Mɑtʉ̈ɔ 7:13 - Kɑɑ Fí

¹³ Pʉʉ tsʉ́Ꞌ nɛlɔɔ sɛ̂ndúŋ-tʉ́nɛ́pú, ńdɛɛ pɔ nǔu ntsuŋkɑ́Ꞌ ẅi ɛ́ kʉ́ʉpɛ kʉ́ʉpɛ́nɛ. Ntsuŋkɑ́Ꞌ ẅi ɛ́ ɡúꞋnɛ tɛꞋ, ɡʉ pɔ nɛ́ lɑ́Ꞌ-nɛvú. Sɛ̂ndúŋ ẅi ɛ́ ɡʉnɛ lɑ́Ꞌ-nɛvú ɡúꞋ tɛꞋ, nɛzɑ́ɑ pʉɔ sɛ́ ńdɛɛ pɔ ẅîwɑ́.

Mɑtʉ̈ɔ 7:13 交叉引用

Jɑ̂ŋ 14:6

Yɛ́su tsɔ́Ꞌ mbɔ̌ wɛ́ ŋɡɔ: «Mɔ sɛ̂ndúŋ ẅi ɛ́ ɡʉnɛ mbi Sɛ́, ḿbɔ́ nu nɛ́nẅín, ḿbɛn ḿbɔ́ luk kɛ́mɛ yi Sɛ́ ɡɑ́nɛ. Ɛ́ lɑɑ ḿbɔ́ ŋu pɔɔ ɡʉ mbi Tɑ̌ɑ mɔ kɛ́ lɛɛ pɔ nǔu mɔ pɔ́.

Jɑ̂ŋ 10:9

Ntsuŋkɑ́Ꞌ pɔ́ pɔ mɔ, ŋu lɑɑ ńdɛɛ nǔu mɔ ŋ́kúu ŋkɑ́Ꞌ, mbɔ ŋɡɑŋ ɡʉ ŋ́ɡɛ ńduk. A ɡʉ ḿbɔ́ ŋ́kúu ŋkɑ́Ꞌ, ńcẅɛt pɑ́Ꞌ ɑ kɔŋnɛ, ḿbɔ́ ńjʉ́ɔ yúu kwɛ́tnɛ.

Ŋɡɑlɑ̂t 5:24

Pʉɔ pi pɔ́p pɛ́ Yɛ́su Kɛlístɔ kɑ ḿmɛꞋnɛ yúu kɛpɔŋ yi ɛ́ pɔŋnɛ mbʉʉ yɔp, pɔ́p minɛ mbʉʉ ɛ̂yɑ́ tsɑ́ɑnɛ, lɑ ɛ́ pɔ́ pɑ́Ꞌ ŋkɑ́ yi pɔ́p kɑ kẅii mbʉʉ ɛ̂yɑ́ nǔu tʉ́ mbɑ́ŋtɛ pɑ́ŋtɛ́nɛ lɑ́.

Mɑtʉ̈ɔ 3:2

«Pʉʉ kúpmɛ mɑt wʉʉ, mbíꞌŋɡɔ ŋkɑ́ yi Sɛ́ ɡʉ ɛ́sɑ́Ꞌ nɛfɔɔ nɛ́ kẅɛ́Ꞌlɛ tɛ ḿbɔ́ ḿbɑ́ɑtɛ.»

Mɑtʉ̈ɔ 3:8

Pʉʉ ɡɛ pɔ mɛnu sʉ́Ꞌnɛ mí ɛ́ nyɛtnɛ ŋɡɔ pʉʉ kúpmɛ mɑt.

2 Kɔlɛ̂ŋtɛ 6:17

Ɛ́ yúu mi ɛ́ ɡɛ jʉ́ Tsɑpʉɔ cú ŋɡɔ: Pʉʉ fú tsɛtsɛt pɔ́p ńcẅɛt, ɛ́fɑk yʉʉ mbʉʉ, Kɔɔ pʉʉ ɡẅɛɛ yúu mi lɔ́Ꞌ nǔu, Mɔ, m bɛn ŋ́kɛ́ ŋ́kúkŋɛ wʉ́ʉ.

Mɑtʉ̈ɔ 23:13

Pʉʉ pɛpʉ́ktú, pʉʉ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pʉʉ pɑfɑlísɑy. Pʉʉ pɑkɔŋmík, pʉʉ sɛ́ ŋ́kíitɛ ntsundɑ́ ẅi pʉɔmɛsɔŋ lɛɛnɛ nǔu lɑ ŋ́kúu tsɛt nu-nɛfɔɔ-Sɛ́, kwɑꞋ pʉʉ yʉ́ʉ sɛ́ mbɔɔ ŋ́kúu pɔ́, ŋ́kɛ́ ḿbɔɔ ńnɑ́ pʉɔ pí pɔ́p sɛ́ ŋ́kɔŋ nɛkúu tsɛtú kúu zúꞋu pɔ́.

