ ŋ́ɡẅɛɛ luk kɛ́mɛ. N dɑ́Ꞌ ndẅiknzʉʉ lɛ́Ꞌlɑ́Ꞌ ńzẅíimɛ wɛ́ nǔu nɛvú.»
Ɛ́ pɑ́Ꞌ ŋu ẅí ɑ ɡʉ ńdɑ́Ꞌ ńdʉ̈ɔ́Ꞌ ntsɔ tɛ ńdɛɛ nu kɛpɔŋ ɡʉ ńdɑ́Ꞌ ḿmɑꞋ mɛfúfú ndẅí pɔ́Ꞌɔ. Mɔ, m bɛn ḿbɔɔ lɑ́Ꞌ ńzɑ́Ꞌ lík yɛ́ tsɛt ŋwɑꞋnɛ yi Sɛ́ kɑ ŋwɑꞋnɛ́nɛ mɛlík-pʉɔ pí pɔ́p ɡẅɛɛnɛ luk kɛ́mɛ tsɛtú pɔ́. Ŋ ɡɛ tʉ́ʉ mbi Tɑ̌ɑ mɔ pɔ́p pɛcʉ̈ɔ́Ꞌ pɛ́, ńcú ŋɡɔ ɑ wɑɑ ŋu.
Pɔ́Ꞌɔ lɑ́, pʉʉ ɡʉ nǔu mɛlɛ́Ꞌlɑ́Ꞌ mi pʉʉ pɛ́tnɛ ŋ́ɡẅɛɛ ndǔ tsɛ́tsɑ́Ꞌ, ŋ́ɡɛ pɔ yúu mi Sɛ́ sɛ́ ŋ́kɔŋ, kɔɔ pʉʉ ɡɛ yúu mi mbʉʉ-ŋu tsʉ́ʉnɛ́nɛ wɛ́ ɑ ɡɛ.
Ɛ́ pɔŋ ŋɡɔ Sɛ́ mbɔ́tnɛ ɛ̂wɑ́, ɡɛ pʉʉ kuꞋ nɛɡɛ nu sʉ́Ꞌnɛ nɛpɔ́ yi pʉʉ ɡʉ ŋ́ɡɛ pɔ yúu mi ɑ sɛ́ ŋ́kɔŋ. Ɛ́ pɔŋ ŋɡɔ jʉ́ Sɛ́ fú nǔu Yɛ́su Kɛlístɔ, ŋ́ɡɛ yúu mi ɛ́ pɔŋnɛ wɛ́ pɔ́ nǔu pɛkŋɛ. NɛɡúꞋ pɔ́ mbɔ̌ Yɛ́su Kɛlístɔ nǔu mɛŋɡuꞋ mɛŋɡuꞋ! Ɛ́ pɔ́Ꞌɔ.
Ŋu ɡɛ yúu mi Tɑ̌ɑ mɔ ẅí ɑ tʉ́nɛ́pú sɛ́ ŋ́kɔŋ, mbɔ ẅîwɑ́ ŋu mɔ́ɔmɑ́ wɑɑ wɛ mbɛ́ɛnɛ, ḿbɔ́ wɛ mɑŋɡɛ́, ḿbɔ́ mɑmɑ́ wɑɑ.
Pɛpɔ́ttú ɛ́ pʉɔ pí pɔ́p suknɛ mɛndẅí mɔ́p tɛ ɛ́ lɛ́ɛnɛ, nɛpɔ́ yi pɔ́p ɡʉ ŋ́kuꞋ nɛfú nǔu mɛntsu-ŋkɑ́Ꞌ, ŋ́kúu tʉ́sɔŋ, ńjʉ́ ntɑ́ɑ-tʉ́ yɑ́ yi ɛ́ ɡɛnɛ pɛ́ tsuŋ ḿbɔ́ ɡú lɑ́.
Yɛ́su pʉ̈ɔt ŋɡɔ: «Lɑ́ ɛ sẅíi wú, kwɑꞋ nɛ́nẅín, ɛ́ lɑɑ ḿbɔ́ ŋu pɔɔ kúu tsɛt nu-nɛfɔɔ-Sɛ́ kɛ́ pɔ́ yi ɑ lɛɛ nǔu ŋki, mbɑ Zẅikŋɛ Lɛ́ɛnɛ́nɛ lɑ pɛ́ pí wɛ́ fí fí pɔ́.
