Mɑtʉ̈ɔ 4:24 - Kɑɑ Fí

²⁴ Ɛ́ pɔ́ pɔ́Ꞌɔ, pɛ́ lɔk lík yɛ́ ɛ́sɑt ŋɡɔŋ-Silii tsʉʉ. Pɛ́ pɔ́ ńdɔk pʉɔ tsʉʉ pinɛ mɛɡɔɔ ntɛ́ nɛ́ ntɛ́ m̄bɔ́nɛ nǔu pɔ́p, pʉɔ pinɛ mɛzẅikŋɛ kɛpɔŋ kɑ pɔ́ ḿbúunɛ wɔ́p, mbɑ pɑvu tú, pɔ́p ɡɑŋkẅíꞋlɛ ńtɔ́, Yɛ́su ɡɛ pɔ́p fíitɛ.

Mɑtʉ̈ɔ 4:24 交叉引用

Mɑtʉ̈ɔ 17:15

ńcú mbɔ̌ wɛ́ ŋɡɔ: «Ndɛ, sɛ́sẅíi, tsɑ́ɑ mɛjʉ́ŋ mɔ́ɔ wɑɑ wɔ, ɑ mvuɡwɑ́Ꞌ. A jʉ́ɔ ŋɡʉ̈ɔ́Ꞌ tɛꞋ, ɑ zɑ́ɑ ḿvu tsɛt múk, tɛ mbɑ tsɛt ŋki.

Mɑtʉ̈ɔ 8:6

ńcú ŋɡɔ: «Tsɑpʉɔ, mɔ́ŋkʉ̈ɔ́-fɑꞋ wɑɑ nɔɔ ndɑ́, mbɔ kẅíꞋlɛ ɡẅɛɛ wɛ́, ɑ pɔ́ ńjʉ́ɔ ŋɡʉ̈ɔ́Ꞌ tɛꞋ.»

Lúkɑ́shi 5:15

Yɛ́su kɑ tɔꞋ wɛ pɔ́Ꞌɔ, pɛ́ kɛ́ ḿbɔ́ ŋ́kẅiꞋ ŋ́kẅíitɛ wɛ́ kẅíitɛ́nɛ, tɛ lɑ́Ꞌ pɛn ŋ́kẅiꞋ ńtɔ́ nɛzúꞋ sẅiŋɛ yɛ́ mbɑ nɛpɔ́ yi ɑ ɡʉ ńzɔŋ mɛɡɔɔ mɔ́p.

Lúkɑ́shi 2:2

Ɛ́ lɔk ḿbɔ́ nduŋmbi nɛsɑ́ŋ pʉɔ pɔ́Ꞌɔ. Kilinyûs pɔ́ ŋkɑ́ yîyɑ́, ḿbɔ́ Ŋɡɔ́mnɑɑ tsɛt ŋɡɔŋ Siliyɑ.

Mɑtʉ̈ɔ 17:18

Pɔ́p lɔk wɛ́ ńtɔ́, Yɛ́su cʉ́ɔk zẅikŋɛ kɛpɔŋ ɛ̂yɑ́, ɑ cẅɛt nǔu mɔ́ɔ ɛ̂wɑ́, ɑ ɡɔ́ɔ ɛ́fíitɛ pɔ ŋkɑ́ yîyɑ́.

Mɑtʉ̈ɔ 15:22

ŋ́kúu zúꞋu, wɛcɔ́ mɑŋɡɛ́ Kɑ̌nɑhɑ̂n fú zúꞋu ńtɔ́, ńzɛ nɛɡɑ́ ɡwɑ́t, ńcú ŋɡɔ: «Tsɑpʉɔ, ŋu nǔu njẅɛt-fɔɔ Ndɑvît! Tsɑ́ɑ mɛjʉ́ŋ mɑ́ɑ zẅikŋɛ kɛpɔŋ sɛ́ ŋ́ɡɑ́ɑnɛ mɔ́ɔ wɑɑ wɛ mɑŋɡɛ́ tɛꞋ.»

Mɑtʉ̈ɔ 12:22

Pɛ́ lɔk wɛcɔ́ ŋu ńtɔ́ mbi Yɛ́su, mbɔ zẅikŋɛ kɛpɔŋ kɑ ɡɛ ɑ fʉ, ḿbɛn ńtsʉ́Ꞌ cípúꞋ. Yɛ́su ɡɛ ŋu ɛ̂wɑ́ fíitɛ, ŋ́ɡɔ́ɔ ńzɛ nɛsẅíŋɛ, mbɑ nɛjʉ́ɔ zʉꞋ sʉ́Ꞌnɛ.

