Biblia Todo Logo
在线圣经

- 广告 -




Mɑtʉ̈ɔ 5:30 - Kɑɑ Fí

30 Pɔ́ yú yɛ́ tʉʉ lɑɑ ńtsʉ́ʉnɛ wú ɔ fɑɑnɛ nu, ɔ zɑ́Ꞌ ḿmɛꞋ tɛ ŋɡɑ sɛsɑ. Mbi pɑ́Ꞌ ḿbɔ́ yɛcɔ́ tɑ́Ꞌ nǔu mɛkɛm mbʉʉ mú pɛ́, pɛ́ pɛn ŋ́kɛ́ ḿbɔɔ lɑ́Ꞌ ḿmɑꞋ wú tsɛt múk pɔ́.»

参见章节 复制




Mɑtʉ̈ɔ 5:30
19 交叉引用  

Pɔ́ yú lɑɑnɛ ḿbɔ́ ńtsʉ́ʉnɛ wú ńníꞋ tsɛt mɛfɑɑnɛ, ɔ zɑꞋ ḿmɛꞋ, mbi nɛpɔ́ ŋkɛmpɔ́, lɑ́ ŋ́kɛ́ ńdɑ́Ꞌ ḿbɔ́ ɡú, ńtsɑ nɛɡẅɛɛ mbɔ́ mɛmbɑ́, lɑ́ ḿbɛn ŋ́kúu tsɛt zʉꞋ yí múk zúꞋu, ḿbɔ́ yi ɛ́ ńdɑ́Ꞌ ḿbɛ́ yɛcɔ́ lɛ́Ꞌ pɔ́,


Lík yú yɛ́ pɔ́ tʉʉ lɑɑ ńtsʉ́ʉnɛ wú ɔ fɑɑnɛ nu, ɔ tsɔ́Ꞌ ḿmɛꞋ tɛ ŋɡɑ sɛsɑ. Mbi pɑ́Ꞌ mbɔ yɛcɔ́ tɑ́Ꞌ nǔu mɛkɛm mbʉʉ mú pɛ́, pɛ́ pɛn ŋ́kɛ́ ḿbɔɔ lɑ́Ꞌ ḿmɑꞋ wú tsɛt múk pɔ́.


Ḿbɛn ḿbɔ́ ŋɡɔꞋ yi ɛ́ ɡʉ ŋ́ɡɛ pɛ́ vu sɛ́, ɛ́ mɑ́mɑ́ ŋɡɔꞋ yi pɛ́ ɡʉ kɔɔtɛ nǔu.» Pɔ́p ŋ́kɔɔtɛ nǔu, mbíꞋŋɡɔ pɔ́p lʉꞋ nɛzúꞋ sẅiŋɛ-sɛ́. Ɛ́ kɛ́ ḿbɔ́ pɔ pɑ́Ꞌ Sɛ́ kɑ zɑ́pnɛ ŋɡɔ ɛ́ ɡʉ ńdɑ́Ꞌ ḿbɔ́ pɔ pɔ́Ꞌɔ nǔu pɔ́p.


Ɛ́ pɔ́Ꞌɔ lɑ́ ḿbɔ́ yi n dɑɑ ńjʉ́ yúupɛ́jʉ́, yi mɔ ńjʉ́ ɛ́ ɡɛ mɔ́ɔmɑ́ mɔ vu sɛ́, mbɔ ɛ́ lɑɑ ńtsʉ́Ꞌ yi ŋ ɡɛ pɔ́Ꞌɔ, m bɔɔ lɑ́Ꞌ ḿbɛn ŋ́kwɛ́t mbɑp pɔ́.


Mbi pɑꞋ mbɔ pɛ́ cʉŋɛ mɑ́mɑ́ luŋ lɔ́ŋ-ŋɡɑŋ, ḿmɑꞋ wɛ́ tsɛt Mí, ńtsɑ pɑꞋ ḿbɔ́ pɛ́ nɑ́ wɛ́, ɑ ɡɛ tɛ wɛcɔ́ tɑ́Ꞌ nǔu pɛɡɛɡʉʉ pɑ́ɑ lɛɛ nzʉʉ yɛ́ lɑ ɛ́fɑɑnɛ nu.


lɑ́ mbɔɔ nɑ́ ɛ́ lɑt mɛŋɑŋ tʉ́m pɔ́p pɔ́, mbíꞌŋɡɔ pɔ́p pɔ́ pʉɔ-lɛ́Ꞌlɑ́Ꞌ. Pɛ́ pɔ́ tɛ ńzɛ nɛkʉ́ʉnɛ wɔ́p, ńnyɛt wɔ́p nɛ́ ŋɡʉ̈ɔ́Ꞌ mɛlɑ́Ꞌ nu-Sɛ́ pɔ́p ɡɔ́ɔ ḿmɛꞋ.