ńcú ŋɡɔ: «Tsʉ́Ꞌnɛ ɛ sẅíi wʉ́ʉ, kwɑꞋ nɛ́nẅín, pʉʉ lɑɑ mbɔɔ kúpmɛ mɑt wʉʉ, tɛ ńtsʉ́Ꞌ ḿbɔ́ pɔ pɑ́Ꞌ mbɔ́ŋkʉ̈ɔ́ pɔ́, mbɔ pʉʉ kɛ́ lɑ́Ꞌ ŋ́kúu tsɛt nu-nɛfɔɔ-Sɛ́ pɔ́.
Ŋu lɑɑ ḿbɔ́ ŋ́kɔŋ nɛɡɛ yúu mi Sɛ́ sɛ́ ŋ́kɔŋ, mbɔ ŋɡɑŋ ɡʉ ńjí, kɛ yúu mi n zíꞋnɛ pʉɔ fú pɔ mbɔ̌ Sɛ́ ɔɔ, kɛ ɛ́ pɔ́ pɔ yɑ́ɑ sẅiŋɛ ɔɔ.
Kɔɔ pʉʉ ɡɛ mʉ́ʉ mɛnu pɑ́Ꞌ pʉɔ pi pɔ́p ndǔmbí ŋkɔ̂ɔnɛ. Pʉʉ pɛ́m Sɛ́ pɔ́ ŋ́ɡɑ́ jínu yɛ fí mbɔ̌ pʉʉ ńdɔk ŋ́kúpmɛ yʉʉ ntɛ́ nɛkwɑŋɛ nu pɔ tsʉʉ, ɛ́ lɛɛ pɔ́Ꞌɔ, pʉʉ kuꞋ nɛjí yúu mi jʉ́ Sɛ́ sɛ́ ŋ́kɔŋ ŋɡɔ pʉʉ ɡɛ. Pʉʉ jí yúu mi ɛ́ pɔŋnɛ, ńjí yi ɛ́ pɔŋnɛ wɛ́, ńjí yi yɛcɔ́ lɔ́Ꞌ kɑ́ pɔ́ nǔu pɔ́.
Jínɛ ŋɡɔ ŋu lɑɑ ŋ́ɡɛ yúu mi Sɛ́ sɛ́ ŋ́kɔŋ, mbɔ ŋɡɑŋ mɑ́mɑ́ wɑɑ, mbɔ mɔ́ɔmɑ́ mɔ, wɛ ŋu mbɛ́ɛnɛ mbɑ wɛ mɑŋɡɛ́.
ḿbɔ́ ŋ́ɡɑ́ pɑ́Ꞌlɑ́ mbɔ̌ wɛ́ nǔu kʉ̈ɔ́ lɑ́. Ɛ́ yúu mi Sɛ́ kɔŋnɛ ŋɡɔ pʉʉ pi pʉʉ pɛ́ Yɛ́su Kɛlístɔ kɑ tsʉ́Ꞌ mɔ́ tɑ́Ꞌ ŋu lɑ́, pɔ́ ŋ́ɡɛ.
Pʉʉ pɑ́ɑ nɛɡɛ pɔ́Ꞌɔ, pɔ ndɑꞋ ŋkɑ́ yi pɔ́p tʉ́ʉnɛ nzʉʉ pʉʉ. Pɑ́Ꞌ ŋkɑ́ yi pʉʉ ɡɛ pɔ yúu mi ɛ́ ɡʉ ḿbɔŋ pʉɔmɛsɔŋ lɑ́. Pʉʉ fɑꞋ pɔ pɑ́Ꞌ pɛkwɑɑ-Kɛlístɔ pi pɔ́p sɛ́ ŋ́ɡɛ yúu mi Sɛ́ sɛ́ ŋ́kɔŋ nɛ́ ŋɡɔŋ tʉ́m yɔ́p tsʉʉ.