Mɛnu ɛ́ ńdɑ́Ꞌ ńcẅɛt 20:15

Wɔ̌ lɑ́ ẅi pɛ́ ŋkɑɑ jʉ́ɔ lík yɛ́ tsɛt ŋwɑꞋnɛ yí mɛlík-pʉɔ pí pɔ́p ɡẅɛɛnɛ luk kɛ́mɛ tsɛtú pɔ́, pɛ́ mɑꞋ wɛ́ tsɛt nɛpʉ́-múk.

Filipɛ 3:19

Mɔ́p mɛlɛ́Ꞌ ɡʉ ńdɑ́Ꞌ ḿmɛ ndǔmbí, pɔ́p ɡʉ nɛpʉ́-múk, mbíꞋŋɡɔ wɔp sɛ́ pɔ́ pɔ nɛpɛm nɔ́p. Pɔ́p tsɑ́ɑtɛ nǔu yúu mi sʉ́ʉ ɡʉ ŋ́kɔ́ wɔ́p nǔu, yɔ́p kwɑŋɛ pɛn ńtʉ́ʉ pɔ nǔu yúu-ndǔmbí.

2 Kɔlɛ̂ŋtɛ 4:4

ɛ́ pɑzúꞋ nu-Sɛ́ kɛ́ zɑ́p tʉ́m nǔu, pi sɛ́ wɛ yɔ mbí kɑ kɛ́mɔ́ ńjʉ́ɔꞋ jínu yɔ́p ńdɔk ńtɔ́Ꞌ wɔ́p nɛjʉ́ɔ kyɛꞌ yi ɛ́ fúnɛ nǔu Ŋkʉʉ sʉ́Ꞌnɛ. Pɔ́Ꞌɔ, pɔ́p pɔɔ jí pɑ́Ꞌ nɛŋwɑ́ŋɛ-Kɛlístɔ pɔ́nɛ pɔ́. Jʉ́ Kɛlístɔ pɑ́Ꞌ Sɛ́ pɔ́nɛ.

ŊwɑꞋnɛ-Gɑŋntúu Yɛ́su Kɛlístɔ 3:19

Pɔ́Ꞌɔ lɑ́, pʉʉ kɛ́ ŋ́kúp mɑt wʉʉ, ḿbɛ́m Yɛ́su Kɛlístɔ. Sɛ́ likŋɛ mɛnu kɛpɔŋ mʉ́ʉ.

Mɛnu ɛ́ ńdɑ́Ꞌ ńcẅɛt 20:3

Ŋ́ɡɔ́ɔ ŋ́kɛ́ ńjɛ́Ꞌ wɛ́ ḿmɑꞋ tsɛt nɛpʉ́ kɛ́ ndúŋ, ńdɔk mɑ́jɔ́Ꞌ ńjʉ́ɔꞋ wɛ́ tsɛtú, ńnɑŋ nɛ́ ŋɛmɛ-ŋwɑ́Ꞌ nɛpɔ́ yi ɑ kɛ́ pɛn ńjúk tsɛt mɛŋɡɔŋ mɛŋɡɔŋ ɛ́fúklɛ pʉɔ pɔ́ tɛ ŋɡuꞋ ntsɑ́Ꞌ lɑ́Ꞌ ŋ́kuꞋ. Lɛ́Ꞌ ḿbɔ́ tɛ ŋ́kuꞋ, pɛ́ nɑꞋ ŋ́kíɛꞋ wɛ́ nǔu mɔ́ɔ mɔ̂ŋkɑ́.

1 Jɑ̂ŋ 5:19

Pɛkŋɛ sɛ́ ńjí ŋɡɔ pɛkŋɛ pɔ́ɔ-Sɛ́, lɑ́ ndǔmbí tsʉʉ zúꞋ pɔ mbɔ̌ ŋu kɛpɔŋ.

Mɑtʉ̈ɔ 25:46

Pɔnɛ pʉɔ ɡɔ́ɔ ŋ́kɛ́ ŋ́ɡʉ nɛ́ zʉꞋ yí pɔ́p ɡʉ ńdɑ́Ꞌ ńtswɛ́ zúꞋu, ńjʉ́ɔ pɔ ŋɡʉ̈ɔ́Ꞌ kɛ́ mɛ. Pʉɔ pí pɔ́p kɑ ɡɛnɛ yúu mi Sɛ́ sɛ́ ŋ́kɔŋ, pɔ́p kúu tsɛt luk kɛ́ mɛ.

Mɑtʉ̈ɔ 25:41

Ŋ́ɡɔ́ɔ ŋ́kɛ́ ḿbɛn ńcú mbɔ̌ pʉɔ pí pɔ́p nǔu ɡúŋ-pɔ́ yɛ́ yi ŋkẅɛpmɛ, ɛ́ yɛ́tɛ́: «Pʉʉ ɡɑŋndɔɔ, pʉʉ fú nɛjɔ́ŋ mɔ ŋ́ɡʉ tɛ ŋɡɑ sɑk, ŋ́kúu tsɛt múk ẅi ɛ́ kɛ́ lɑ́Ꞌ ḿbɛ́ pɔ́, ẅi pɛ́ kɑ niitɛ́nɛ ntɛ́ Sɑ́ttɑ pɔ́p pɛcʉ̈ɔ́Ꞌ pɛ́.