Lɑ́ mɔ ɛ́sẅíi wʉ́ʉ ŋu ẅi pʉʉ ɡẅɛɛ nɛpɔ́k wɛ́: Pʉʉ pɔ́k pɔ ndɑꞋ Sɛ́ mbíꞋŋɡɔ ḿbɔ́ ɑ jẅí ŋu, ḿbɛn ŋ́kuꞋ nɛmɑꞋ wɛ́ tsɛt múk. Ɛ́ pɔ́Ꞌɔ lɑ́, n cú ŋɡɔ pʉʉ pɔ́k pɔ ndɑꞋ Sɛ́.


Pɔ́ɔpɛ́mɑ́ pɑ́ɑ, mɔ pɛ́Ꞌnɛ ḿbɛn ḿbɔ́ ɛ́sɑ́Ꞌ ŋɡɔ pʉɔ ɡɛ pɛ́ púꞋ wɔ́p, pɑyúdɑ pɛn ŋ́kʉ́ʉnɛ wɑ́ɑ pɔ mɛlɑ́Ꞌ kʉ̈ɔ́? Mbɔ nɛpɔ́ ẅí Kɛlístɔ kɑ pfúnɛ nǔu tʉ́ mbɑ́ŋtɛ pɑ́ŋtɛ́nɛ kɑ́ pɛn ŋ́ɡɑ́ɑnɛ wɔ́p pɔ́.


ŊɡɔꞋ yi pɛ́ kɑ ŋwɑꞋnɛ́nɛ yúu nǔu tsɛt ŋwɑꞋnɛ-Sɛ́ ŋɡɔ: Sɛ́ cú ŋɡɔ: Mɔ ńnɔŋ tɑ́Ꞌ ŋɡɔꞋ tʉ́sɔŋ-Siyɔŋ, Ɛ́ pɔ́ yí pɛ́ ɡʉ ŋ́kɔɔtɛ nǔu. Ɛ́ mɑ́mɑ́ ŋɡɔꞋ yí ɛ́ ɡʉ ŋ́ɡɛ pɛ́ vu. Lɑ́ ŋu ẅí ɑ ɡʉ ńzɑ́p tʉ́m yɛ́ nǔu wɛ́, sʉ́ʉ kɛ́ lɑ́Ꞌ ŋ́kɔ́ wɛ́ pɔ́.


Pɔ́p pɔ́ ŋ́ɡʉ, Yɛ́su cú mbɔ̌ pɔ́p ŋɡɔ: «Ɛ́ ɡʉ ŋ́ɡɛ ḿbɔ́ nɛtúꞋ lɔ́Ꞌnɛ, pʉʉ pɛtsʉʉ tɛmtɛ ḿmɛꞋ wɑ́ɑ ŋ́kʉɔ, ɛ́ puutɛ pɑ́Ꞌ pɛ́ kɑ ŋwɑꞋnɛ́nɛ ŋɡɔ Sɛ́ cú ŋɡɔ: Mɔ, ŋ ɡʉ ńdɑ́Ꞌ ńjẅí mbyɛ́p mbí, mɛnjinjɔ mɛ́ sɑt tɛt.»


Fɔɔ ɡɔ́ɔ ŋ́kɛ́ ńcú mbɔ̌ pɛtsiindɑ́ pɛ́ ŋɡɔ: «Pʉʉ kút mɛku mɛ́, ŋ́kút mbɔ́ mɛ́, ḿmɑꞋ wɛ́ píi, tsɛt nzɛ́nzʉ́ʉ. A ɡʉ ńnɑ́ŋ zúꞋu ḿbɔ́ ńdɑɑ, ḿbɔ́ ŋ́kwɛ́t mɛsɔŋ.»