Ɛ́ yúu mi Sɛ́ kɔŋnɛ ŋɡɔ pʉʉ ɡɛ, ńjí ŋɡɔ pʉʉ ɡʉ ńdɔk nɛɡɛ nu sʉ́Ꞌnɛ, ńjʉ́ɔꞋ ntsu-pɛɡɛɡʉʉ pi pɔ́p lʉꞋnɛ nu-Sɛ́, pɔ́p pɔɔ pɛn ɛ́sẅíitɛ nǔu pʉʉ pɔ́.
Tɑ́t wɛ cú mbɔ̌ wɛ́ ŋɡɔ: «Ɛ́ pɔŋ, ɔ ŋɡɑŋfɑꞋ sʉ́Ꞌnɛ, ɔ kɑ ɡɛ yúu mi ŋ kɑ pɔ́ ńzẅíꞋlɛ mbɔ̌ ɡu, pɑ́Ꞌ ɔ kɑ pɑ́ɑnɛ mɔ́ɔ mɔ́yúu sʉ́Ꞌnɛ lɑ́, ŋ ɡʉ ńníꞋ yúu mbɔ̌ ɡu tɛꞋ. Tɔ́ pûu tsɑ́ɑtɛ.»
Yúu mi Sɛ́ sɛ́ ŋ́kɔŋ ɛ́ pɔ́ pɔ ŋɡɔ pʉʉ pɔ́ ndɛ́ɛnɛ lɛ́ɛnɛ́nɛ, kɔɔ mbɛ́ɛnɛ lɔɔ pɑŋɡɛ́, kɔɔ pɑŋɡɛ́ lɔɔ mbɛ́ɛnɛ,
Ɛpɑfɑlɑs ẅí ɑ ŋu lɑ́Ꞌ wʉʉ, cɛꞋlɛ wʉ́ʉ. Yɔ ŋu ẅí ɑ fɑꞋnɛ fɑꞋ-Yɛ́su Kɛlístɔ, ńnɑ́ŋ ŋɡɔŋ ŋkɑ́ tsʉʉ ḿbɔ́ ńdɔk nɛcɛꞋlɛ Sɛ́, ḿmɑꞋ ntsɔ nǔu tú yʉ́ʉ. A ɡɛ pɔ́Ꞌɔ, nɛpɔ́ yi pʉʉ ɡʉ tɛntɛ nǔu nu-Yɛ́su, yɛcɔ́ yúu pɔɔ pɛn ńjɑ́k nǔu pʉʉ pɔ́, pʉʉ ńnɑ́ŋ ŋɡɔŋ ŋkɑ́ tsʉʉ, ḿbɛ́m pɔ nɛɡɛ yúu mi Sɛ́ sɛ́ ŋ́kɔŋ ŋɡɔ pʉʉ ɡɛ.
Ŋkɑ́ ɡɛ ńdɑ́Ꞌ ŋ́kuꞋ, ŋɡɑŋndɑ́ lɔ sɛ́ ńjʉ̈ɔ́Ꞌ ntsundɑ́, pʉʉ pi pʉʉ pɛ́t píi lɑ́, pʉʉ zɛ nɛpúꞋ ntsundɑ́, ḿbɔ́ ḿbúꞋ mbɔ́ mbɔ̌ wɛ́ ŋɡɔ: «Tsɑpʉɔ, tsɔ́Ꞌ ntsundɑ́ pɛk kúu ndɑ́. Lɑ́, ɑ cú mbɔ̌ pʉʉ ŋɡɔ: Ŋ kɑ́ pɔ́ ńjí pʉɔ pinɛ pʉʉ pɛ́t pɔ́!»
ńnɛn ńtɔ́ɔtɛ tʉ́m-pʉɔ-Kɛlístɔ ŋɡɔ kɔɔ pɔ́p kɑ́ɑ nǔu nɛzɑ́p tʉ́m nǔu Yɛ́su, ḿbɔ́ ńcú mbɔ̌ pɔ́p ŋɡɔ: «Ɛ́ sɛ́ ḿbíkŋɛ ŋɡɔ pɛkŋɛ lɛɛ tsɛt ŋɡʉ̈ɔ́Ꞌ tɛ ńzɑ́ɑ lɑ ńjʉ́ pii-nɛfɔɔ-Sɛ́.»