ŊwɑꞋnɛ-Gɑŋntúu Yɛ́su Kɛlístɔ 10:38

Pʉʉ pɛn ḿbɔ́ ńjí ŋɡɔ Sɛ́ kɑ ɡɑ́ mɛtʉʉ-Zẅikŋɛ Lɛ́ɛnɛ́nɛ mbɔ̌ Yɛ́su mɔ́ɔ-Nɑ̌zɑlɛt ńdɔk pɔ́Ꞌɔ, ńcɔꞋ wɛ́ ḿbɛn ḿbɔ́ ńtʉ̈ɔ́Ꞌlɛ wɛ́. A ɡʉ zʉꞋ tsʉʉ, ḿbɔ́ ŋ́ɡɛ mɛnu sʉ́Ꞌnɛ, ḿbɔ́ ńcẅɛ́ɛ pʉɔ tsʉʉ pí pɔ́p ḿbɔ́nɛ ɡɑŋtsɑ́ŋ nǔu mbɔ́-Sɑ́ttɑ mbíꞋŋɡɔ Sɛ́ kɑ pɔ́ nɛ́ jʉ́.

ŊwɑꞋnɛ-Gɑŋntúu Yɛ́su Kɛlístɔ 15:23

Pɛ́ ɡɛ ŋwɑꞋnɛ yí pɔ́p ɡʉ ńdɔk ŋ́ɡʉ, ŋ́ŋwɑꞋnɛ tsɛtú ŋɡɔ: «Pɛk pɑpɛ́m Yɛ́su, pɔ́p pɑcẅɛ́ɛ mbi tsɛt cúlɛ-pʉɔ-Kɛlístɔ Yɛlúsɑlɛm, pɛk pɔ́ɔpɛ́mɑ́ pʉ́ʉ pɛk cɛꞋlɛ wʉ́ʉ pɛtsʉʉ, pʉʉ pɔ́ɔpɛ́mɑ́ pi pʉʉ kɑ́ pɔ́ pɑyúdɑ pɔ́, pʉʉ ẅi pʉʉ ńtswɛ́nɛ tʉ́sɔŋ-Antíyɔshɛ, tɛ mbɑ pɛcɔ́ pʉɔ pí pɔ́p nǔu pɑk-ŋɡɔŋ Siliyɑ, tɛ mbɑ pʉɔ pí pɔ́p nǔu pɑk-ŋɡɔŋ-Silísíyɑ.

Mɑ́lɛ́kúshi 2:3

Pɛcɔ́ pʉɔ lɔk ŋɡɑŋkẅíꞋlɛ ńtɔ́ ńjʉ́ɔ wɛ́, mbɔ mbɛ́ɛnɛ yɛ́nɛ́kwɑ tsɛtsɛt pɔ́p lʉ̈ɔ́ŋɛ wɛ́.

Mɑ́lɛ́kúshi 1:32

Ntsuŋkẅɛ́Ꞌ ɡɛ ḿbɔ́, tɛ mbɔ mɔ́nɛm pɛ́ mɔ́, pʉɔ zúꞋu zɛ nɛtíi ɡɑŋɡɔɔ tsʉʉ, mbɑ pʉɔ pinɛ mɛcɔ́ mɛzẅikŋɛ kɛpɔŋ kɑ ɡẅɛɛnɛ wɔ́p, ńdɔk ńtɔ́ ńjʉ́ɔ Yɛ́su.

Mɑtʉ̈ɔ 4:23

Yɛ́su ɡɛ ḿbɔ́ ŋ́ɡɔ́ ńnɛn zʉꞋ tsʉʉ tsɛt Ŋɡɑlilɛɛ, ńzíꞋ pʉɔ nɛ́ nu-Sɛ́ tsɛt mɛndɑ́-cúꞋlɛ-pɑyúdɑ, ɛ́sɑ́Ꞌ Ŋkʉʉ sʉ́Ꞌnɛ ẅí ɛ́ sẅíinɛ pʉɔ pɑ́Ꞌ nɛfɔɔ-Sɛ́ pɔ́nɛ, ḿbɔ́ ŋ́ɡɛ ŋu ẅí ɑ ɡẅɛɛnɛ pɔ yɛ́tɛ́ ntɛ́ ɡɔɔ lɑ́ kɛ yɛ́tɛ́ ntɛ́ lɔ́Ꞌ ɔɔ, fíitɛ.