Ŋu ẅí ɑ kɑ nɑ́nɛ ŋkɑ́p pɑk ŋkʉ yɛ́tɑ́ɑ mbɔ̌ wɛ́ tɔ́, ńnyɛt yɛ́ yɛcɔ́ pɑk ŋkʉ yɛ́tɑ́ɑ, ńcú ŋɡɔ: «Ndɛ ɔ kɑ nɑ́ ŋkɑ́p pɑk ŋkʉ yɛ́tɑ́ɑ mbɔ̌ mɔ, ŋ ɡɛ pɑk ŋkʉ yɛ́tɑ́ɑ zɑ́pmɛ nǔu.»


Yɛ́su shɔtnɛ, ńcú mbɔ̌ Pyɛ̂ ŋɡɔ: «Fú nzʉʉ mɔ ńtsʉ́ʉtɛ Sɑ́ttɑ! Ɔ tsʉ́Ꞌ ńtɑɑtɛ wɑ́ɑ tɑɑtɛnɛ. Ɔ kɑ́ pɔ́ ŋ́kwɑŋɛ pɑ́Ꞌɑ, ɛ́ pɔ́ pɑ́Ꞌ Sɛ́ sɛ́ ŋ́kwɑŋɛ pɔ́, yɑ́ pɔ́ pɔ kwɑŋɛ-pʉɔmɛsɔŋ.»


Pɔ́ttú ŋu ẅi ɑ kɛ́ kɔɔtɛ nǔu mɔ ḿvu sɛ́ pɔ́!


Lɑ́ n cú yɑ́ɑ mbɔ̌ pʉʉ ŋɡɔ: «Ŋu lɑɑ ńzɑ́ŋ lɔ́ŋ nǔu mɔ́ɔmɑ́ wɛ, mbɔ pɛ́ ɡẅɛɛ nɛlɔk wɛ́ ŋ́ɡʉ mbi nzɑ́Ꞌmɛntsɑŋ. Ŋu ẅí ɑ fúŋnɛ mɔ́ɔmɑ́ wɛ nɛ́ ɡʉɡʉʉ, pɛ́ ɡẅɛɛ nɛlɔk wɛ́ ẅi ɑ fúŋnɛ ŋ́ɡʉ mbi-cúꞋlɛ-pɑsɑ́Ꞌlɑ́Ꞌ. Ŋu ẅí ɑ fúŋnɛ mɔ́ɔmɑ́ wɛ ŋɡɔ pʉ̈ɔt ɔ kɛ́jísɛ́, ɑ kuꞋ ŋu ẅí ḿbɔ́ Sɛ́ mɑꞋ wɛ́ múk.


Lɑ́ kɔɔ pûu ɡɛ nu pʉ́k pɑcẅɛ́ɛ ntsup. Gʉ ŋki ḿmɑꞋ mbɑꞋ. Ɔ ɡʉ ŋ́ɡẅɛɛ nduŋmbi mbɑŋ shú, ŋíɛꞋ ntsu wɛ́, ńjʉ́ɔ pɑk-ŋkɑ́p, ńcẅɛɛtɛ ńdɔk ŋ́ɡʉ ḿmɑꞋ yúu ntsup.


Pɔ́Ꞌɔ lɑ́, ɛ́ lɑɑ ńtsʉ́Ꞌ yi pɔ́ yú kɛ ku yú ɔɔ, tsʉ́ʉnɛ wú, ɔ fɑɑnɛ nu, ɔ zɑ́Ꞌ ḿmɛꞋ tɛ ŋɡɑ sɛsɑ. Mbi ɡu nɛpɔ́ ŋkɛmpɔ́ kɛ kɛmku ɔɔ, ńdɑ́Ꞌ ḿbɔ́ ɡú, ńtsɑ pɑ́Ꞌ ɛ́ lɑɑ ḿbɔ́, ɔ ɡẅɛɛ mbɔ́ mú mɛmbɑ́ kɛ mɛku mú mɛmbɑ́ ɔɔ, ńdɑ́Ꞌ ŋ́kúu tsɛt múk ẅi ɛ́ kɛ́ lɑ́Ꞌ ḿbɛ́ pɔ́.


跟着我们:

广告


广告