Mɑtʉ̈ɔ 6:14 - Kɑɑ Fí

¹⁴ Ɛ́ pɔ́Ꞌɔ, ḿbɔ́ yi pʉʉ lɑɑ ńzɛɛ ńdikŋɛ mɛfɑɑnɛ pɛcɔ́ pʉɔ, lɑ́ mbɔ Tɑ̌ɑ wʉʉ ẅí ɑ tʉ́nɛ́pú ɡʉ ŋ́ɡɛ ńdíkŋɛ mʉ́ʉ ɡúu.

Mɑtʉ̈ɔ 6:14 交叉引用

Ɛ́fɛ̂zɛ 4:32

ńdíŋɛ pɔ́ɔpɛ́mɑ́ pʉ́ʉ pɔ nɛ́ tʉ́m sʉ́Ꞌnɛ, ŋ́ɡẅɛɛ tsɑ́ɑ mɛjʉ́ŋ nzʉʉ pɛcɔ́ pʉɔ, pʉʉ likŋɛ mɛfɑɑnɛ tsɛtsɛt pʉʉ nɛ́ pʉʉ, ndʉ́ŋndʉŋ pɑ́Ꞌ Sɛ́ kɑ lɛɛnɛ nǔu Kɛlístɔ ńdikŋɛ mʉ́ʉ ŋ́ɡɑ́ mbɔ̌ pʉʉ.

Mɑ́lɛ́kúshi 11:25

Ŋkɑ́ yi ɔ sɛ́ ńcɛꞋlɛ Sɛ́ lɑ́, ḿbɔ́ yi ŋu fɑɑnɛ nu mbɔ̌ wu, ɔ likŋɛ ŋ́ɡɑ́ mbɔ̌ ŋɡɑŋ. Ɛ́ lɛɛ pɔ́Ꞌɔ, lɑ́ Tɑ̌ɑ wʉʉ ẅí ɑ tʉ́nɛ́pú, likŋɛ mʉ́ʉ mɛfɑɑnɛ ŋ́ɡɑ́ mbɔ̌ pʉʉ.

Kɔlɔsíyɛ̂ŋ 3:13

Pʉʉ ɡẅɛɛ sʉk tʉ́m tsɛtsɛt pʉʉ, ŋu wʉ́ʉ lɑɑ fɑɑnɛ nu pʉʉ likŋɛ ŋ́ɡɑ́ mbɔ̌ wɛ́, ńdikŋɛ mɛfɑɑnɛ mʉ́ʉ tsɛtsɛt pʉʉ nɛ́ pʉʉ, pɑ́Ꞌ Tsɑpʉɔ kɑ likŋɛ́nɛ mɛfɑɑnɛ mʉ́ʉ ɡúu lɑ́.

Mɑtʉ̈ɔ 7:2

Ɛ́ ɡʉ ɛ́fú pɔ nǔu ntɛ́ yi pʉʉ lɔknɛ ńtɔ́ lɔ́Ꞌ pɛcɔ́ pʉɔ, lɑ Sɛ́ pɛ́ɛ fʉꞋ nɛtɔ́ yʉ́ʉ lɔ́Ꞌ ɡúu. Pʉʉ jí ŋɡɔ: Sɛ́ ɡʉ ńtɑ́ɑ ńníꞋ pɑɑ yʉ́ʉ pɔ pɑ́Ꞌ pʉʉ zɛɛnɛ ńníꞋ yɛ́ pɛcɔ́ pʉɔ.

Jɑ̂k 2:13

Sɛ́ ɡʉ ńdɑ́Ꞌ ḿbɔ́ ńzɑ́Ꞌ mɛntsɑŋ, mbɔɔ tsɑ́ɑ mɛjʉ́ŋ kɛ́tsɑ́ɑmɛjʉ́ŋ pʉɔ pɔ́, lɑ́ ḿbɔ́ yi ŋu kɑ tsɑ́ɑ mɛjʉ́ŋ, mbɔ ɑ ɡʉ ńdɑ́Ꞌ ńdɔk pɔ́Ꞌɔ, Sɛ́ pɔɔ wɛ́ ŋɑk.

Mɑtʉ̈ɔ 6:12

likŋɛ mɛfɑɑnɛ mɛ́k, ŋ́ɡɑ́ mbɔ̌ pɛk, pɑ́Ꞌ pɛk sɛ́ ńdikŋɛ yɛ́k ŋ́ɡɑ́ mbɔ̌ pʉɔ pi pɔ́p ɡɛnɛ nǔu pɛk lɑ́.

1 Jɑ̂ŋ 3:10

Pʉʉ jʉ́ɔ yúu mi pɛ́ fúnɛ nǔu ńdɔk ńjí pʉɔ-Sɛ́, ḿbɛn ńjí pɛ́ Sɑ́ttɑ. Ŋu lɑɑ ŋ́kɛ́ ŋ́ɡɛ yúu mi ɛ́ ndʉ́ŋndʉŋ mbi Sɛ́, ŋ́kɛ́ mbɔɔ kɔŋ mɔ́ɔmɑ́ wɛ pɔ́, mbɔ ŋɡɑŋ kɑ́ pɔ́ mɔ́ɔ-Sɛ́ pɔ́.

Mɑtʉ̈ɔ 5:7

Pɛpɔ́ttú pʉɔ pinɛ pɔ́p sɛ́ ńtsɑ́ɑ mɛjʉ́ŋ pɛcɔ́ pʉɔ, mbíꞋŋɡɔ Sɛ́ ɡʉ ŋ́ɡɛ ńtsɑ́ɑ mɛjʉ́ŋ mɔ́p ɡúu.

Lúkɑ́shi 6:37

«Kɔɔ pʉʉ nɑ́ŋ ńtɔ́ lɔ́Ꞌ-pʉɔ ḿbɔ́k Sɛ́ nɛtɔ́ yʉ́ʉ lɔ́Ꞌ! Kɔɔ pʉʉ nɑ́ŋ ŋ́kʉ́ʉnɛ pʉɔ ḿbɔ́k Sɛ́ nɛkʉ́ʉnɛ wʉ́ʉ! Pʉʉ nɑ́ŋ ńdikŋɛ mɛfɑɑnɛ-pʉɔ, sɛ́ likŋɛ mɛfɑɑnɛ mʉ́ʉ.