Ɛ́ zɑŋɛ́ mbɔ̌ shʉ̈ɔ́ nɛsɔ́ tsɛt mbʉ́-sɑ́Ꞌ, ńtsɑ ŋɡɑŋyúu nɛpɛ́m ŋɡɔ Sɛ́ tsʉ́Ꞌnɛ ɛ́sɑ́Ꞌ wɛ́.»
ḿbɛn ḿbɔ́ yi lík yú sɛ́ ńtsʉ́ʉnɛ wú, ɔ fɑɑnɛ nu, ɔ tsɔ́Ꞌ ḿmɛꞋ, mbii nɛpɔ́ pɛlík lɑ ŋ́kúu nǔu nu-Nɛfɔɔ-Sɛ́, ńtsɑ pɑꞋ ɛ́ lɑɑ ḿbɔ́ ɔ ɡẅɛɛ mík mú mɛmbɑ́ pɛ́ pɛn ḿmɑꞋ wú tsɛt zʉꞋ-múk,
Ŋ ɡʉ ḿbɛn ńniitɛ ɛ́sẅíi wʉ́ʉ ŋɡɔ, ɛ́ zɑŋɛ mbɔ̌ shʉ̈ɔ́ nɛsɔ́ tsɛt ntẅɛɛ-sɑ́Ꞌ, ńtsɑ ŋɡɑŋyúu nɛpɛ́m ŋɡɔ Sɛ́ tsʉ́Ꞌnɛ ɛ́sɑ́Ꞌ wɛ́.
Yɛ́su lẅiklɛ ńcú ŋɡɔ: «Ɛ́ ndʉ́ŋndʉŋ pɑ́Ꞌ Tɑ̌ɑ mɔ ẅí ɑ tʉ́nɛ́pú, ɑ ɡʉ ŋ́ɡɛ nǔu mbɑ wɔ̌ lɑ́ tsɛtsɛt pʉʉ, pɑ́Ꞌ ɑ lɑɑ mbɔɔ likŋɛ mɛfɑɑnɛ mɔ́ɔmɑ́ wɛ nɛ́ ŋɡɔŋ tʉ́m yɛ́ tsʉʉ pɔ́.»
«Ŋu lɑɑ ḿbɑɑ wɑ́ɑ, mbɔ ɑ lɔk ḿbɑɑ Tɑ̌ɑ mɔ.»
Yɛ́su pɛn ɛ́fú nɛjɔ́ŋ pɔ́p ŋ́ɡʉ nǔu mbɑ́ɑtɛ yɛ́pɑ́, ńcɛꞋlɛ Sɛ́ ńcú ŋɡɔ: «Tɑ̌ɑ mɔ, ɛ́ lɑɑ ḿbɔ́ yi yɛcɔ́ nɛɡɛ tɛ kẅɛ́Ꞌlɛ yɔ ntúꞋ nɛjɔ́ŋ mɔ kɑ́ pɔ́ ɡú pɔ́, ŋ́kɛ́ ḿbɔ́ yi ŋ kɛ́ ńnɔ́ nɔ́nɛ, ɔ ɡɛ pɑ́Ꞌ ɔ kɔŋnɛ,»
Yɛ́su ɡɔ́ɔ ŋ́kɛ́ ńcú mbɔ̌ wɛ́ ŋɡɔ: «Símɔ mɔ́ɔ-Jɑ̂ŋ, ɔ pɔ́ttú, mbíꞌŋɡɔ ŋumɛsɔŋ kɑ́ nɛ ɡɛ, lɑ́ ɔ jí yɔ nu nɛ́nẅín pɔ́. Tɑ̌ɑ mɔ ẅí ɑ tʉ́nɛ́pú nyɛtnɛ wú.»