Mɛnu ɛ́ ńdɑ́Ꞌ ńcẅɛt 13:8

Pʉɔ tsʉʉ pí pɔ́p ndǔ tsɛ́tsɑ́Ꞌ ɡʉ ŋ́ɡɛ ŋ́kẅíꞋlɛ mbi yɛ́, ŋ́ɡúꞋlɛ wɛ́. Pɛ́ lɑ́Ꞌ ŋɡɔŋ pʉɔ tsʉʉ pí pɛ́ ŋ́kɑɑ ŋwɑꞋnɛ lík yɔ́p tsɛt ŋwɑꞋnɛ-luk tɛ ɛ́fú ŋkɑ́ yi mbí kɑ zɛnɛ pɔ́, ŋwɑꞋnɛ ɛ̂yɑ́ yɛ́ mɔ́ɔ-Njinjɔ ẅí pɛ́ kɑ jẅínɛ wɛ́.

Pʉɔ-Lɔ́mɑ 9:22

Ɛ́ ndʉ́ŋndʉŋ pɑ́Ꞌ Sɛ́ ŋ́ɡɛ nǔu pʉɔmɛsɔŋ. A kɑ kɔŋ nɛnyɛt ŋɡɔ lɔ́ŋ wɛ sɛ́ ńzɑ́ŋ nǔu mɛnu mi pʉɔmɛsɔŋ ɡɛnɛ, pɛ́ fú nǔu ńjʉ́ɔ pɑ́Ꞌ ɑ tɛnnɛ pɔ́Ꞌɔ. Lɑ́, mbɔ ɑ kɑ ɡʉ nǔu pʉɔ pi, ɑ kɑ pɔ́ ŋ́ɡʉ ńzɑ́ŋ lɔ́ŋ nǔu pɔ́p, ŋ́kɛ́ ɛ́sʉk sʉknɛ ńzẅíꞋlɛ. Mbɔ ɛ́ kɑ ɡɔ́ ḿbɔ́, ḿbɔ́ pɔ́p kuꞋ pɑ́Ꞌ ɑ ɡʉ ḿbík wɔ́p píknɛ.

Lúkɑ́shi 14:33

Pɔ́Ꞌɔ Yɛ́su cú mbɔ̌ pɔ́p ŋɡɔ: «Ɛ́ ndʉ́ŋndʉŋ pɔ́Ꞌɔ, mbɑ wɔ̌ lɑ́ tsɛtsɛt pʉʉ lɑɑ ḿbɔɔ piitɛ ńnɑ́ yúu tsʉʉ yi ɑ ɡẅɛɛnɛ pɔ́, mbɔ ɑ kɛ́ kuꞋ nɛpɔ́ ŋɡɑŋkuwɑɑ pɔ́.»

Mɛnu ɛ́ ńdɑ́Ꞌ ńcẅɛt 12:9

Pɛ́ tsʉ́ʉ wɛ́ pɔ́p pɛcʉ̈ɔ́ pɛ́, ḿbʉɔt ndǔ tsɛ́tsɑ́Ꞌ. A jʉ́ ḿbɔ́ nɔ́ wɑ́ ẅi ɑ kɑ fúnɛ ŋkɑ́ mbi lɑ́, pɛ́ fúŋ wɛ́ ŋɡɔ ndɛɛbɛlɛ, ḿbɛn ɛ́fúŋ wɛ́ ŋɡɔ Sɑ́ttɑ, ɑ jʉ́ ẅi ɑ fúklɛ́nɛ pʉɔmɛsɔŋ tsʉʉ ndǔ tsɛ́tsɑ́Ꞌ.

Lúkɑ́shi 9:33

Pɔ́p pɛ́pɔ́p kɑ tsʉꞋ ḿbɔ́ ŋ́ɡʉ pɔ ɛ́fyɑkŋɛ, Pyɛ̂ ɡwɛt ɡwɛtnɛ tɛ ńcú mbɔ̌ Yɛ́su ŋɡɔ: «Tɑ̌ɑ wɛk, pɛkŋɛ lɑɑ ńtsʉ́Ꞌ ńnɑ́ŋ pɔ zɑ́Ꞌnɛ, ɛ́ pɔ́ sʉ́Ꞌnɛ. Pɛ́m pɛk kút mɛntɑp mɛ́ntɑ́t, tɑ́Ꞌ pɔ́ yú, yɛcɔ́ pɔ́ yɛ́ Mɔ̌sɛ̂ɛ, yɛcɔ́ pɔ́ yɛ́ Ɛlîi.» Pyɛ̂ cú yɛ́ pɔ́Ꞌɔ, ḿbɔɔ ńjí yúu mi ɑ cúnɛ pɔ́.

Mɑtʉ̈ɔ 7:14

Lɑ́ ntsuŋkɑ́Ꞌ ẅi ɛ́ ɡʉnɛ lɑ́Ꞌ-luk kɛ́mɛ kɑ́ ɡúꞋ. Sɛ̂ndúŋ pɛn ŋ́kʉ́ʉpɛ, pɑlɛɛ ẅîwɑ́ kɑ́ zɑ́ɑ.