ŊwɑꞋnɛ-Gɑŋntúu Yɛ́su Kɛlístɔ 15:41

A jɛ́Ꞌ wɛ Siliyɑ pɔ́p Silísî, ńnɛn ńníꞋ mɛtʉʉ mɛndɑ́-cúꞋlɛ nǔu nɛniitɛ ńzɑ́p tʉ́m yɔ́p nǔu Tsɑpʉɔ.

Lúkɑ́shi 4:14

Yɛ́su ɡɔ ḿbɛn nɛ́ Ŋɡɑlilɛɛ, zẅikŋɛ-Tsɑpʉɔ Sɛ́ pɔ́ ŋ́ɡɑ́ wɛ́ nɛ́ mɛtʉʉ, ńdɔk ńnyɛt mɛfɑꞋ-Sɛ́. Lík yɛ́ sɑt yîyɑ́ pɑk-ŋɡɔŋ,

Mɑ́lɛ́kúshi 1:28

Pɔ́ꞌɔ lɑ́, lík yɛ́ ɡɔ́ɔ ɛ́sɑt lɑ́Ꞌ tsɛt pɑk-ŋɡɔŋ-Ŋɡɑlilɛɛ tsʉʉ.

Mɑtʉ̈ɔ 14:1

Ɛ́ pɔ́ ŋkɑ́ ɛ̂yɑ́, Ɛlɔ̂dɛ ẅí ɑ kɑ pɔ́ ɛ́sɑ́Ꞌ pɑk-ŋɡɔŋ-Ŋɡɑlilɛɛ zúꞋ pɑ́Ꞌ pɛ́ kẅíinɛ lík-Yɛ́su ntɛ́ mɛnu mi ɑ sɛ́ ŋ́ɡɛ,

Jɑ̂ŋ 10:21

Pɛcɔ́ pɔ́ ŋɡɔ: «Yɑ́ kɑ́ pɔ́ sẅiŋɛ-ŋu njẅɛt-zẅikŋɛ kɛpɔŋ kɑ ɡẅɛɛnɛ wɛ́ pɔ́. Mbɔ zẅikŋɛ kɛpɔŋ ŋíɛꞋ mík-pɛfʉ?»

Mɑtʉ̈ɔ 9:35

Yɛ́su pɔ́ ńdɛɛ tsɛt mɛtʉ́sɔŋ tsʉʉ mbɑ tsɛt mɛlɑ́Ꞌ, ŋ́kúu mbɑ ɡɔ́ lɑ́ ŋ́ɡʉ ndɑ́-cúꞋlɛ, ńzíꞋ pʉɔ nɛ́ nu-Sɛ́, ɛ́sɑ́Ꞌ Ŋkʉʉ sʉ́Ꞌnɛ ẅí ɛ́ cúnɛ pɑ́Ꞌ nɛfɔɔ-Sɛ́ pɔ́nɛ, ŋ́ɡɛ mɛɡɔɔ ntɛ́ nɛ́ ntɛ́ fíitɛ nǔu pʉɔ, mɛlɔ́Ꞌ ntɛ́ nɛ́ ntɛ́ mɛ mbʉʉ-pʉɔ,

Mɑtʉ̈ɔ 9:26

Pɛ́ lɔk yɔ nu ɛ́sɑt zʉꞋ nǔu yîyɑ́ pɑk-ŋɡɔŋ.

Mɑtʉ̈ɔ 8:28

Yɛ́su ɡʉ tɛ ŋ́kúu nǔu yɛcɔ́ njʉ́n. Ɛ́ pɔ́ ŋɡɔŋ-pʉɔ-Ŋɡɑndɑlɑ, pɛcɔ́ pʉɔ pɛ́pɑ́ pínɛ mɛzẅikŋɛ kɛpɔŋ kɑ kúunɛ nǔu pɔ́p fú zʉꞋ pɛ́ tẅínɛ pʉɔ zúꞋu ńcẅɛt ńzɑ́Ꞌ wɛ́, mbɔ pɔ́p kɑ fʉꞋ mɔ nu fʉꞋnɛ tɛ ŋu pɔɔ ḿbɛn ńdɛɛ ẅîwɑ́ shʉ́ pɔ́.

