6 Lɑ́ ŋ́ɡʉ nǔu pʉʉ, mbɔ ŋu lɑɑ ḿbɔ́ ŋ́ɡʉ ńcɛꞋlɛ Sɛ́, ɑ kúu tsɛt lûmndɑ́ lʉɔmɛ́nɛ, ŋ́kẅíipɛ ntsundɑ́, ńnɑ́ŋ pɔ ndʉɔmɛ lʉɔmɛ́nɛ lɑ́ ńcɛꞋlɛ Tɑ́t wɛ ẅí pɛ́ ńjʉ́ɔ wɛ́ pɔ́. Tɑ́t wu ẅí ɑ jʉ́ɔnɛ yúu mi ɔ ɡɛnɛ zʉꞋ lʉɔmɛ́nɛ, ɑ ɡʉ ŋ́ɡɛ ńtsɔ́Ꞌ fɑꞋ yú.
Yɛ́su tsʉ́Ꞌ ńdɛɛmɛ nɔɔ-lɑ́Ꞌ, ŋ́kɔ́Ꞌ ndǔ nɛŋkɔ́Ꞌ nɛcɛꞋlɛ Sɛ́. TúꞋ ɡɛ ŋ́ɡɔ sʉ́ʉ, ɑ tsʉ́Ꞌ ḿbɔ́ zúꞋu pɔ zɛnɛjʉ́,
Pyɛ̂ fú ndɑ́ ńcẅɛɛtɛ pʉɔ tsʉʉ, ńcúŋ ŋ́kẅíꞋlɛ sɛ́, ńcɛꞋlɛ Sɛ́, ḿbɛn ɛ́shɔtnɛ ńdíŋɛ mpfú, ńcú ŋɡɔ: «Tɑpítɑ, lɔ sɛ́.» Tɑpítɑ ɡɔ́ɔ ńníɛꞋ mík, ḿbɔ́ tɛ ńjʉ́ɔ Pyɛ̂, ŋ́ɡɔ́ɔ ḿbʉꞋ mbʉʉ yɛ ńnɑ́ŋ nɑ́ŋnɛ.
Ɛ́ lɛɛ pɔ́Ꞌɔ, wɛcɔ́ ŋu pɔɔ jí ŋɡɔ ɔ sɛ́ ńnɑ́ŋ njí nɛcɛꞋlɛ Sɛ́ pɔ́. Tɑ́t wu Sɛ́ zɛnɛjʉ́ ẅi pɛ́ kɑ́ pɔ́ ńjʉ́ɔ wɛ́ pɔ́ zɛɛnɛ ńjí. Jʉ́ ẅi ɑ sɛ́ ńjʉ́ɔ yúu mi ɔ ɡɛnɛ ndʉɔmɛ lʉɔmɛ́nɛ ɡʉ ŋ́ɡɛ ńtsɔ́Ꞌ fɑꞋ yú.
Njí ɡɛ ŋ́kiɛ, pɔ́p pɛ́t ḿbɔ́ pɔ sɛ̂ndúŋ, ɛ́ pɔ́ yúu ntʉʉ nɛm, tɛ mbɔ pɔ́p ɡʉ tɛ ńtsʉ́Ꞌ nɛkúu tʉ́sɔŋ-Jɔp. Ɛ́ ɡɔ́ ḿbɔ́, mbɔ Pyɛ̂ kɔ́Ꞌ nǔu zʉꞋ yí ɛ́ ntsɔꞋndɑ́, ḿbɔ́ pɔ pɑ́Ꞌ tɛtɑ́ɑ lɑ́ nɛcɛꞋlɛ Sɛ́.
Ɛ́ lɛɛ pɔ́Ꞌɔ, yúu mi ɔ ɡɑ́nɛ, ɛ́ pɔ́ pɔ tsɛt ntsɛm, Tɑ́t wu Sɛ́ ẅi ɑ jʉ́ɔnɛ yúu mi pɛ́ ɡɑ́nɛ tsɛt ntsɛm, ɡɛ ńtsɔ́Ꞌ fɑꞋ yú.»
Ɛ́ yúu mi ɛ́ ɡɛnɛ ŋ kẅíꞋlɛ mbi Sɛ́ Tɑ́t
Pʉɔ pi pɔ́p zɛɛ ńnɑ́ŋ pɔ nǔu ntɛ́ yi mbʉʉ yɔp sɛ́ ɛ́sẅíi wɔ́p, ńtík tʉ́m yɔ́p pɔ nǔu yúu mi mbʉʉ yɔp sɛ́ ŋ́kɔŋ, lɑ́ pʉɔ pi pɔ́p nɑ́ŋnɛ nǔu ntɛ́ yi Zẅikŋɛ Lɛ́ɛnɛ́nɛ sɛ́ ɛ́sẅíi wɔ́p, tík tʉ́m yɔ́p pɔ nǔu yúu mi Zẅikŋɛ Lɛ́ɛnɛ́nɛ sɛ́ ŋ́kɔŋ.
Kɔ̂lnɛ́ɛ tsɔ́Ꞌ mbɔ̌ Pyɛ̂ ŋɡɔ: «Ɛ́ ŋkɔ̂ɔnɛ ḿbɔ́ lɛ́Ꞌ pɛ́nɛ́kwɑ, pɑ́Ꞌ ɛ́ ḿbɔ́nɛ nǔu nɛm yɛ́tɑ́t mbɔ́tnjí pɑ́Ꞌ ŋkɔ̂ɔnɛ lɑɑnɛ, m bɔ́ ndɑ́ mɔ ḿbɔ́ ńcɛꞋlɛ Sɛ́, ŋ́ɡɔ ńjʉ́ɔ wɛcɔ́ ŋu vukŋɛ vukŋɛnɛ ńcẅɛt ńtʉ́ʉ mbi mɔ, ḿmɑꞋ mɛndẅí ɛ́ pɔ́ ŋ́ŋwɑŋɛ ŋwɑŋɛ́nɛ,
Nɑtɑnɑyɛ̂l píkŋɛ Yɛ́su ŋɡɔ: «Ɔ jí wɑ́ɑ ɡɔ́?» Yɛ́su pʉ̈ɔt mbɔ̌ wɛ́ ŋɡɔ: «Filîp lɑ́Ꞌ ŋ́ɡɔ ɛ́fúŋ wú pɑ́Ꞌɑ m bɔ́ ńjʉ́ɔ wú jʉ́ɔnɛ. Ɔ lɑ́Ꞌ ńnɑ́ŋ nɛtsɛ́n-tʉ́-ŋɡɛ̌m.»
Yɛ́su cú mbɔ̌ wɛ́ ŋɡɔ: «Kɔɔ lɑ́ɑtɛ wɑ́ɑ, mbíꞋŋɡɔ n zɛɛ ḿbɛ́t kɛ́ kɔ́Ꞌ tɛ ŋ́kúu nɛjɔ́ŋ Tɑ̌ɑ. Kɛ́ ŋ́ɡʉ ńjʉ́ɔ pɔ́ɔpɛmɑ́ pɑ́ɑ, ńcú mbɔ̌ pɔ́p ŋɡɔ: Mɔ kɔ́Ꞌ nɛ́ nɛjɔ́ŋ Tɑ̌ɑ ẅi ɑ pɛn ḿbɔ́ Tɑ̌ɑ wʉʉ. Nɛjɔ́ŋ Sɛ́ wɑɑ ẅi ɑ pɛn ḿbɔ́ Sɛ́ wʉʉ.»