Ŋɡɑŋ ɡʉ ńdɑ́Ꞌ ńdɔk ntẅí-tʉ́n, ɛ́sɑ́Ꞌ wɔ́p, ńtswɑ́ɑ wɔ́p ńnẅiꞋlɛ pɑ́Ꞌ ɛ́ lɑɑ ḿbɔ́ pɛ́ ŋẅiꞋlɛ mɛkʉŋ-tsɑ́Ꞌ pɔ́Ꞌɔ. Ŋ ɡʉ ńdɑ́Ꞌ ŋ́ɡɑ́ mɛtʉʉ mbɔ̌ ŋɡɑŋ pɑ́Ꞌ Tɑ̌ɑ mɔ kɑ ɡɑ́nɛ mɛtʉʉ mbɔ̌ mɔ ɡúu,
Pʉʉ pɛ́Ꞌnɛ ńjí wɑ́ɑ, mbɔ pʉʉ jí Tɑ̌ɑ mɔ ɡúu. Ŋ kɛ́ ńcú pɑ́Ꞌnɛ pʉʉ pɔ́ ŋkɔ̂ɔnɛ ḿbɔ́ ńjí wɛ́. Mbɔ pʉʉ jʉ́ɔ wɛ́.»
Yɛ́su tsɔ́Ꞌ mbɔ̌ pɔ́p ŋɡɔ: «Tɑ̌ɑ mɔ pɛ́t ɛ́fɑꞋ pɔ fɑꞋnɛ tɛ ŋ́kúu ŋkɔ̂ɔnɛ, mbɑ mɔ yɑ́ɑ m bɛn ḿbɔ́ ɛ́fɑꞋ pɔ fɑꞋnɛ.»
ńcú pɔ́Ꞌɔ, ńnɑ́Ꞌ ŋ́ɡʉ mbi, ŋ́kɔkŋɛ ńnɔɔ sɛ́, ɛ́sɔp shʉ́ wɛ́ sɛ́, ḿbɔ́ ńcɛꞋlɛ Sɛ́ ńcú ŋɡɔ: «Tɑ̌ɑ mɔ, ɛ́ lɑɑ ḿbɔ́ yi ḿbɔ́ ɛ́ pɔ́ pɔ́Ꞌɔ, ɔ ɡɛ yɔ ntúꞋ-ŋɡʉ̈ɔ́Ꞌ fú nɛjɔ́ŋ mɔ ńtsʉ́ʉtɛ! Lɑ́, kɔɔ ɡɛ wɑɑ nɛkɔŋtɛ, ɡɛ pɔ wu nɛkɔŋtɛ.»
Pʉʉ lɑk tú yʉ́ʉ nɛɡwɑ́k wɛcɔ́ tɑ́Ꞌ nǔu ɡɛ́ɡɛ́ mbɔ́ŋkʉ̈ɔ́ pɔnɛ. Jínɛ ŋɡɔ, pɛcʉ̈ɔ́Ꞌ-Sɛ́ pínɛ pɔ́p líŋɛ́nɛ wɔ́p tʉ́ʉ mbi Sɛ́ túnɛpú ŋkɑ́ tsʉʉ. [
KwɑꞋ nɛ́nẅín, m bɛn ɛ́sẅíi wʉ́ʉ ŋɡɔ: «Pʉɔ pɛ́pɑ́ tsɛtsɛt pʉʉ lɑɑ ḿbɔ́ tɑ́Ꞌ ntsu ndǔ tsɛ́tsɑ́Ꞌ zɑꞋnɛ, ńdɔ́ɔ pɔ kʉ̈ɔ́ lɑ́ mbɔ̌ Tɑ̌ɑ mɔ ẅí ɑ tʉ́nɛ́pú, mbɔ ɑ ɡʉ ŋ́ɡɑ́ mbɔ̌ pɔ́p.
Pɔ́p ɡʉ nɛzúu, ŋu ẅí ɑ zɔ́Ꞌnɛ tsʉ́Ꞌ ńtɔ́, pɔ́p pɛ́ pɔ́ɔŋɡɔɔ pínɛ yɛcɔ́ yúu ŋkɑɑ ḿbɔ́ ńjɑ́k wɔ́p pɔ́ kúu ndɑ́-ndínɑ-lɑ́ɑndɑ́, pɛ́ jʉ́ɔꞋ ntsundɑ́.