Mɑtʉ̈ɔ 8:33

Pʉɔ pí pɔ́p kɑ pɔ́ ḿbyɛ́p mɛnjínɑɑ jʉ́ɔ pɔ́Ꞌɔ, ńtɑ́kŋɛ ŋ́kʉɔtɛ, ŋ́ɡʉ tʉ́sɔŋ ḿbɔ́ ḿbɛ́ɛtɛ mbɑ kʉ̈ɔ́lɑ́ yi ɛ́ lɛɛnɛ, ḿbɛn ḿbɛ́ɛtɛ yɛ́ pʉɔ pínɛ mɛzẅikŋɛ kɛpɔŋ kɑ pɔ́nɛ nǔu pɔ́p lɑ́.

Mɑ́lɛ́kúshi 2:4

Lɑ́Ꞌ pɛn ńzɑ́ɑ zɑ́ɑnɛ, tɛ pɔ́p pɔɔ kuꞋ nɛnyɛt wɛ́ mbɔ̌ Yɛ́su pɔ́, ńtsɔ́Ꞌ zʉꞋ ndǔ tú-ndɑ́, ńdʉŋtɛ zʉꞋ yi Yɛ́su zúꞋu, ɛ́fú zúꞋu ŋ́kɔk ŋɡɔɔ wɔp nɛ́ pɑ́ŋtɛ wɛ ńtík mbi yɛ́.

Mɑ́lɛ́kúshi 2:9

Pʉʉ jʉ́ɔ yʉ́ʉ ŋɡɔ ɛ́ zɑŋɛ pɔ nɛcú mbɔ̌ ŋɡɑŋkẅíꞋlɛ ŋɡɔ pɛ́ likŋɛ mɛnu kɛpɔŋ mɛ́, kɛ pɔ nɛcú ŋɡɔ ɑ lɔ sɛ́ ńtíi kúu wɛ́ ńdɔk ŋ́ɡʉ?

Lúkɑ́shi 4:38

Yɛ́su cẅɛt ndɑ́-cúꞋlɛ, ŋ́ɡʉ njɛ́Ꞌ Simɔ̂ŋ, ŋ́ɡɔ ŋ́kúu zúꞋu, mbɔ wɛcɔ́ ntʉʉ lyɔknút kɑ ɡẅɛɛ Mɑ́kẅiꞋ-Simɔ̂ŋ. Pɛ́ púꞋ mbɔ́ mbɔ̌ Yɛ́su ŋɡɔ ɑ cẅɛ́lɛ́ wɛ́.

Lúkɑ́shi 5:24

Pɔ́Ꞌɔ, nɛnyɛt pʉʉ jí ŋɡɔ mɔ́ɔ-ŋu ɡẅɛɛ mɛtʉʉ ndǔ tsɛ́tsɑ́Ꞌ nɛlɔk ńdikŋɛ mɛnu kɛpɔŋ-pʉɔmɛsɔŋ ŋ́ɡɑ́ mbɔ̌ pɔ́p. N cú mbɔ̌ wu ŋɡɔ, Lɔ sɛ́, ńtíi pɑ́ŋtɛ wu ńdɔk ŋ́ɡʉ nɛ́ njɛ́Ꞌ yu!»

ŊwɑꞋnɛ-Gɑŋntúu Yɛ́su Kɛlístɔ 8:7

Pʉɔ tɛ ńzɑ́ɑ pi mɛzẅikŋɛ kɛpɔŋ kɑ pɔ́ ḿbúunɛ wɔ́p kɑ pɔ́ ɛ́fíitɛ. Mɛzẅikŋɛ kɛpɔŋ ɡɔ́ ḿbɔ́ ɛ́fú nǔu pɔ́p ńcẅɛt ŋ́ɡíɛt nɛ́ tʉʉ. GɑŋkẅíꞋlɛ pɔ́p ɡɑŋpʉ̈ɔ́Ꞌtɛ mɛku tɛ ńzɑ́ɑ kɑ pɔ́ ɛ́fíitɛ yɔ́p.

Lúkɑ́shi 7:17

Pɛ́ kɑ lɔk mɛnu mi Yɛ́su ɡɛnɛ ɛ́sɑt ŋɡɔ́ŋ-Jẅidɛ̂, tɛ mbɑ mɛcɔ́ mɛlɑ́Ꞌ shʉ́ zúꞋu.

ŊwɑꞋnɛ-Gɑŋntúu Yɛ́su Kɛlístɔ 28:9

Pɛcɔ́ ɡɑŋɡɔɔ zúꞋ, ɛ́fú mɛshʉ́ mɛshʉ́ tsɛt ŋɡɔŋ ɛ̂wɑ́, ńtɔ́ ńjʉ́ɔ Pɔ̂l. A ɡɛ pɔ́p fíitɛ.