Mɑtʉ̈ɔ 5:23 - Kɑɑ Fí

²³ Pɔ́Ꞌɔ lɑ́, ŋu lɑɑ ńdɔk yúu-pɔꞋ yɛ́ ńtɔ́ zʉꞋ yi pɛ́ nɔŋnɛ pɔꞋ zúꞋu nɛɡɑ́ mbɔ̌ Sɛ́, ŋ́kẅíitɛ ŋɡɔ ɑ kɑ fɑɑnɛ nu mbɔ̌ mɔ́ɔmɑ́ wɛ,

Mɑtʉ̈ɔ 5:23 交叉引用

Mɑ́lɛ́kúshi 11:25

Ŋkɑ́ yi ɔ sɛ́ ńcɛꞋlɛ Sɛ́ lɑ́, ḿbɔ́ yi ŋu fɑɑnɛ nu mbɔ̌ wu, ɔ likŋɛ ŋ́ɡɑ́ mbɔ̌ ŋɡɑŋ. Ɛ́ lɛɛ pɔ́Ꞌɔ, lɑ́ Tɑ̌ɑ wʉʉ ẅí ɑ tʉ́nɛ́pú, likŋɛ mʉ́ʉ mɛfɑɑnɛ ŋ́ɡɑ́ mbɔ̌ pʉʉ.

Mɑtʉ̈ɔ 5:24

ŋɡɑŋ nɑ́ yúu-pɔꞋ pɛ́ zúꞋu, ńzɛɛ ŋ́ɡʉ ńjʉ́ɔ mɔ́ɔmɑ́ wɛ pɔ́pmɛ́ mɛk yîyɑ́ nu, lɑ ɑ pɛn nzʉʉ ŋ́ɡɑ́ yúu-pɔꞋ pɛ́ mbɔ̌ Sɛ́.

Mɑtʉ̈ɔ 8:4

Yɛ́su cú mbɔ̌ wɛ́ ŋɡɔ: «Pɑ́ɑ nɛkɛ́ ŋ́kẅíi tɛ ŋu zúꞋ, lɑ́ kɛ́ ŋ́ɡʉ ńnyɛt mbʉʉ yu, mbɔ̌ nɔŋpɔꞋ, ḿbɛn ŋ́ɡɑ́ yúu mi nɛpʉ́ʉ-Mɔ̌sɛ̂ɛ sɛ́ ḿbíkŋɛ mbɔ̌ ŋu ẅí ŋkɑꞋ mɛnɛ nǔu wɛ́, pʉɔ tsʉʉ jí ŋɡɔ ɔ fíitɛ.»

Mɑtʉ̈ɔ 23:19

Pɛfʉmík, ɛ́ ɡʉ nǔu zʉꞋ yí pɛ́ nɔŋnɛ pɔꞋ zúꞋu, pɔ́p pɔꞋ, kʉ̈ɔ́ tsɑ kʉ̈ɔ́? ZʉꞋ yí pɛ́ nɔŋnɛ pɔꞋ zúꞋu kɑ́ nɛ́ ɡɛ pɔꞋ tsʉ́Ꞌ wɛ́ Sɛ́ pɔ́ ɔɔ?)

Lúkɑ́shi 19:8

Pɔ́pmɛ́ ɡɛ ḿbɔ́ ndɑ́, Sɑkíyɔ tʉ́ʉ mbi yɛ́ ńcú ŋɡɔ: «Tsɑpʉɔ, mɔ ŋ́ɡɑptɛ yúu pɑ́ɑ nji yɛ́pɑ́, ŋ́ɡɑ́ tɑ́Ꞌ nji mbɔ̌ pɛkɛyúu, ḿbɔ́ yi ŋ kɑ lɔk ɡɑ́tɛ ńcẅɛ́ɛ yúu-ŋu, mbɔ mɔ ńtsɔ́Ꞌ ŋ́ɡɑ́ mbɔ̌ ŋɡɑŋ ŋkɑ́ yɛ́nɛ́kwɑ.»